အကောင်ပေါက်လေးက နောက်ကိုလည်းလှည့်ကြည့်သေးကာ ကျူးယင်မလိုက်လာမှာကို စိုးရိမ်နေပုံရသည်ပေ။
ကျူးယင် သဘောတကျရယ်တော့ လေထဲတွင် ပွင့်ဖက်တို့ဝေကာ ကျူးယင်ကို တောက်ပစွာ လှည့်ပတ်သည်။
မြေခွေးလေးရဲ့ မျက်လုံးတွေ တောက်ပသွားကာ ကျူးယင်ကိုသာ စူးကြည့်နေတော့သည်။
ကျူးယင် အနားရောက်လာမှ မျက်လုံးလေးဝိုင်းကာ ရှေ့ဆက်ပြေး၏။
" ဘယ်ခေါ်သွားမလို့လဲ ကောင်လေး ဟင်"
သူ့ရှေ့တည့်တည့်က မြင်ကွင်းကို ကျူးယင်မျက်လုံးတွေ ၀ိုင်းကာကြည့်နေမိသည်။
ဆေးခင်းရဲ့အပြင်တွင် ပန်းနိုင်ငံနဲ့ဆက်ထားပေမယ့် ထိုကြားထဲက လေထုတွင် လှုပ်၇ှားမှုတွေရှိနေကာ ၀င်ပေါက်သဏ္ဍာန်လျှောက်လမ်းက ပေါ်နေလေသည်။
မြေခွေးလေးက ထိုလျှောက်လမ်းတွင် ဆောင့်ကြောင့်လေးထိုင်ကာ သူ့ကို လှမ်းကြည့်နေ၏။ သူ့ကိုအထဲဝင်စေချင်သည်မှာ အသေအချာ။
ကျူးယင် ရှေ့ကိုတိုးတော့ လုရန်ကအရင် ပြေးဝင်သည်။သို့ပေမယ် ချက်ချင်းပင် ပြန်ကန်ထွက်လာသည်။
လုရန်က နာကျင်မှုကိုမသိတဲ့သူမို့ မညည်းညူတတ်လို့သာ တော်ပေရာ့သည်။ မဟုတ်၇င်တော့ အခုလို တစ်ကိုယ်လုံး မည်းတူးကာ လောင်ကျွမ်းရင်း ညှော်နံ့တထောင်းထောင်းထတဲ့အထိ ဒဏ်ရာရနေမယ်ဆိုရင်တော့ ငယ်သံပါအောင်အော်နေခဲ့မှာ သေချာသည်။
အခုလုရန်က အရင်က အစိမ်းကောင်လေးဆိုတာကို ကျိန်ပြောရမလိုတောင်ဖြစ်နေသည်။
ကျူးယင် လဲကျနေတဲ့လုရန်အနားကပ်သွားဖို့ လုပ်တော့ လျှောက်လမ်းက မြေခွေးလေးက ပြေးထွက်လာကာ သူ့ပခုံးပေါ် ခုန်တက်သည်။ နောက် တခွီးခွီးနဲ့ မာန်ဖီလာပါ၏။
ကျူးယင်ရယ်လိုက်သည်။
" ကောင်လေး မင်းက ငါနဲ့အခုမှတွေ့တာနော်။ "
မြေခွေးလေးက လုရန်ကို သွားဖြဲကာ သူ့ရဲ့ချွန်ထက်တဲ့အစွယ်တွေကို ဖြဲပြနေတာက ကိုယ်လုံးသေးသေးလေးနဲ့မလိုက်ပေ။ မျက်နှာလေးနီကာ ဒေါသထွက်နေပုံက အတော်ပင် ချစ်ဖို့ကောင်းလှ၏။ ကျူးယင် မြေခွေးလေးကို ဆွဲညှစ်ချင်စိတ်တောင် ပေါက်လာရသည်။
YOU ARE READING
YING &YANG ....Volume3 of Becoming Empress COMPLED
Historical FictionCompleted OC Cover by KyuKyu 💙 This is a Volume3 of Becoming Empress
အပိုင်း၆
Start from the beginning