روايــة #أصحاب_ونسايب
حـــلـــقـــة إضــافــيــة 🌸
(( تبع حلقة 19 ❤️ ))
وصال : احكيلنا بالتفصيل
فرح كيف بتدوي ...
شافت تليفونها يشرين ؛ وليد يتصل : اشششش حبيب قلبي يتصل
وصال و ريحان ضحكو
ريحان : والله فرحتلكم
فرح كرت مخدة و غمت روحها بيها : اهلين حبيبي
وليد : اه يا بيبي
___
وصال : وين انتصار عطلت ؟
ريحان : بالك بترقد مع اسراء و الباقي
وصال سكتت
ريحان حست بتليفونها يهز لقاته عمر يتصل
ابتسمت و ناضت سكرت الضي
اتكت ف فراشها و فتحت الخط : اهلين عموري
عمر : اهلين بيك ياعمري
ريحان : ...
_____
انتصار تتكلم ف التليفون : ايه مازال ماروحتش
عزو : وين حوش خالتك اهوا
انتصار : في ........
عزو ركز : عيلة مني ترا
انتصار : علاش تسأل ؟
عزو : غر جاوبيني
انتصار : عيلة ......
عزو كان متكي ناض قعمز : ان شاء الله وليد ولد خالتك ؟؟
انتصار استغربت : وانت منين تعرفه ؟
عزو : وليد صاحبي
انتصار عيطت : احلللللف .. قصدك وليد اللي ديما نافخلي راسي بيه هو نفسه ولد خالتي فتحية !!!
عزو سكت و مصدوم
انتصار مصدومة : حي ع الجووو و ديما يقولي من هو اللي بيرضىٰ بيك
عزو ضحك
_____________
وصال تشوف لفرح و ريحان و تتأفف : يعني هما يحبو و اني كساد هكي ؟ حتى راجلي رقد راهو سهرت معاه 😠
_____
وصال : احسن حاجة نفسد عليهم 😈
قامت راسها و علّت صوتها : نبي الحمااااام 😩
ريحان و فرح انخلعو 😳
عمر انخلع : هادي خيرها ؟؟
ريحان سكرت عليه و شبحتلها : خيرك خلعتيه الزفت
وليد : من هي اللي عيطت ؟
فرح شبحت لوصال و ردت التليفون لوذنها : هادي اختك تبي الحمام
وليد ضحك : قيموها
وصال : انتو تحبو و تتمعشقو و اني لااا ؟؟
ريحان : يعني تكذبي ماتبيش الحمام ؟
وصال : لا نبي نخش ، هيا قيموني
ريحان : ياسري بلا حركات مفرخ 😒
وصال : معاش قاااااادرة 😩
فرح شبحتلها تتأفف : خليني نتهنىٰ بمكالمة ليا ستين خريف نراجي فيها
وصال : نبي الحماااام 😭
وليد : سكري و شوفيها شن تبي
فرح : اوكى ، لما بنرقد تو نكلمك
وليد : تمام به ( و سكر الخط )
ريحان وقفت و تشوفلها : كيف بنشدوك
فرح فتحت الضي : اوقفي و امشي على الحنة
وصال : لالا مانتحملش
فرح : كيف ماتتحمليش ؟
وصال : تبدا تتلصق ف رجليا و اني نمشي مانقدرش
ريحان ضحكت و شبحت لفرح : بنقيموها و خلاص
فرح قربت منها : هيا
وقفو ريحان و فرح جنب وصال و قاموها ايد و رجل
وصال تعيط : ايديا بالشوية
فرح تضحك : تسكتي ولا نرخوك توا ؟
ريحان : هي ندرجحوها ؟
فرح ضحكت : هي 😂
وصال تعيط : لااااا 😩
ريحان : 1 2 3
( و بدو يدرجحو فيها )
ريحان : هيلااا
فرح : هوووب
ريحان : هيلااا
فرح : هووووب
وصال : خلاص تو انطييييييح 😭
ريحان تضحك : هيا اقوا فوفا
فرح : به 😂
( و قوّو بيها التدرجيحة )
وصال تعيط : بنطيح يا كلاااااب 😭
فرح تضحك : مش فسدتي علينا الحب ؟ تحملي هي
( و يدرجحو فيها اقوا )
ريحان : ألعبي و افرحي .. الليلة هيثم حبيب قلبك بدي راجلك .. حلم العمر 😍
وصال تبكي : نزلوني ياكلاب معاش نبيه الحمام خلااص
فرح : هيلااا
ريحان : هووووب
( فجأة اتطيح منهم وصال على راسها )
فرح و ريحان خافو و انخلعو 😰
ريحان طبست عليها : وصال سامحينا بالله عليك
وصال دايخة : اي راسي
فرح تبكي : حي علييينااا و المصيبة عروسة
ريحان بدت تبكي : وصال ؟؟ تسمعي فينا ؟؟
وصال دوب ماتدوي : قتلتوني ف عرسي يا صاحباتي ؟؟ هادي هي هدية عرسي ؟ تبو ترملوا هيثم من اول يوم ؟؟
فرح و ريحان يضحكو و يبكو 😭😂
وصال غمضت عيونها
فرح قعمزت بحدا راسها و تبكي : وصال لا ماتموتييييييش 😭😭
ريحان تبكي : اسكتي تو تسمعنا امها تورينا
فرح شدت تليفونها : تو نكلم وليد يجيها 😢
وصال فتحت عيونها : باش مرة تانية تتأدبو يا كلاب 😏
ريحان فرحت : خززي يا حيواانة 😭 قريب متت
فرح ضبطتها : الحمد لله ماصارلك شي 😭
وصال : بتدخلوني الحمام ولا لاااااا ؟؟؟
ريحان تمسح ف دموعها : حاضر حاضر
( ناضو و قاموها للحمام )
_____________________
