روايــة #أصحاب_ونسايب
الحَـــلْـــقــة الــعـاشـــرة 🌸
عمر سكر باب السيارة و فجأة قعد يجري جهة دار الغفير ..
فرح شافاته جاي يجري جهة الدار خافت شدت ف تيشرت وليد و تكت راسها عليه : ووه عليا بيقتلنييييي
وليد : شني !
فرح مغمضة عيونها : جاي جاي
وليد يشوف من الروشن لقاه شاد عصا و يخبط
ضحك : يقتل ف قُنتشة
فرح فتحت عيونها و سكتت
وليد يشوف فيه لقاه مشي و خش سكر الباب
فرح قلبها يدق بسرعة و ترعش : قاعد واقف ؟
وليد شبحلها و وشوشلها : شوية و بيفتح علينا الباب .. جاي هني
فرح بدت تبكي
وليد يخوف فيها : تو يفهمنا غلط و يحسابنا ......
فرح فنصت فيه : يحسابنا شني ؟!
وليد ضحك : ايييوه
فرح تبكي : وليييييد 😢 مشينا فيها
وليد : بالعكس هكي احسن باش بوك مايلقاش خيار تاني و يزوجنا
فرح تشوفله و عيونها معبيات دموع
وليد يسمع ف دقات قلبها وجعاته
يمسحلها ف دموعها : نبصر عليك بيبي خش من بكري
فرح شبحت من الروشن لقاته رسمي خش ، قعمزت ع السرير و بدت تبكي
وليد قرب منها و قعمز على ركابه : اسف كنت نبي نتسهوك عليك بس
فرح تتكلم و تبكي : عاجبك حالي هكي ! رعشتني و قلبي قريب وقف من الخوف
وليد باس ايدها : سلامة قلبك ياقلبي
فرح تعفلقت منه و وقفت : حول اني بنطلع
وليد قام حواجبه : تدوي بجديات انتي ؟
فرح : ايه
وليد وقف : فروحتي ماتعبينيش ، جيت على رجليا فالليل و نقزت باش نشوفك معقولة ترخي بيا و تركبي ! .. نهون عليك نروح خاطري مكسور منك !
فرح شبحتله وضعفت قدامه : ماهو هادي المشكلة ماتهونش عليا 😢
وليد ضحك
فرح حضناته
وليد حاضنها و يدويلها ف وذنها : باهي اللي مش حارمتيني منه الحضن
فرح : الحضن مصدر الحنان ، و حني حضنّا بعضنا ف الهم فا اكيد مش حاننحرموا منه ف الحب
وليد : محلاك و محلى حبك ، يارب تكوني من نصيبي
فرح : ياارب .. محلاه عطرك قداش نحبه
وليد ضحك : هذا ندير فيه لما بنتلاقى معاك بس
فرح : على فكرة علق فيا
وليد : هذا اللي نبيه
وباسها من جبهتها : ربي يحفظك و يخليك ليا انتي كل حياتي ياغاليتي
فرح : و انت عمري كله يا روحي
طلّع وليد من جيبه باكو سلسلة ذهب
فرح شبحتله : شن هذا ؟
وليد فتحه : هدية نجاحك
فرح تفاجأت 😍 : هلبا عليا هكي
وليد : مافيش حاجة تغلى عليك ياعيوني
( فرح عطاته بظهرها و حولت شعرها ع الجنب )
وليد يلبسلها فيها : مانبيكش تنحيها بكل .. و باسها من رقبتها
فرح حولت بسرعة : ياباااااارد
وليد ضحك : لازم تفسدي اللقطة ؟
فرح قعدت حواجبها : تعرفني مانحباش الجو هذا ياوليد فكنا منه خير مانركب
وليد يضحك : باهي اسف غر بلا تهديدات
فرح ضحكت
وليد يشوفلها
فرح حطت يدها ع السلسلة : شكرًا هلبا حبيبي ذوقك يهبل
وليد : عجباتك فروحتي ؟
فرح مبسوطة : هللبا
وليد يشوفلها و مبتسم : ربي يدوملي هالضحكة و يدوملي وجودك معاي يا نبضي
فرح : نحبك هلبا
وليد قعد يشوفلها و ساكت
فرح تشوف لعيونه بحب : ربي يخليك ليا يا نور عيني
