မောင့်ကြင်ယာတော်/ေမာင့္ၾကင္ယာေတာ္(Completed)

၁၃

ထိုလူကိုအကဲခတ်နေတုန်းမှာပဲ သူဟာခြင်္သေ့တစ်ကောင်ရဲ့အုပ်မိုးခြင်းကိုခံလိုက်ရတယ်။ဝမ်ရိပေါ်ရဲ့လက်ထဲကဓားဟာလည်းလွင့်ထွက်လို့သွားတယ်။ထိုခြင်္သေ့ဟာဝမ်ရိပေါ်ရဲ့လက်ကိုငုံခဲလို့ထားတယ်။ဘေးနားမှာကျနေတဲ့ဓားကိုယူရန်လှမ်းလိုက်သော်လည်း မမှီပေ။ခြင်္သေ့ဟာသူ့ရဲ့လက်ကိုမလွတ်တမ်းကိုက်ခဲထားတာကြောင့်သူ့လက်တစ်ချောင်းလုံးသွေးတွေနဲ့ရွှဲလို့နေတယ်။ဝမ်ရိပေါ်တကယ်ကိုလက်လျှော့ချင်နေပြီ။ဒါပေမယ့်အဲ့အချိန်သူ့မျက်လုံးထဲပေါ်လာတာကအရည်လဲ့နေတဲ့မျက်လုံးဝိုင်းဝိုင်းလေးတွေ၊ဒေါသထွက်တိုင်းရှုံ့ပွရှုံ့ပွဖြစ်တတ်တဲ့နှာတံစင်းစင်းလေး၊ရှက်သွေးဖြာတိုင်းရဲလာတတ်တဲ့ ပါးလေးတွေ၊သူ့ကိုနှာဘူးကောင်လို့ခေါ်တတ်တဲ့ နှုတ်ခမ်းရဲရဲလေးတွေ၊အဲ့နှုတ်ခမ်းရဲလေးကိုအလှဆင်ပေးထားတဲ့ နှုတ်ခမ်းအောက်ကမှဲ့လေး...။ထိုမျက်နှာလေးကိုမြင်ယောင်လိုက်တာနဲ့ဝမ်ရိပေါ်အားတွေပြည့်လာသည်။

သူလက်လျှော့လို့မဖြစ်ဘူး။သူ့နတ်သားလေးဆီကျိန်းသေရောက်အောင်သွားမည်။နောက်တစ်ခါဓားကိုယူရန်ကြိုးစားလိုက်သည်။ဓားလက်ကိုင်ကိုအနည်းငယ်ကိုင်လို့မိသွားတာနဲ့ ဓားကိုဆွဲကာခြင်္သေ့ရဲ့လည်မျိုတည့်တည့်ကိုထိုးစိုက်လိုက်သည်။သူ့ပေါ်ကိုအသက်မဲ့လျက်လဲကျလာတဲ့ခြင်္သေ့ကိုဘေးတွန်းထုတ်လိုက်ကာ ဓားကိုအားပြုရင်းဝမ်ရိပေါ်ထလိုက်သည်။လူတစ်ယောက်ပေါ်ကိုအုပ်မိုးထားတဲ့ခြင်္သေ့ကိုလည်ပင်းကနေခုတ်ဖြတ်ပစ်လိုက်သည်။ခြင်္သေ့တွေကသူ့နတ်သားလေးနဲ့မတွေ့နိုင်အောင်လုပ်မယ့်အရာတွေလို့တွေးလိုက်တာနဲ့ ဝမ်ရိပေါ်ဓားကိုတင်းတင်းဆုပ်ကိုင်လိုက်မိသည်။သူ့ရဲ့မျက်လုံးတွေကတော့သိမ်းငှက်တစ်ကောင်လိုစူးရှလို့နေသည်။သူ့ကိုတားဆီးတဲ့အရာမှန်သမျှအကုန်သေရမည်။

နောက်ဆုံးသောခြင်္သေ့ကိုသတ်ပြီးတဲ့အခါမှာတော့ ဝမ်ရိပေါ်မြေကြီးပေါ်ကိုပစ်လှဲလိုက်သည်။သူ့မှာတကယ်အားမရှိတော့။သူတို့အဖွဲ့မှာတော့သူအပါအဝင်သုံးယောက်သာအသက်ရှင်သည်။ထူးခြားတယ်ဆိုတဲ့တစ်ယောက်ရယ်၊သူရယ်၊နောက်တစ်ယောက်ရယ်သာကျန်တော့သည်။
သုံးယောက်လုံးဒဏ်ရာဗလပွနဲ့။စာခြောက်ရုပ်ကိုကြည့်လိုက်တော့အကောင်းအတိုင်းရှိနေသေးသည်။ဒါဆိုသူတို့ပထမအဆင့်ကိုအောင်သွားပြီပေါ့။ထိုအချိန်မှာပဲသံတံခါးကြီးကပွင့်သွားပြီး အကြီးအကဲဆိုတဲ့လူကြီးကဝင်လာသည်။