زينوفوبيا🥀

الحلقة14

#زينوفوبيا🥀
🔥الحلقة الرابعة عشر 14 🔥
♥ħ㉫๓✿♥

اسفة علي التأخير😭😭💔
___________________

تارا خشت بتكلم مهند لقت روحها ماقدرش تبعت رسالة استغربت واتصلت بيه نادا

مهند بعد تردد كبير :الو
تارا:مهند🥺
مهند سكت شوية :ن نعم
تارا :روحت انت ولا قاعد برا
مهند:جيت خديت حوايجي وطلعت
تارا:كيف خديت حوايجك وين ماشي
مهند:اااء ااني طلعت من الحوش بنقعد عند اشرف
تارا:كيف طلعت من الحوش معش تبي اتجي قصدك ؟ 🥺
مهند :بنجي مرة مرة انشوف خالي ومرت خالي لين نشري شقة
تارا:يعني معش بنشوفك بكل
مهند بعد التليفون علي ودنه ودرس علي الجنب :تارا معش نبي نعلقك بيا اكتر لازم انخلي مسافة بينا
تارا :علاش شن في شن السبب اللي يخليك ادير هكي مضايق مني
مهند:تارا خلاص مانبيش نتكلم في الموضوع انسي انك شفتيني وتعرفتي عليا عيشي حياتك زي قبل
تارا:باه علاش مهند اني شن درتلك هكي بعد مانتعود عليك اتقولي انسي انك شفتيني
مهند مغمض عيونه وضاغط علي راسه :اني لازم انصكر انشوفك علي خير وصكر التليفون
تارا قعدة ساكتة ودموعها ينزلو لوحت التليفون ع السرير وعقدت تبكي كانت تحساب روحها تحب مهند زي ماتحب بهاء وشموس وبوها ماتحسابش ان هي طاحت خلاص 😁

مهند تنهد وفتح كفر تليفونه طلع الشفرة لوحها وقعد مدرس شوية وبعدين تحرك مشي بسيارة لين وصل لي شقة اشرف

________________

الساعة10:30

بهاء راقد في دار ابراهيم ومغمض عيونه والتليفون جنب ودنه
صفاء:تسمع فيا ولا رقدت
بهاء:نسمع فيك ياقلبي كملي
صفاء ابتسمت : برا ارقد غدوا نحكيلك
بهاء:لا متصكريش
صفاء:انت تاعب ومش راقد من امس برا ارتاح والصبح انهدرزو وانجي انشوفك باهي
بهاء:صفاء
صفاء:نعم ؟!
بهاء:نحبك
صفاء ضحكت وقعدة ساكته
بهاء رخي روحه ومشي فيها رقد
صفاء صكرت الخط وحطت التليفون جنبها
اتصلت بيها صاحبتها ردت وقعدت تهدرز

_____________

مهند متلوح علي الصالون ويدخن

اشرف طلع من الدار:مهند
مهند:هااا
اشرف:اني خاش بنرقد انت دبر راسك هونا التلاجة فيها دحية وحدة برا اقليها
مهند:مانبيش ناكل تريح
اشرف: ميةمية تصبح
خش اشرف لي داره وصكر الباب تلوح علي السرير وقام تليفونه اتصل بي شموس

شموس فتحت باب الدار وخشت لافة فوطة علي راسها قعمزت علي سريرها:اااااه واخيرا نحس في روحي هدا وين وليت بنادما وشبحت لي تارا
تارا رقدتي
تارا حولت الغطى من علي وجهها :لا مرقدتش
شموس:خيرك ؟! باكية؟😕
تارا شبحت لي شموس وسكتت
شموس:تي خيرك
تارا ناضت قعمزت :باهي اني شن درت هي شن درت باش يقولي انسي انك عرفتيني 🥺
شموس :مني مهند ؟
تارا :اي هوا كلمته نبي انشوفه نبي نحكيله هلبا حاجات باش يقولي شن اندير زي ماتعودت قالي اني طلعت من الحوش ومعش بيجي
شموس:تارا بنقولك كلمتين وتبي تفهمي باهي ماتبيش تفهمي هديكة مشكلتك انتي عقلك زي الصغار وماتفهميش في الناس من نضرة عيونهم ،،
و مهند ماكانش يساعد فيك لانه عايش نفس تجربك وامه ماتت حتى هوا كان يسااعد فيك لانه يبي يسحب الكلام من فمك باش اتقوليله شن شفتي هديكة الليلة بس ولا اكتر لا اقل ف لي هدا ديري زي ماقالك وانسيه امسحيه
تارا ناضت وقفت وهي تبكي :باهي شن دنبي اني يخليني نتعود عليه وبعدين يمشي ويخليني 😢
شموس:تارا انتي تحبيه؟
تارا :اي اكيد نحبه اني كنت طول المدة اللي فاتت كل يوم نحكيله في اللي يصير معاي وهوا يساعد فيا ويقولي كيف نتصرف ويجيبلي في هداية..
شموس قصت عليه:يعني انتي تحبيه زي ماتحبيني اني وبهاء وبابا ولا تحبيه بطريقة تانية يعني شن تحسي لما يكون معاك احكيلي ترا🤨
تارا تشبح لي شموس بتعجب :كيف يعني مفهمتش 😕
شموس قعمزتها علي السرير وقعمزت جنبها :غير تعالي جااي تو انقولك اني احمم يعني لما يكون معاك وتتلاقي معاه تحسي في قلبك يدق بسرعة هكي ونفسك يهرب
تارا شبحت فوق :يعني هادي مش حاجة طبيعية للمرض اللي عندي 🙄
شموس:لا يااحبيبتي مدامك تخلي فيه يجيك وتتكلمي معاه عادي يعني الحالة هادي معش اتجيك اتصيرلك لما اتكوني مع حد غريب وتخافي بس
تارا:باه وشن يعني كان قلبي يدق بسرعة ونفسي يهرب مفهمتش
شموس:الصبر ياااربي 🤦🏻‍♀️
تارا:شني
شموس:حبيبتي بري امشي افتحي ويكابيديا واقري اعراض الحب وشوفي شن عندك وقرري كانك تحبيه ولا لا
تارا:كيف اعراض الحب
شموس:لاااا زوودتيهاا شن كيف اعراض الحب هادي ؟زكمة وكحاحة
تارا :تتسهوكي
شموس:انتي اللي تستغبي وناضت وقفت وحولت الفوطة من علي راسها وقعدة تنشف في شعرها :وين تليفوني
تارا:كلمتي بابا في الصالون اخر مرة
طلعت شموس خدت تليفونها لقت عندها خمسة مكالمات فائته زوز من اشرف وحدة منتهى وزوز حناها
شافت الساعة لقتها حداش عاودت لي منتهى
سالتها علي بوها وهدرزو شوية وكانت بتكلم حناها قالتلها منتهى راقدة