ومن غير تفكير ضمها ليه وكان فرحان لدرجه انو كان
نفسو يدخلها بين ضلوعو.
♕♕♕♕♕
ما بعد مرور سنه.
صحي عصافير الحب الظهر بعد ما فضلو سهرانين
لحد الصبح طبعا ماليهم الحق في اجازه بقا بس
كلها شهر وهيرجعو للكليه اه صحيح هما رايحين
سنه تانيه وكل ما بيكبرو بيحلو معرفش ايه العيال
دي مش مراعيا ان في سناجل خالص.
في بيت سي عبدالله.
الام: يا عبداااااالله.
عبدالله: يارب نيزك يارب يجيي يخلصني من البيت
ده يارب.
الام: يا عبداااااالله.
عبدالله: خلاص واللهي صحيت يا ماما اقسم بالله
صحيت ولا اقولك لسه في جارنا اللي في أخر
الشارع مسمعش صوتك.
الام: يالا قوم ياض روح هات الطلبات دي لمرات
اخوك انت مش شايفها حامل.
وبعد ما راح بطلنا جاب الطلبات والبطاطس
والطماطم لممتو من السوق رجع كمل نوم.
لكن لا ازاي مفيش حد يزعجو لازم التلفون يرن ويرن
كنزي: الو يا قطتي يالا قوم قوووووم.
عبدالله: الرقم الذي تتصل بها مغلق حاليا بالرجاء
المحاوله بعد الغداء او بعد العيد.
كنزي: قوم ياض انت فاكرني من البنات السيكي
ميكي وهفضل اتحايل قوم ياض.
عبدالله: خلاص يا ست المتحوله ايه.
♕♕♕♕♕♕
نزل عبدالله ولقا امو قاعده وعنيها بتدمع وقدامها
صندوق باين انو قديم ولما قرب لقاها ماسكه صور
لأبوه وكان الصندوق مليان حاجات وصور فضل هو
وامو يتفرجو علي الصور وامو تحكيلو عن ابوه
وبعدها جه حمزه وقعد معاهم وفضلو يتكلمو شويه
وبعدها في وسط الصور دي كلها لقا حمزه أوراق
كتير فسأل نفسو يا تري دي اوراق ايه وبعدها بدأ
يشوفها كانت عباره عن أوراق قديمه ملهاش لزمه و
ورق ملكية البيت وفي وسط الورق ده كلو لقا وثائق
كان مذكور فيها اسم عبدالله و كنزي استغرب وبدأ
يقرأ الورق ده وبعدها قال.
حمزه: يا نهار اسود.
فقال عبدالله في أيه يا حمزه.
وحمزه متنح ومش مستوعب أي حاجه.
وقام حمزه بسرعه واتصل بالمحامي وامو وعبدالله
بيحاولو يفهمو منو في ايه لكن هو ولا نطق حرف.
♕♕♕♕♕♕
وصل المحامي وفي الوقت ده كان اتصل حمزه بكل
العيله علشان يجو وكانو كلهم في الصالون وكانو
علي وأمو و عبدالله وامو وحمزه ومراتو وهنا واهم
فرد في العيله النونو اللي لسه مشرفش ده.
وجه المحامي وفضل يقرأ الاوراق اللي ادهالو حمزه
واتأكد أنها اصليه ومنطقش غير جمله واحده....
المحامي: مضمون الورق ده يا ساده ان الأستاذ
عبدالله طلعت الزهدي متزوج من الأنسه كنزي
عبدالعال المنياوي شرعاً و قانونآ.
وكل العيله قالو.... نعم.
وعبدالله قام ومسك المحامي من هدومو وقالو انت
شكلك اتجننت او خرفت علي كبر انت بتقول أيه.
المحامي: واللهي يا استاذ هو ده اللي في الورق.
فقال حمزه.... طب ازاي والورق ده قديم جدا وهما
في الوقت ده كانو اطفال.
المحامي: والله معرفش يا استاذ حمزه لكن كبير
المحامين هو اللي يقدر يساعدك في الموضوع ده.
وفعلا راح لكذه محامي وكلهم قالو نفس الكلام
وبعدها راح لكبير المحامين.
♕♕♕♕♕♕
حمزه: استاذ رشوان حضرتك كبير المحامين وانا
جيت لحضرتك في موضوع الاوراق دي.
وبعد مقرأ المحامي الورق بص لحمزه وقال فعلا زي
ما المحامين اللي قابلي قالولك الاستاذ عبدالله
متزوج من الأنسه كنزي.
حمزه: طب يا استاذ الكلام ده يدخل دماغي أزاي ده
الورق ده بقالو اكتر من ١٥ سنه يعني علي وقتها
دول كانو أطفال.
المحامي: أسمعني كويس يا استاذ حمزه كل كلمه في
الوثائق دي مظبوطه وده موضوع كبير حضرتك
عندك وقت تسمعني.
حمزه: أكيد انا لازم اعرف الموضوع ده بكل تفاصيلو.
♕♕♕♕♕♕
صوتو وعلقو للفصل كتييير.
لو لقيت تفاعل عالي هنزل الباقي بأسرع وقت☺️.
#بقلم الملكة❤.
KAMU SEDANG MEMBACA
ملاكي العنيد (مكتمله)
Misteri / Thrillerأول روايه اكتبها باللهجه المصريه تجمع بين الكوميديا والرومانسه والعنااااااد 😅 اتمنو تعجبكم وتقولولي رأيكو .😄 اجزاء الروايه كتيره لكن الاجزاء قصيره. #بقلمي الملكة❤
شرعاً وقانونآ 😐
Mulai dari awal
