الجني اليهودي العاشق

البارت الرابع عشر

فجأة..
لا إرادي حسيت نفسي نمت على المخدة.. باوعت على الجرباية هو متمدد يمي..
أني فزيت.. كمت بسرعة..
كتله : شدسوي..؟ ليش نمت يمي..
وشلون اني نمت هيج بدون شعور..
كال : إهدأي ونامي ولتخافين مني..
رفضت..
كمت بسرعة من مكاني..
رحت يم الباب..
جربت افتحها متنفتح..
كال : لتتعبين نفسج.. متنفتح
كتله : راح تأذيني مو..؟ تريد تعتدي علية..؟

كال : ورب موسى ورب موسى ورب موسى ما افكر هيج اسوي الج.. ولا اكدر اجبرج عليه.. رجعي نامي ولتخافين.. رجعي نامي يمي حاب أتأمل بملامحج..
رجعت.. اطمنت..
نمت يمه..
خصل شعري تحركت..
ورجلي هم صارت حارة.. ورجعت خدرت.. وفستاني من جوة هم بدأ يتحرك..
جمدت بمكاني.. خفت حيل..
نزلت الفستان.. وتغطيت.. كتله اترجاك اتركني.. اترجاك روح.. كمت أبجي.. الفستان رجع يتحرك من جوة..
ازداديت بالبجي.. ظل جسمي يرتعش من الخوف..
هو اختفى..
الفستان رجع لطبيعته..
صاح بإسمي..
باوعت لكيته بالزاوية مال الغرفة..
كال : اهدأي.. اني رايح.. مو كتلج اخاف من نفسي عليج.. احبج وما كادر أءذيج.. رايح اني..

اني لهنا بدأ الخوف يسيطر عليه منه..
ما لازم ابقى هيج..
اني ددمر نفسي بإيدي..

الإمتحانات مالتي قربت..
وهاي السنة الثانية إلي بالسادس..
عدت سنة كاملة بسببه..
مستقبلي راح يضيع..
معقولة يبقى وياية طول عمري..
معقولة بيوم من الايام اصير مجنونة..!
معقولة أوصل لمرحلة الجنون..؟
أني سامعة اللي يتلبسها جني تتخبل..
يعني اني هيج راح تكون نهايتي..! 😥
قررت أروح على عمو رائد واطلب منه يساعدني..
يخلصني منه..
لازم ألحك على روحي..
سمعت صوته فجأة..
كال : تخسرين.. تخسرين..
ما سمعت كلامه..
اخذت كتابي مال القواعد وقررت اروح لبيت عمتي احجي ويه عمو رائد..

رحت لبيتهم..
لكيت عنده جلسة وية ناس..
عمتي هاجر كالت انتظري اكو جماعة يمه وقافل الباب..
اني بصراحة صار عندي فضول..
اريد اعرف منو جوة يمه..؟
وليش هالمرة قافل الباب..؟!
هو كل مرة ميقفلها..

بهالأثناء.. اني ودفكر طلعت مرأة من الغرفة من غرفة عمو رائد..
اني كمت اريد اشوفها..
عمتي كالت كعدي ماما عيب خلي تطلع وبعدين روحيله..
اني ما اهتميت لعمتي..
رحت وكفت يم الشباك..
أباوع عليها..
مرأة مرتبة لابسة عباية إسلامية سودة وحجاب أسود.. يطلع عمرها بالأربعين.. حلوة.. شكلها يجذب..
ظلت واكفة يم عمو رائد يم الباب ويحجون..
عمتي هاجر كالت ولج شبيج تعالي كعدي..
كلتلها : لحظة عمه..
ظليت أباوع عليهم..
خرررب..
عززززة..
شنو هاي..؟ شديصير..؟

خفت عمتي تجي وتشوف المنظر اللي شفته..
سديت البردة ورجعت كعدت بسرعة..
واني مصدومة من اللي شفته..!! 😳😳
شكد جريء عمو رائد طلع.. 👎👎
عزززة.. والله ما مصدكه.. بنص بيته وهيج يتصرف.. 😳🤔
كمت أشك بعمو رائد مراهق.. 👎👎

مرت دقائق..
دخل عمو رائد يمنه اني وعمتي سلم عليه..
كال : هلا بنيتي..
كتله : هلو عمو جيت حتى تقريني..
اني بكلبي كلت : بنيتي..؟ والله انت تخوف ومو مال واحد يأمن بيك على نفسه.. لازم اخلص نفسي منك ومن اللي دخلته براسي..