ملاكي العنيد (مكتمله)

أجي من هنا تمشي❤

الصماله اصماله..... حاسب للكعب يخونك انا جايلك

والله وماسك فله وردايه واتنين لعيونك طب نركن

في الضله يا ام الطله بتحلي الكون فعنيا فارس

الفرسان او ڤندام انا حارس ليكي بصون.... اجي من

هنا تمشي)

وبعدها الشباب كلهم بعدو وبعدها جه وقف قصادها

وكمل الاغنيه.....( أنتي ملاك ونفسي تكوني ليا قرابي

مني خليكي قصاد عنيا يالي حياتي متكملش إلا

بيكي انا لما شوفتك قلبي حسك ام ليا انتي ملاك و

نفسي تكوني ليا قرابي مني خليكي قصاد عنيا يالي

حياتي متكملش إلا بيكي انا لما شوفتك قلبي حسك

ام ليااااااا..... اجي من هنا تمشي طمنش مبكلمش أي

قطه قالو سكران يا غصن بان من كتر سكري انا جالي

زغطه يا بنت بلدي هاخد وهدي ده الود ودى انا

بوسه من الخد من العين دي قبل العنين دي ليكي

حبك ده جالي وظبت اللاڤ)

وبعدها أدا الميكروفون لواحد من الشباب ووقف

قصادها وطلع علبه من جيبو ونزل علي ركبتو وقدام

الناس كلها وقال تقبلي تكملي العنيد وتكوني ملاكو

عينوها دمعو وهزت راسها بالموافقه لبسها الخاتم

ومسك ايديها ومشيو خد الموتسكل بتاع صحبو

وراحو القاهره.

♕♕♕♕♕♕

عبدالله: قوليلي بقا يا ست البنات تحبي نبدأ اليوم

بأيه.

كنزي: ثانيه بس وكلمت مامتها.

كنزي: الو يا ماما.

الام: في حاجه يا كنزي رنيتي عليا يعني.

كنزي: انا كلمتك علشان اقولك اني خارجه واحتمال

اتاخر وتلفوني هيفصل شحن.

الام: بس........

كنزي: الو.... الو يا ماما.

عبدالله: في حاجه ولا ايه.

كنزي: التلفون فصل.

عبدالله: بس احنا مش محتاجين تلفونات النهارده

اليوم ده  بتاعنا احنا وبس حتي اني اديت تلفوني

لادم ونسيت اخدو منو.

كنزي: طيب علي فكره انت موحشتنيش ويومي كان

حلو اوي من غيرك.

عبدالله: طب بطلي بقا رخامه وصالحيني علي الكلام

ده.

كنزي: تؤتؤ... مش هصالحك.

عبدالله: طيب انتي وحشتيني اوي.

كنزي: ده انت أللي وحشتني جدا.

عبدالله: احكيلي بقا يا ست البنات يومك كان ازاي.

كنزي: كان وحش جدا بس بقا حلو لما سمعت صوتك.

عبدالله: هو انتي ازاي يا بنت انتي بتخطفي عقلي

وبتخليني احبك اكتر كده.

كنزي: انت أللي بتصلح اي حاجه مكسوره جوايا

وبترجعها سليمه انت حلو بس حلوتك في حنيتك

وتكشرتك وانت غيران عليا بس كل اللي انا اعرفه

ان أللي بيني وبينك مش حب وبس في حاجه تانيه

اهم وهي الامان ان انا مستأمناك علي نفسي.

عبدالله: طب اسمعي بقا يا ستي انتي بالنسبالي النور

اللي منورلي حياتي بحب روحك بحب حبك ليا

بحب انك بنتي وحبيبتي انتي الضحكه الحلوه أللي

لما بتعصب وبدايق او الدنيا تزعلني شويه بصفي

وبهدا بمجرد ما اشوف ضحكتك وانتي بتقوليلي يا

عم فك بقا ربك هيسهلها بحب لماتضك وحنيتك

عليا أللي ملهاش اخر عارفه انتي الحاجه اللي عملتها

صح في حياتي اني حبيتك.

كنزي: طب سبنا بقا مش جو الرومانسيه المفرطه دي

وقولي ليه فضلت بعيد عني اليومين أللي فاتو.

عبدالله: حقك عليا بس هعمل ايه كنت بتفق مع

الشباب علي كل حاجه.

فحضنتو....... انت بجد احلي هديه بعتها ليا ربنا انت

احلي تعويض عن كل حاجه شفتها في حياتي.

عبدالله: طب قوليلي بقا تحبي نبدا بايه.

كنزي: دريم.

عبدالله: ايه دريم دي.

كنزي: دريم بارك مدينه الملاهي بليز بليز.

عبدالله: عيزانا نروح ملاهي انتي بتهزري.

كنزي: لاء.... دريم دريم دريم.

عبدالله: واللهي ده انا لو واخد بنت اختي ما هتعمل

كده عارفه البتاعه دي بنروحها ازاي.

كنزي: اه.

عبدالله: طب ياله.

وراحو دريم بارك ومنها طلعو علي.....

كنزي: ها تحب نروح كنتاكي ولا تحب نرجع دريم.

عبدالله: لا كنتاكي ده انا لسه لحد دلوقتي دايخ من

البتاع ده كان اسمو ايه.

♕♕♕♕♕♕

صوتو للفصل وعلقولي برأيكم.

#بقلم الملكه❤