صكرت منها وعاودت لي اشرف
اشرف ناض من النوم قام تليفونه ورد
اشرف:شكلك ماكنتيش تبي تردي عليا وبعدين انبك ضميرك
شموس:تي كنت اندوش يا خرا
اشرف:ساعتين ادوشي
شموس:بتحااسبني حتى علي الدووش شن تبي هي
اشرف:اني الغالط متصل مانبي شي وصكر التليفون
شموس:تي برا برا يسحاابني ناقصاته ومشت خشت للحمام صكرت الباب وركبت الاستشوار في الضي وكيف بتولعه شبحت لي تليفونها وسخفها اشرف
شموس:اوووف وقامت تليفونها واتصلت بيه
اشرف فتح عيونه وقام التليفون ودر:هاا
شموس:باهي اسفة خيرك حرجت
اشرف:اني قلتهالك قبل وبنقولهاالك تاني ولي اخر مرة اني نبيك عجبتيني تبيها بلفقش حبيتك نبي اندير معاك علاقة زيني زي اي ولد وعجباته بنت وكان ربي كاتبلنا نصيب والله ماياخدك واحد فكري في الموضوع وردي عليا غدوا وكان ماكلمتينيش غدوا بنعرف انك ماتبيش ونووعدك معش اتشوفي وجهي بكل تمام هي تشاو وصكر الخط
شموس :تي هدا خيره صكر 😠 وعاودتله تاني
اشرف:هاا شني بنرقد
شموس: اخر مرة تصكر علياا فااهم مانحبهاش اللقطة هادي
اشرف ماردش عليها
شموس:وحاجة تانية انت ماتعرفهاش ان لو اني مانبيكش راهو مانتكلمش اني وياك توا باهي وعلي خاطر صكرت عليا غدوا مش مكلماتك هي
اشرف سكت شوية وبعدين ضحك : مش ملاحظة انك فصلتي عليا وانتي اللي غالطة
شموس:اني عاودتلك وتأسفت وانت بديت تعيط معش تكلمني باهي
اشرف:حاضر😂
شموس تعفلقت منه :ياا باارد خيرك هكي معش فهمتك تتسهوك ولا جديات
اشرف:والله اني انكون ناوي نتعفلق وانعيط هكي واندير موقف لاكن انتي تخلي فيا نضحك
شموس: باهي علاش اتصلت بيا في البداية
اشرف:اشي كيف تعاود في الموضوع
شموس:باهي باهي خلاص انسيت
اشرف:باهي اني بنرقد باي
شموس:تصبح علي خير
اشرف ابتسم:الله علي الادب وانتي باالف خير
شموس ضحكت وصكرت الخط :مهبوول معش فهمته شن هدا___________
فاتو يومين
وجي تالت يومالساعة12 الظهر
شموس واقفة في الكوجينة قدام الطناجر وبين الكوشة اطيب لي بوها لانه بيطلع اليوم
شموس:صفاء تعالي دوقيها بالله عليك منحبش اندوق واني انطيب
صفاء طبست علي الطنجرة وداقت شربة الخضرة :زيدي شوية ملح بس
تارا تاكل في خيارة: شموس بهاء وين
شموس:يغير في حوايجه
تاارا:باهي نبي نمشي معاه
شموس :بيمشي معاه عمي العارف في السيارة قعمزي وراجي هني
تارا :اووووف باهي
شموس :صفو بالله عليك طفي الكوشة
بهاء جي وقف قدام باب الكوجينة :هي اني ماشي ماتبو شي
شموس:سلامتك
تارا:نبي نمشي 🥺
بهاء:كان تركبي وعمي العارف معانا هيا
تارا: مش عارفة
بهاء:خلاص اهيا المستشفى قريبة انجيبه وانجي بعدين حلو الشعور لما اتقوولي حي جو جو
تارا ضحكت :باهي خلاص برا
بهاء باسها من خدها :وحق ربي محلاك وانتي تتكلمي باهي
تارا تضحك
بهاء شبح لي صفاء:صفو
صفاء:نعم
بهاء:شي نحبك بس 😏
شموس:ياسخيف قولهاالها وانتو برووحكم
صفاء خدودها حمر وضحكت
بهاء يضحك:هي اني مشيت
تارا وصلاته لا فم الباب ولت مشت وقفت في الروشن
تشبح في جلال ونوح يحطو في حوايجهم في السيارات من تالي
_____
YOU ARE READING
زينوفوبيا🥀
Mystery / Thrillerالرواية بلهجة الليبية🇱🇾 زينوفوبيا هوا مرض الخوف من الناس اول الخوف من الغرباء ... ف ماذا لو اصاب هدا المرض او الفوبيا فتاة في عمر الخامسة ويسبب لها البكم .. وما السر الدي يختبء وراء هدا المرض ولماذا اصيبت به ؟؟ تابعو هادي الرواية وحتعرفو ❤ #زينوف...
الحلقة14
Start from the beginning