သူမရဲ့မျက်နှာမှာနူးညံ့တဲ့အပြုံးလေးတစ်ခုကိုပြန်ချိတ်ဆွဲလိုက်ရင်း
"အခုမယ်တော်ဒီလိုပြောနေရတာသားတော်ကိုမချစ်လို့မဟုတ်ဘူးဆိုတာသားတော်သိပါတယ်နော်"
"ဟုတ်ကဲ့မယ်တော်....သားတော်သိပါတယ်"
"ဒါနဲ့ ဘဏ္ဍာတိုက်ဖောက်တဲ့သူတွေကိုမိပြီလား"
"မမိသေးပါဘူး။ပြီးတော့ဒီကိစ္စကိုနန်းတော်ရဲ့တရားစီရင်ရုံးကလက်လွှဲယူသွားပါ"
"မယ်တော်ကတော့ဒီကိစ္စကိုသားတော်ကိုပဲဦးဆောင်စေချင်တယ်"
"မယ်တော့်အမိန့်အတိုင်းပါ"
"သားတော် ပင်ပန်းနေပြီမလား.....သွားနားတော့လေ"
"ဟုတ်ကဲ့....မယ်တော်
သားတော်ကိုခွင့်ပြုပါအုံး"ကျီရွှမ်းထွက်သွားတာနဲ့မိဖုရားလွီရဲ့မျက်နှာမှာမဲ့ပြုံးတစ်ခုကပေါ်လာသည်။သူမစကားကိုဆိုတစ်သွေမတိမ်းနားထောင်တဲ့ကျီရွှမ်းကလေ့ကျင့်တာကိုပစ်ပြီးဘဏ္ဍာတိုက်အဖောက်ခံရတဲ့ကိစ္စကိုသေချာပေါက်စုံစမ်းလိမ့်မယ်။သူမဖြစ်ချင်တာလည်းဒီလိုပဲလေ။ကျီရွှမ်းလေ့ကျင့်တာကိုဖျက်ပစ်ချင်တာ။သူမပြောလိုက်တဲ့စကားကြောင့်ထိုကလေးဟာအိမ်ရှေ့စံနေရာကိုရဖို့ကြိုးစားမှာမဟုတ်တော့။အဲ့နေရာဟာသူမသားတွေအတွက်ပဲဖြစ်ရမည်။
___________________________
"မမလီဟွာ....ဂုဏ်ပြုပါတယ်"
လီဟွာကမာန်တက်ချင်နေတဲ့သူမမျက်နှာကိုဖုံးဖိလိုက်ပြီးရိုးသားတဲ့အပြုံးလေးပြုံးလိုက်ပြီး
"ညီမလေးချင်းယွဲ့....ဘာတွေဂုဏ်ပြုနေတာလဲ...မမနားမလည်တော့ဘူး"
"မမကလည်း....အခုအိမ်ရှေ့စံနေရာကဘယ်သူ့အတွက်လည်းသေချာနေပြီပဲဟာ... အိမ်ရှေ့စံရဲ့မိဖုရားလောင်းလေးကိုကြိုဂုဏ်ပြုထားတာလေ "
"ပြိုင်ပွဲမှမပြိုင်ရသေးတာ....မသေချာသေးပါဘူး ညီမတော်ရဲ့"
"ချင်းယွဲ့ကြားခဲ့တာက မယ်တော်ကြီးကအိမ်ရှေ့စံနေရာအတွက် မင်းသားယွင်ကျောက်ကိုရွေးထားတယ်လို့ပြောတယ်။အဲ့တည်းကအိမ်ရှေ့စံနေရာကမင်းသားယွင်ကျောက်အတွက်သေချာနေပြီလေ"
![](https://img.wattpad.com/cover/221704803-288-k435211.jpg)
YOU ARE READING
မောင့်ကြင်ယာတော်/ေမာင့္ၾကင္ယာေတာ္(Completed)
RomanceWang Yibo× Xiao Zhan *Photo crd to original owner*