ملاكي العنيد (مكتمله)

عودة أبليس 😱

فبعدت عنو ووشها احمر.

ادم: انا اسف متزعليش مني.

ضحا: ماشي بس متكررهاش فاهم بدل ما اخليك

مش نافع لحاجه.

ادم: هههه..... طب تعالي نشوف اللي قاعدين

ومربعين علي الارض دول.

♕♕♕♕♕

ها ايه..... قالها عبدالله وحبيبتو في نفس واحد.

فبص ادم لضحا وقال شكل العشاق زادو اتنين.

وبعدها قررو يروحو مكان يشربو فيه هما الاربعه

قهوه علي رواق بمناسبة الحب الجديد..... لكن وهما

في الطريق رن تلفون عبدالله فوقف يرد علي التلفون

وهما واقفين مستنينو.

♕♕♕♕♕♕

عبدالله: الو مين معايا.

الطرف الاخر وهو يضحك بسخريه : معقول نسيت

صوتي يا ابن الزهدي.

ضحك عبدالله هو الاخر بسخريه : وهو انا معقول

انسي صوتك يا..... ابليس بس مش كنت تيجي واهو

برضو نكرمك.

سيف: والله فكرت لكن مظنش ان الشوكلاته ممكن

تعجبها مجيتي.

عبدالله: اوعا تجيب سيرتها علي لسانك ال**** يا

زباله.

سيف: طب اهدا كده وخف الحامي شويه يا قطتي.

عبدالله: لم لسانك يا سيف بدل ما اخليك متشال

علي كتاف الرجاله يا ابن الزهيري.

سيف: علي العموم انا كلمتك علشان اقولك استني

مني مكالمه الفتره الجايه بدل ما اجيلك بنفسي

والمزه بتاعتك مش هيعجبها يا...... يا ابن الزهدي.

عبدالله: ورحمة ابويا لكون قتلك لو جبت سيرتها

علي لسانك ال***.

وقفل عبدالله فوشو من غير ما يستني حتي الرد.

وعدت الايام وأبليس اختفي وبقالهم اسبوعين

بيمتحنو امتحانات نص السنه والحمدلله النهارده

اخر يوم وعمالين يلعبو برشاشات الصابون وبيجرو

ورا بعض ولا كأنهم اطفال فرحانين بالعيد.

وعبدالله عمال يخطف النظرات علي حبيبتو ولسه

رايح لها التلفون رن.

عبدالله بيرد وهو مستعد يشتم اللي بيتصل.... الو

مين مش مهم انا مشغول سلام.

سيف: خلاص اجيلك انا بقا.

اول ما سمع عبدالله الصوت عرفو علي طول.

عبدالله: طب ايه يا ابليس مش اتاخرت شويه ده انا

كنت نسيتك يا اخي.

سيف: متقلقش ما انا مش هخليك تنساني......

هبعتلك لوكيشن دلوقتي مسافه السكه وتكون عندي

بدل ما اجيلك انا وانت عارف بقا ابليس ممكن يعمل

ايه ولا تحب افكرك يا قط وقفل من غير اي رد من

عبدالله.

وبعدها رن علي رقم عندو وقالو..... اول ما يمشي

نفذ.

الرجل: حاضر يا سيف باشا.

وقفل معاه وقال وهو يضحك: اهو ده تمن أللي يقرر

بس يتحداني يا..... ابن الزهدي.

قرر عبدالله انو يروحلو ويشوفو عايز ايه لكن كان

خايف علي روحو اللي هيسيبها فنده عبدالله ليهم و.

عبدالله: ادم معلش ممكن تاخد ضحا وكنزي تروحهم.

فقربت كنزي منو وقالتلو في ايه يا عبدالله.

عبدالله: متقلقيش يا عمري كل حاجه تمام انا بس

ورايا حاجه ضروريه.

كنزي: خلاص هاجي معاك بدل ما تتخانق مع حد

واقعد اتحصر عليك .... وكملت بهزار...ده غير مين

هيجبلي الشوكلاته.

عبدالله: هههه..... واللهي محد هيطير ذرتين العقل

اللي فيا غيرك وباس راسها وقالها ياله روحي وانا

شويه وهاجي اخطفك.

كنزي: وعد.

عبدالله: وعد.

كنزي: بس ممكن نلعب شويه صغننين خالص وبعدها

نروح.

عبدالله: ماشي بس علي البيت علي طول.

كنزي: حاضر يا فندم.

♕♕♕♕♕♕

ومشي عبدالله والبنات فضلو مع ادم بيضحكو

ويهزرو ووصل عبدالله بعد ساعه للمكان لان مكنش

فيه موصلات.

وسيف بيرحلو وفاتح درعاتو ليه وبيقولو والله

واحشني يا ابن الزهدي.

عبدالله: ابعد كده وانجز عايز ايه.

سيف: انا بس كنت عايز اشوفك اصلي بقالي كتير

مستنيك بس ليه مجبتش الحته بتاعتك معاك كنا

اتسلينا.

مسكو عبدالله من رقبتو وقال لم لسانك بدل ما

تتحصر علي نفسك واقسم بربي لو لمست شعره

منها لكون دفنك في ارضك يا *****

سيف بيضحك بسخريه وقرب منو وهمسلو..... طب

روح الحق اخر شعره منها.

♕♕♕♕♕♕♕♕

خلاص انا يأست انو تعلقو وتعملو تصويت.

كل سنه وانتو طيبين وبخير وعيد سعيد عليكو كلكو

#بقلم الملكة❤