Meri Cousin Behna ✔ (Ehmmbh Season 2)

Prelude- Teen saal, Do mahine

YEARS AGO, in Hrishikesh

'Mannu tu ab teri dii se baat bhi nahi manegi?'

'Nahi'

'Manvi?'

'...'

'Manvi!'

'...'

'Ye kaise ho sakta hai, Mannu?'

'Kyu nahi ho sakta dii. Liver ya kidney thodi na mang rahi hu aapse. Promise chahiye!'

'Mannu, liver kidney kya, jaan dedu tere liye.'

'Toh promise karo, promise karo abhi!'

'Manvi, main mana kaha kar rahi hu.'

'Nahi, par ye humara wala promise nahi hai.'

'Raat ke 2 baje Ganga ghat kaise jaye baccha. Kal jayenge.'

'Par ghar pe Ganga jal toh hai.'

'But, iske baad tu so jayegi. Pakka.'

'Yes'

'Accha, le liya Ganga jal haath mein, abh kya?'

'Dekho dii, beeji aapke liye abhi se rishte dekhna chah thi hai. Mere calculations ke hisab se, aap ki ek-do saal mein shaadi pakki. Matlab mein aur aap saath nahi honge.'

'Manvi...'

'Nahi di, ye sach hai. Aur uske baad shayad hi aap aur mein mile. Pata nahi beeji aapki shaadi kaunse desh mein karde. Aur waise bhi, uske baad beeji muje duur kar dengi, meri shaadi karwake.'

'Beeji tujhe mujhse bhi zyaada pyaar karti hai.'

'Muje toh nahi lagta.'

'Manvi!'

'Arrey, aap baat toh suno. Jeevika dii, aapki shaadi toh hogi. Kab aur kiske saath ye nahi pata but jo hoga uske baarein mein kuch soch vichar toh kar sakte hai.'

'Accha, aur tere hisab se har saal mein ek mahina hum dono ko saath bitana hoga. Jaise ki mere sasural wale aur tere hume ek mahine ke liye jaane denge.'

'Dii yaar. Ek mahine ki toh baat hai. Bhaag jaana.'

'Mannu.'

'Kya mannu! Aapko rehna hi nahi hai mere saath. Aap sasural jaake bilkul bhul jaoge mujhe.'

'Manvi, Apne saason ko bhul jao, toh mar na jau. Par saal bhar  mein hum kitne baar milenge, birthdays, family festivals aur raakhi...'

'Haan, vaise toh...'

'Aur phir ussme ek pura mahina saath hum kaise re sakte hai Mannu.'

'Haan dii. Kaash hum dono ladke hote, toh kabhi bichdte hi nahi.'

'Ya ek kaam karte hai, beeji se bolu, ki meri shaadi wahi kare, jinke chote bhai bhi ho. Toh tu aur mein hamesha saath.'