زينوفوبيا🥀

الحلقة4

#زينوفوبيا🥀
🔥الحلقة الرابعة 4🔥
♥ħ㉫๓✿♥
_______________

الساعة8:00

هي : والله العظيم اليوم سمعتهم يتكلمو قالو تارا هكي حالتها لان شافت امها كيف انقتلت قدامها
هواا:انتي ترفسي هي واختها بعد ما اني طلعو جو شافو امهم
هي :تي انقولك اني قالو شافتها كيف انقتلت وحضرت كل شي يعني تارا السنين هادي كلها عاارفة من قاتل امها وماتكلمتش بسبب الحالة اللي هي فيها
هوا:لا لا لا مش معقولة كان هدا راهو سمعنا وبعدين بوها واختها يفهمو فيها وهي تعرف تكتب كان تعرف مني القاتل راهو قالتلهم
هي:اني اللي سمعته اليوم جيت قلتهولك وانت دبر رااسك المهم اني ماحدش يعرفني
هوا:اي انتي هدا اللي هامك
هي :اماالا شني ياا بابا كل واحد نفسي نفسي هي سلاامات وصكرت الخط

هوا صكر الخط وقعد مقعمز يفكر شن بيدير وكيف بيتصرف

هوا:اكيد لو كانت تعرف ماكانتش سكتت لاتوا اكيد هي غالطة اني متأكد ماشافني حد هديكة الليلة

___________

تارا كانت قاعدة في المرسم وشوية وطقطق الباب
تلفتت لقت بهاء
بهاء:خيرك قاعدة لا توا شن اديري
تارا اشرتله علي الرسمة
بهاء:قصدك مش طالعة لين تكمليها
تارا هزت راسها
بهاء:اسمعي اني طالع مع صاحبي جايني توا بنقولك حاجة قبل مانمشي
تارا شبحتله بي اهتمام
بهاء:اختك الخرا كان حسيتيها بتقول لي بوك حاجة عليا ولا بتحرشه متخليهااش ااه
تارا ضحك وناضت وقفت ومشت جنب السبورة وكتبت :علاش شن درت
بهاء:مادرت شي بنت الناس اللي فوق جت لي حوشنا اليوم واني حلفت ايمين ماني طالع لين انشوفها واختك دارت العار تعيط والله لما انقول لي بابا وبتحشمنا ودوا فاضية اني توا مش فاضي بيها كان هدا راهو كلت طريحة غير انتي متخليهاش اتقول شي بااهي
تارا تضحك وهزت راسها بمعنى به
بهاء:محلااها الفرخة هاادي هي باي اني ماشي
تارا دارت باي بي ايدها ورجعت تكمل لي الرسمة

________

♥ħ㉫๓✿♥
الساعة9:30

مهند كان مقعمز في الدار وسريره كله ورق وشاد ورقتين في ايده يشبحلهم
مهند:دور باهي ياامهاب لازم نلقاها الورقة
مهاب:اصبر تو نلقوها مدامك عارفها في الملف
مهند:في الملف اني متأكد تلقا من فوق مكتوب عليها خطوط اتصال منطقة ### 2001
مهاب:باهي كيف بتعرفه كتر ربي غير اللي عندهم تليفونات
مهند:في سنة 2001 كانو معدودات ومابنعطوش الا لي اشخاص معينة يبدا يخدم في مكان هما موفرينهوله وكل منطقة تلقى فيها تلاتة اربعة عندهم تليفونات

قعدو مهاب ومهند يدورو في الورقة وملقوهاش

مهند تعفلق :تييي وين بتمشي وييين اني متاكد ان شفتها لما قلبت الملف اخر مرة
مهاب:باهي علاش ماخديتهاش علي جنب
مهند:تي قلت ماعندها وين بتريح الملف مايطلعش من السيارة بكل
مهاب:قصدك لو لقيت الورقة ح تعرف من القااتل
مهند:يمكن مش عاارف اني مش حنخلي ولا حاجة منشكش فيها وكل النااس مشكووك فيهم ويمكن يكون اقرب الناس ليك عدووك