Unicode
နန်းတော်ကိုပြန်ရောက်ရောက်ချင်းမှာပဲဘုရင်မင်းမြတ်နဲ့ မိဖုရားလွီကိုမနှုတ်ဆက်ဘဲ ကြင်ယာတော်ကိုဆွဲဖက်လိုက်တဲ့အိမ်ရှေ့စံမင်းသားကြောင့် အိမ်ရှေ့စံမင်းသားအတွက်ကြင်ယာတော်ဟာအရေးကြီးတဲ့သူဖြစ်မှန်းသိသွားကြသည်။သူတို့အားလုံးရဲ့စိတ်ထဲမှာကြင်ယာတော်ကိုကောင်းကောင်းမွန်မွန်ဆက်ဆံပေးရမည်ဟုတေးမှတ်ထားကြသည်။ရှောင်းကျန့်ကျီရွှမ်းရဲ့ရင်ခွင်ထဲကရုန်းထွက်လိုက်သည်။ကျိုးဘုရင်ကြီးဟာရှောင်းကျန့်ကိုပဲဂရုစိုက်နေတဲ့ကျီရွှမ်းသတိထားမိရန်အလို့ငှာချောင်းတစ်ချက်ကိုဟန့်လိုက်သည်။
"ကျီရွှမ်း......ကျိန်ဆိုပွဲအဆင်ပြေခဲ့လား..."
"အဆင်ပြေခဲ့ပါတယ်....ခမည်းတော်...."
"ကောင်းတယ်.....အဆင်ပြေခဲ့ရင်ကောင်းတယ်....."
ကျိုးဘုရင်ကြီးဟာကျီရွှမ်းနဲ့ကိုယ်ရံတော်တပ်တွေရဲ့ဝတ်ရုံတွေပေါ်ကသွေးတွေကိုမြင်သွားတာကြောင့်ကျီရွှမ်းကိုမေးလိုက်သည်။
"လမ်းမှာဘာဖြစ်ခဲ့တာလဲ....."
"ကျွန်တော်တို့ချုံခိုတိုက်ခိုက်ခံခဲ့ရတာပါ.....ခမည်းတော်။နောက်ကွယ်ကလူကိုဖော်ထုတ်ဖို့ကျွန်တော်တို့ကြိုးစားခဲ့ပါသေးတယ်။ဒါပေမယ့်ကိုယ့်ကိုကိုယ်သတ်သေသွားတာကြောင့် မအောင်မြင်ခဲ့ပါဘူး"
ကျီရွှမ်းရဲ့စကားကိုကြားတဲ့ကျိုးဘုရင်ကြီးရဲ့မျက်နှာဟာအလိုမကျမှုတွေပြည့်နှက်သွားရသည်။
"ကျိုးနိုင်ငံရဲ့အိမ်ရှေ့စံကိုဘယ်သူကလုပ်ကြံရဲရတာလဲ....."
ဖခမည်းတော်ရဲ့စကားကိုကျီရွှမ်းဟာအပြုံးလေးနဲ့ပြန်ဖြေလိုက်သည်။
"ခမည်းတော်စိတ်မပူပါနဲ့.....ကျွန်တော်ဖြေရှင်းလိုက်ပါ့မယ်...."
ကျီရွှမ်းရဲ့စကားတွေကြောင့်မိဖုရားလွီရဲ့မျက်နှာဟာသွေးမရှိတော့သယောင်ဖြူဆုတ်သွားလေသည်။လုပ်ကြံမှုကမအောင်မြင်တဲ့အပြင်လုပ်ကြံသူတွေအကုန်သေသွားတယ်တဲ့လား။သူမဒီလူတွေကိုငှားဖို့အတွက်ပိုက်ဆံအများကြီးအသုံးပြုခဲ့တာလေ။အခုတော့ဒီမျိုးမစစ်ကမသေတဲ့အပြင်ဒီကိစ္စကိုဖြေရှင်းအုံးမယ်တဲ့လား။အကုန်လုံးသေသွားတာကိုမကျေမနပ်ဖြစ်မိပေမယ့် တော်သေးသည်ဟုဆိုရမည်။သူမလုပ်ကြံခိုင်းတယ်ဆိုတာကိုဖော်ဖို့လူမရှိတော့ဘူးလေ။
![](https://img.wattpad.com/cover/221704803-288-k435211.jpg)
CZYTASZ
မောင့်ကြင်ယာတော်/ေမာင့္ၾကင္ယာေတာ္(Completed)
RomansWang Yibo× Xiao Zhan *Photo crd to original owner*