صعبة كولش الانسان من يكون متعود على دلال ورفاهية وفجأة يصير وحيد بنص الشارع
امشي بالشارع والف فكرة تاخذني وتوديني
هو جان يضربني لان ميحبني
لان كام يحبها
زين ليش يحبها ليش مو اني احبه ليش هيج يسوي بية
احس گلبي انعصر.. ماعرف وين اروح شسوي اصلا الدنيا باردة وليل صار والشوارع فارغة وين اروح بهالليل .. مستحيل ارجع لعمر.. بس ياخوفي مالكي مكان ابقى بيه وارجعله.. لا مستحيل مارجعله.. هذا الخانني وخان ثقتي وحبي وكولشي
خان گلبي..
اووووففف
امشي واني اذب حسرات وابجي
شايلة جنتطتين ثگيلات شورطني بيهن متت من البرد..
الشتاء مو بارد هلگد بالناصرية بس هرموناتي مضطربة من الحمل وضغطي نازل وبس ابجي بحيث متت من البرد
وصلت بمكان بيه اضوية.. فتحت وحدة من الجنط وطلعت جاكيت ولبسته..
_العفو اختي ولو تدخل بس بيج شي محتاجة شي
_اا لالا شك...
......................
عمر: رانيا انتي شبيج شنو هالحجي شنو هالتصرفات
رانيا:لتعيييطط لككككك
_عليمن لج بت ال.. وين مولية اليوم متفلتين مني اذا ماكسرج اني ما اتسمى عمر
......................
سارة: فتحت عيني لگيت مرة چبيرة واكفة فوگ راسي
_ولك يمة محسن گعدت البنية
_اا خالة اني وين
_عيون خالة حبيبتي ابني محسن يشتغل بالمخضر شافج دايخة وبس تبجين وشايلة جنط وهاي ضل باله راد يساعدج وانتي فقدتي الوعي وجابج لتخافين انتي بامان هنا
لتبجين عيوني احجيلي شبيج
وطبت بنية شابة تطلع بعمري بس ضعيفة كولش
ها يمة محسن كال عدنا بنية وينها اريد اشوفها
_شني يمة ما تشوفين؟
_ها صح..
اجتي گعدت يمي بالگاع
اني اسمي فاطمة.. وانتي؟يااا ليش تبجيينن
_والله يا يمة مادري شبيها بس فتحت عينها تبجي خلي لا نضغط عليها
_لا شنو ما نضغط عليها هي اكيد هسه محتاجة احد يسمعها.. احجيلنا شبيج
ياا شو هاي متحجي بس تبجي.. زين وخري ايدج نشوف وجهج عالاقل.. زين اني اعرف نفسي اكثر.. بلكي ترتاحيلنا وتحجيلنا..
اني فاطمة عمري ٢٠ سنة وهاي ماما مديحة.. ابوي الله يرحمه زوجني من عمري ١٤ سنة تزوجت واني ماعرف معنى الزواج.. ٤ سنين مايصير عدنا اطفال نزل علية ضرة.. من عرفت انو هو متزوج علية رحت شمرت نفسي من البالكونة وودوني للمستشفى.. طلعت حامل وواكع الطفل من الوگعة مالتي.. رجلي طلگني وهاي صارلي سنة ونص على هالكعدة
اخوية محسن عمره ٣٥ خطية ماعنده حظ بالحب والزواج ياهو اللي يخط عينه عليها تتزوج لو اهلها ميقبلون بيه.. حباب وگلبه ابيض وهو اللي يعيلنا من بعد وفاة ابوية
YOU ARE READING
الدلوعة وابن الناصرية
Romanceقصة بنت مدللة ولسانها طويل تروح لبيت عمها بالناصرية.. هل راح تگدر تتاقلم بأجواء الريف؟ القصة باللهجة العراقية 💖
Pt. 14
Start from the beginning
