ကျီရွှမ်းသူ့မယ်တော်ရဲ့လက်ကိုဖြုတ်လိုက်ပြီးမိဖုရားလွီကိုအပြုံးလေးနဲ့ကြည့်လိုက်သည်။ကျီရွှမ်းရဲ့အပြုံးကိုမြင်လိုက်တဲ့မိဖုရားလွီကလည်းသူမစိတ်ထဲတွင်ပျော်သွားမိသည်။ဒီကလေးသူမရဲ့မေတ္တာကိုရဖို့ဘာမဆိုလုပ်မယ်ဆိုတာသူမသိသားပဲ။ဒါပေမယ့်သူမရဲ့အပျော်တွေဟာကြာရှည်မခံလိုက်။
"တောင်းပန်ပါတယ်....မယ်တော်။ကျွန်တော်မယ်တော့်ရဲ့စကားကိုဒီတစ်ခါတော့နားမထောင်ပါရစေနဲ့။အရင်တုန်းကလိုဆိုရင်ကျွန်တော်မယ်တော်ပျော်အောင်လုပ်ပေးမိမှာပါ။ဒါပေမယ့်အခုတော့ကျွန်တော့်မှာကာကွယ်စောင့်ရှောက်ပေးချင်တဲ့လူတစ်ယောက်ရှိလာပြီ။ကျွန်တော်သူ့ကိုကာကွယ်ဖို့ကျွန်တော့်လက်ထဲမှာအာဏာဆိုတဲ့အရာရှိဖို့လိုတယ်။သူကကာကွယ်ပေးစရာမလိုတဲ့သူတစ်ယောက်ဆိုပေမယ့်လည်း ကျွန်တော်ကကာကွယ်ပေးချင်မိတယ်။ဒါပေမယ့်မယ်တော်စိတ်ချပါ။ကျွန်တော်မယ်တော့ကိုစိတ်မပျက်စေရပါဘူး။ကျိုးအိမ်ရှေ့စံဆိုတဲ့ဂုဏ်ပုဒ်နဲ့ညီအောင်ကျွန်တော်ကြိုးစားမှာပါ"
ကျီရွှမ်းရဲ့စကားကြောင့်မိဖုရားလွီဟာတစ်ဖန်မေ့မြောသွားရပြန်တယ်။ကျီရွှမ်းသူ့မယ်တော်ကိုကုတင်ပေါ်ကိုပွေ့တင်ပေးလိုက်ပြီး သေချာစောင့်ရှောက်ပေးဖို့အစေခံတွေကိုမှာလိုက်သည်။အစေခံတွေကိုပြောပြီးတာနဲ့ကျီရွှမ်းမိဖုရားလွီရဲ့နန်းဆောင်ကနေထွက်လာခဲ့တော့တယ်။
ကျီရွှမ်းထွက်သွားတော့မှမိဖုရားလွီရဲ့မှိတ်ထားတဲ့မျက်လုံးတွေပွင့်သွားခဲ့သည်။သူမဒီလောက်မေ့လဲပြတာကိုတောင်ထိုကလေးကဂရုမစိုက်သွားပါပေ။သူမဒေါသတွေကိုအနီးအနားကစားပွဲခုံပေါ်က အရာတွေအပေါ်ပုံချလိုက်သည်။စားပွဲပေါ်ကပစ္စည်းတွေကိုပေါက်ခွဲပစ်လိုက်သည်။ကျီရွှမ်းသူမစကားကိုနားမထောင်တော့တာဟာဟိုရုပ်ဆိုးကောင်ရှောင်းကျန့်ကြောင့်။ကျီရွှမ်းအိမ်ရှေ့စံနေရာကိုလိုချင်တာကလည်း ရုပ်ဆိုးကောင်ရှောင်းကျန့်ကြောင့်ပဲ။
ကောင်းပြီလေ....မင်းကငါ့စကားနားမထောင်ဘူးဆိုမှတော့ငါ့အဆိုးမဆိုနဲ့တော့။အိမ်ရှေ့စံနေရာကိုမင်းကိုယ်တိုင်မဖယ်ပေးနိုင်မှတော့မင်းကို ငါကိုယ်တိုင်ဖယ်ရှားပေးမယ်။ပြီးတော့မင်းကာကွယ်ချင်နေတဲ့အရာကိုလည်းဖယ်ရှားပေးမယ်။
YOU ARE READING
မောင့်ကြင်ယာတော်/ေမာင့္ၾကင္ယာေတာ္(Completed)
RomanceWang Yibo× Xiao Zhan *Photo crd to original owner*
