زينوفوبيا🥀

الحلقة2

#زينوفوبيا🥀
🔥الحلقة الثانية 2🔥

_______________________

♥ħ㉫๓✿♥

تاني يوم الصبح 🌹
الساعة10

مقعمزين عيلة العارف كلهم يفطرو

العارف :مهند وين
مهاب:طلع من السبعة عنده اجتماع الترقية اليوم
العارف:اي حقاا نسيت
مهاب:امتى بتمشو اتشوفو الحوش اليوم
العارف:علي فضوة مهند بالك بعد ميروح
صفاء:باهي شن بيصير في قرايتي
العارف:كملتي السيمستر هدا انتي ولا
صفاء:اي كملت لاكن وين بتسجلوني غادي
العارف:تو انشوفو علي حسب تخصصك وين موجوود
صفاء:انشاء الله غير بناته جوهم قنين
العارف:هي بنت وحدة اللي بتتعرفي عليها بنته الكبيرة
صفاء:علاش التانية خيرها
العارف:صايرتلها حالة من لما توفت امها ماهي حضرتها كيف انقتلت
صفاء حطت ايدها علي فمها :حيي يا نااري
شيخة :مسيكينة مريم هي موتتها شنيعة
صفاء:كنتي تعرفيها انتي يا ماما
شيخة:اي امالا كيف كنا كل مانمشو لي حوش عمتك الله يرحمها تعزم فينا عندها
صفاء:الله يرحمها
مهاب:والله يا بوي اني انحس فيها اشبح كيف السكنة معاهم في نفس القطعة
العارف:ماهو قلنا بنشوفو اليوم وبعدين سكنتهم قنينة وقريبة علي المركز اللي بيخدم فيه مهند
مهاب ناض :باهي انشاء الله خير هي صفرة دايمة
العارف:وين؟
مهاب:عندي جلسة استماع اليوم
العارف:باهي ربي يعاونك

_________

هدية واقفة قدام باب حوش خوها واطقطق
فتحتلها شموس
هدية:صح النوم رااقدة
شموس خلت الباب محلول وخشت:الساعة كم
هدية:الساعة11
شموس: خلعتيني نسحابه ضهر
هدية:بوك وين؟
شموس:تقريبا اليوم تارا عندها موعد مع الدكتور
هدية:ياودي مادارش حل الدكتور لا دوت ولا بطلت خوف من الناس
شموس:باهي لاكن قبل ماتبيش من يمسها ولا يكلمها حتى من بعيد غير اني وبابا وانتي وبهاء لاكن توا بدت عادي اتشوف الناس المهم من بعيد
هدية:اي حق الحمد الله

وخشو مع بعض للكوجينة
شموس حطت البكرج علي الغاز
هدية:قوولي ! شن قصت الناس اللي بيسكنو ف حوشكم الاول ؟
شموس:خيرهم ؟
هدية:من هما يعرفهم بووك ؟؟
شموس:تي هدا العارف صاحب بابا بيحولو لي طرابلس ويدور في ايجار مشي بابا قاله مأجرش تعالا اسكن هني
هدية:اهااا اي تفكرته اخته انقتلك حتى هي في هديكة القصة اللي صارت
شموس:عمتي!!
هدية:هاا
شموس:انتي ماتعرفيش علاش كان يقتل في النساوي هداكا الراجل
هدية:الله واعلم بالك عنده حالة نفسة
شموس:نتمنى انشوفه علي حبل المشنقة ياريت يفتحو ملف القضية تااني
هدية:تشبحي فيها القضية هادي قعدة سنتين وهما يحققو فيها
شموس فتحت الفريز وطلعت شكارة لحم :وهدا كله ومالقووشي
هدية:الادلة اللي ضده كلها كانت عند امك في ملف القضية وبعد ما انقتلت معش لحو حتى ورقة
شموس:مش عارفة شن بتخسر تارا كان كتبت شن شاافت بس
هدية:الله غالب وخيتك مريضة ودكتورها قال متجبروهاش علي شي لان حيولي علي حالتها النفسية
شموس: اييياح
وتلفتت تكمل لي القهوة وحطت الفطور وقعمزت تفطر هي وعمتها