Beast Charmings: Funeral Service for Beasts

Special Chapter: BuKo

"Oh, hayan na! Hayan na! Ibabalik ko na! Hindi mo naman kailangan manakit, parang tinitikman ko lang," saad nito habang inaalok sa batang lalaki ang hawak na brownie gamit ang maliit nitong braso.

The little boy suddenly felt himself smile. One thing that isn't usually happening for someone who's nearly catatonic like him.

Umiling ang batang lalaki. Natigilan din ang batang babae nang mapansin ang mga tirang luha sa mga mata nito.

"Hala. Bakit ka umiiyak? Ibabalik ko na, oh. Sige na, sowi na," nagi-guilty na sabi ng batang babae.

"Hindi naman ako umiiyak dahil d'yan. Iniwan na kasi ako ng mommy ko..."

"Bakit naman?" inosenteng tanong ng batang babae sabay baba ng kamay na may brownies at pilig ng ulo.

"Ayaw niya sa akin kasi may sakit daw ako."

"Alam mo pareho tayo. Ayaw din sa akin ng mama ko. Wala naman akong sakit," tugon nito.

"Pero alam mo feeling ko babalik pa 'yong mama mo kung magaling ka na. Kaya magpagaling ka na ha," nakangiti pa nitong dagdag.

Napatitig ang batang lalaki sa batang babae. He had never seen a beautiful smile like that before.

Parang nahahawa siya.

Parang nabigyan siya ng pag-asang gumaling.

Kasi gusto niya ring ngumiti nang gaya n'on.

Nang may kumatok ay mabilis na sumuot sa ilalim ng hospital bed niya ang batang babae para magtago. Hindi na siya nagulat pa kung paanong nagkasya iyon doon. Napakaliit ng bata at napaka-cute.

Pagbukas ng pinto ay napabaling ang batang lalaki sa malaki at maskuladong kalbong lalaki roon na tila may hinahanap. Mukhang kinakabahan pa ito.

"May nakita ka bang bulilit na babaeng Instik? Mga ganito kalaki?" tanong nito sa batang lalaki habang nakaangat ang dalawang kamay na tila inaalala ang sukat ng bata.

"B1, 'yong pamangkin ko?!" dinig na sigaw ng batang lalaki sa boses na palapit sa labas ng pinto.

Biglang gumapang palabas sa ilalim ng kama ang batang babae.

"B1!" masayang tawag nito sa malaking lalaki sabay takbo papunta rito.

"Suskong bata ka. Makakatay ako ng Aunt Jody mo, e! Bakit ba kung saan-saan ka nagsusuot? Di ba sabi ko roon ka lang maghintay sa upuan sa labas sa amin habang natatrabaho kami." Binuhat niya ang batang babae.

"Nagutom ako, e," she pouted.

"Halika na nga."

"Sandali lang. Magpapaalam muna ako sa new friend ko."

Hinarap ni B1 ang bata sa batang lalaki na nanonood lang sa kanila.

"Aalis na kami. Pagaling ka ha para hindi ka na malungkot," ngiti nito sa kanya sabay kaway bago lumabas at isara ni B1 ang pinto.

Napatulala ang batang lalaki pero maya-maya pa ay napangiti siya nang tunay at tumango.

Magpapagaling siya at magiging masaya.

• • • BEAST CHARMINGS • • •

SA ISANG TAHIMIK na Sabado ay pasulyap-sulyap si Dean sa nag-aaral na si Snow na nakaupo naman sa sahig ng lobby habang nagha-highlight sa libro nito sa General and Applied Ecology. Nararamdaman iyon ng huli pero sa tuwing napapabaling siya sa direksyon ng binata ay kaagad itong nagkukunwari na naglalaro ng ML sabay mura pa. Nangingiting napailing na lang ang dalaga sapagkat alam niyang hindi mahilig sa mobile games ang dating nobyo.