#زينوفوبيا🥀
🔥الحلقة الثامنة8🔥
♥ħ㉫๓✿♥
اول حاجة قبل ماتقرو معش بنعطي موعد لاي حلقة بنزل وخلاص لان كل مانعطي موعد يهرب الضي معش يجي 🤷🏻♀️ والبلاد تتقربع والناس تمووت شعفة معش بنعاود عملتي 🙂🙂
حطو لاييك قبل ❤
________________
♥ħ㉫๓✿♥
خش فتحي لي مهند:سييدي
مهند حط تليفونه :شن في
فتحي:وصلك الطرد هدا
مهند :تمام تقدر تطلع
طلع فتحي ومهند فتح الطرد وقري اللي مكتوب
مهند عكرش الورقة وقربع الطاااولة
مهند:بنجيييبك بنجيييبك حتى كان علي قطع رقبتي مشششش اني اللي نتهدد مش اني 😠😠😠😠
فتحي :ايواا اي الطرد في ايده تمام حااضر وصكر الخط
_____________
♥ħ㉫๓✿♥
بهاء :هي شموس شني
شموس:اي هي وسلمت علي خالتها ومنتهى وجت بتطلع
جتها بنت
البنت:لوسمحتي
شموس: نعم
البنت جبدتها علي جنب :بنسألك بالله اللي معاك هدا خوك
شموس ابتسمت:لا خالي
البنت:مشاء الله ربي يخليهولك
شموس:سلمك
البنت:اسمعي هدا كان يكلم في اختي وسيبو بعض بالله عليك نعطيك رقمي كلميني نبيك في موضوع ضروري
شموس :ااحمم باهي مدام هوا سيب اختك اني شن علاقتي
البنت:والله اختي حالتها حاالة وقريب تهبل معش لا تاكل لا تشرب اعتبريها وخيتك والنبي وردي بالك اتقوليله عليا وشدت شنطت شموس وحطت ايدها في الشنطة اهو حطيتلك ورقة فيها رقمي بالله عليك لول ماتوصلي كلمييني بالله عليك
شموس:باهي باهي حاضر خلاص
البنت مشت وقاعدة تشبح لي شموس وتأشرلها بي ايدها علي ودنها
شموس طلعت لي بهاء
بهاء :مني هادي اللي شداتك ساعة
شموس شبحت لي بهاء :وحدة كانت تقرا معاي
بهاء :شن قتلك فوزية وانتي طالعة
شموس:بي جو لي حوش اميمة بيديرو حفلة صغيرة لي منتهى
بهاء:وووه علياا بنبات في حوشكم اني
شموس:خيرك
بهاء:تي فرووخهم هلبااا دووشة
شموس:معليشي يوم ويروحو وبعدين هما جايين علي خاطر اميمة اتصلت بي منتهى قتلها تعالي
بهاء:امي هادي ادير في عمل ماداره حد
شموس:تعرف تكلم فينا وصوت جميلة وفروخها عندها
بهاء:ايي عليناا
شموس:تعرف كل مانمشي لي اميمة نلقى في جميلة وجلال يهدرزو تحت الشجرة الي بين الحياش خاطري نعرف شن المواضيع الخطيرة اللي بيناتهم
بهاء: اي حقا حتى اني لياا فترة شابحهم يهدرزو الصبح جو الساعة تمانية خنست اني الحق ودماغي مشي شماال طول
شموس:لانك انت اصلا ديمة ماشي في سكة شمال
بهاء:يجي الشيطان يفضل يقلك العب يلااااا 😂😂
شمووس:ماتلعب يلاااااا 👏 العب يلاااا💃💃
بهاء قوا المسجل :انشاء الله ينحرقو كلهم حووش عمي منحبهمش من يومي
شموس:حيي الاغنية هادي انموت فيها قوي الصوت قوي 👏👏👏
شرين تليفون بهاء وطى الصوت
شموس: وااك 😑
بهاء:ايوااا ها مهااب
مهاب:هي وينك ؟
بهاء: هي عطيني خمسة دقايق انكون عندك
مهاب:تلقاني واقف في فتحتكم هي
بهاء:مية مية هي تشاو
شموس:هل هوا مهاب خو صفاء ولا ودااني يتسهوكو
بهاء لبس نضاراته:اني شن قتلك يوومها لما ضحكتي علياا قتلك بنخليهم يحبووني ولاااا
شموس :مبردك امتى لحقت ادير معاه صحبة
بهاء قوا السرعة والاغاني ويغني مع الاغنية وشموس تهيج معاه
YOU ARE READING
زينوفوبيا🥀
Mystery / Thrillerالرواية بلهجة الليبية🇱🇾 زينوفوبيا هوا مرض الخوف من الناس اول الخوف من الغرباء ... ف ماذا لو اصاب هدا المرض او الفوبيا فتاة في عمر الخامسة ويسبب لها البكم .. وما السر الدي يختبء وراء هدا المرض ولماذا اصيبت به ؟؟ تابعو هادي الرواية وحتعرفو ❤ #زينوف...
