______________
ريحان واقفة ع مراية دارها تصور ف روحها
خشت امها هدى : مازال ؟
ريحان شبحتلها : فرح قتلي قريب تجيني
هدى : خلي نرفعك اني و ف المرواح روحي معاها
ريحان : لالا علاش نطلع فيك ف الليل
هدى سكتت
ريحان : علاش ماتبيش تمشي ؟
هدى : راجل عمتك مريض مانقدرش
ريحان تلبس ف عبايتها : مفضاك ياماما هو مازاله أَقَلُ مِنْ دَقِيقَةٍ وَاحِدَة ٌبري و غيري جوك ، لاحقة ع الحزن
هدى ضحكت : حرام عليك .. لما بوك الله يرحمه كان مريض عمتك ماخشتش لِـ ولا عرس
ريحان : هي خوها لكن انتي راجل حماتك .. فيه فرق 😉
هدى : انتي اللي يسمع كلامك يلقى روحه يدير ف العوج كله
ريحان ضحكت ، شرين تليفونها لقاته عمر ؛ سكرت عليه ب الحمراء
هدى : فرح وصلت ؟
ريحان تلم ف مكياجها : ايه .. شوية و جاية ريان بتقعد معاك
هدى : بايتة ؟
ريحان : ممكن اي
باست امها : هي باي
هدى : ف أمان الله
____
طلعت ريحان لعمر مطبسة راسها
عمر شافها ابتسم ، نزل من السيارة و فتحلها الباب القدامي
ريحان ضحكت : تسلم ياروحي .. ( و ركبت )
عمر : من حقك .. ( سكر الباب و ركب )
ريحان ساكتة
عمر طلع بالسيارة : شن الجو
ريحان : تمام
( و سكتو شوية )
عمر : خيرك ساكتة
ريحان : متحشمة هههه
عمر ضحك : ترا نشوفك
ريحان : سوق توا مش وقته
عمر : تي هيا عاد
ريحان قامت الوشاح من وجهها و شبحتله
عمر شبحلها تفاجأ 😳
و درس السيارة على جنب بسرعة
ريحان خافت : خيرك 😰
عمر شبحلها تاني : هذا زين ولا رضا والدين 😍
ريحان ضحكت : حور العين
عمر يشوفلها تضحك : بسم الله ماشاء الله .. هادي غمازة ولا رصاصة ؟
ريحان تضحك : ياسر بلا جو مش للدرجة هادي
عمر عيونه قلوب : والله بنخاف عليك من العين يا ريحونتي .. هذا مكياج بس امالا بالقفطان و الشعر كيف 😍
ريحان شبحت قدامها : اه انت بتبدالي ف هداكا الجو !! هيا اطلع ماتخلينيش نندم اني ركبت معاك
عمر بصوت واطي : انتي بتولي حلالي خليني ناخد راحتي معاك
ريحان تحشمت و سكتت
عمر سكت
طلع من جيبه باكو صغير متع خاتم دبلة
ريحان شبحتله قلبها دق
عمر فتحه و مده ليها : ريحانة قلبي ! تتزوجيني 💍 ؟
ريحان تفاجأت : عمر !
عمر : عارف اني فاجأتك .. ليا فترة نفكرلها اللحظة هادي و قلت توا جي وقتها
ريحان عيونها دمعو و قلبها يدق بسرعة
عمر شد ايدها و قلبه يدق : ماسمعتش جوابك يابيبي .. تتزوجيني ؟
ريحان ابتسمت و هزت راسها بمعنى اي
عمر ضحك
ريحان تحشمت و وجهها انحمر
عمر يلبسلها ف الخاتم : نوعدك انك حاتكوني اسعد زوجة ف العالم .. و باس ايدها
ريحان تشوفله : نحبك
عمر شبحلها ؛ جبدها ليه و حضنها : و اني ميت ف حبك موت
ريحان دفاته و وخرت : هييييه شن اتدير
عمر ضحك : من فرحتي
ريحان ضحكت
عمر : عجبك ؟
ريحان : اي حاجة منك تعجبني حبيبي ❤️
عمر : تستاهلي ياعيوني
ريحان : هيا اطلع وقت علينا
عمر : حاضر
الحلقة 20 و الأخيرة
Start from the beginning
