زينوفوبيا🥀

الحلقة15

#زينوفوبيا🥀
الحلقة الخامسة عشر 15 وماقبل الاخيرة 🔥
♥ħ㉫๓✿♥
___________

مهند:اسف اسف لاني استغليت طيبتك باش نعرف موضوع انتي ماليكش علاقة فيه
تارا عيونها دمعو وهي تشبح لوطة : علاش ؟علاش تخلي فيا نتعود عليك وتمشي وتخليني اني شن دنبي في اللي صار شن دخلني باش تلعب بيا انت عارف ان اني منحبش نفقد حد نحبه ومش بساهل نحب حد 😢
مهند :حتى اني مش بساهل نحب حد
تارا :لاكن انت ماحبيتنيش 🥺 ماحبيتنيش حتى شوية كان هدا راهو مرضيتش تكسر قلبي
مهند غمض عيونه وقلبه يوجع فيه عليها:اسسف اسف كله مش بي ايدي اني عيوني كانو معميات ومانشوفش الا في الانتقام قدامي بس
تارا مسحت دموعها : من قلبي نتمناالك كل خير وتلفتت مشت
مهند كان المشهد بطيئ في عيونه كان يبي يشدها من ايدها ويقوللها نحبك مش حنسيبك ومش حنخلي حد ياخدك غيري اني اللي حنعالجك وانخليك احسن من قبل ... لاكن مقدرش كان يحس في روحه لو قاللها هكي حيكون مصلحجي ويستغل فيها باش تحبه ومكانش قادر يسامح روحه

________

ابراهيم واقف قدام الباب متع المقبرة
شموس:اهي جت
تارا :هي
ابراهيم:خيرك عطلتي
تارا مسحت دموعها :قريتلها الفاتحة ودعاء
ابراهيم:باهي هي تعالو هي
مشو ركبو في السيارة وشموس تشبح لي تارا عارفتها مش علي بغصها
تارا الطريق كلها وهي تبكي

وصلو للحوش خشت لي دارها وصكرت عليها الباب
ابراهيم:شموس خيرها اختك
شموس:شني انسيت ان اول مرة اتزور ماما ومشت خشت لي اختها
شموس:تااراا خيرك؟ وقعمزت جنبها
تارا شبحت لي اختها وحضنتها
شموس:تي خيرك ادوي
تارا: لقيت مهند جنب قبر امه
شموس:امم باه وشن قالك
تارا:قعد يتأسف مني وقالي اني استغليتك وماكنتش انشوف في عيوني غير الانتقام
شموس: باهي وانتي شن قلتي
تارا:تمنيتله الخير ومشيت
شموس :باهي خلاص اهدي ومعش تبكي كان عندك فيه نصيب تااخديه حتى كان تفارقتو سنين
تارا:اني مانبييشي خلاص يمشي يملح 😢
شموس ضحكت:يوووخييتي سلمها بدت تحب
تارا ضربتها:حولي ونوضي هي
شموس:انبصر خيرك
تارا :حولي حولي
شموس ناضت من علي السرير: شن تبي تتغدي باه
تارا حولت العباية لوحتها علي البساط هي والوشاح :مانبي شي خليني ورقدت وغمت وجهها
شموس ضحكت ووقفت قدام الدولاب غيرت حوايجها وطلعت خشت للكوجينة
ابراهيم:شني اختك قاعدة تبكي
شموس:لا لا قتلي بنرقد
ابراهيم:باهي اني ماشي للعمل طالبيني اليوم باهي
شموس:بتتغدى في الحوش
ابراهيم:لا لا مدورينيش
شموس ماصارلهاش من الغدي طلعت من الكوجينة وقعمزت تتفرج علي التلفزيون

خش ابراهيم لبس اللبسة العسكرية وطلع :اني مشيت ياابنتي
شموس شبحت لي بوها :تي من الحلوو هدا طالع طرف
ابراهيم ضحك:تحشمي يابنت
شموس:والله ماك طالع لين انبوسك تعالا جاي
ابراهيم يضحك:تي حولي يامهبولة
شموس بسااته وخرت :برا هي😂
ابراهيم:طلع فم الباب: اكبري اكبري عيب اللي اديري فيه بوك ضابط
شموس:ضابط في الخدمة مش ضابط عليا
ابراهيم ضحك:باهي اسمعي مديري شي تو واني جاي انجيب حوت نضيف انديرلكم طاجين
شموس:اووووه باهي مليح بكل مية مية
ابراهيم تلفت جي بينزل وبعدين ولا :اسمعي
شموس:نعم
ابراهيم:الفرخ بهاء شن في وراه
شموس:وراه في شني 😕
ابراهيم:قولي الحق عاجباته بنت العارف ولا
شموس:ااه؟ لا مانعرفش اسأله هوا
ابراهيم:خلاص خديت جوابي ونزل
شموس :حي حي زعمة شن بيدير 😶