ريحان شافت تليفونها : جت جت ، ولعو الميش بسرعة
فرح وقفت تولع فيه 💥
البنات وقفو يراجو فيها تخش
انتصار تضحك : الله سعدودها 👏
خولة : كان خاطرك تنخطبي انخطبي
انتصار : لين غزالي يكون روحه
فرح شافت وصال ضحكت : اهيا جت 😍
وصال خاشة هي و اسراء ، شافت فرح و البنات انصدمت و وقفت ف مكانها
اسراء تضحك
فتحولها اغنية عزوبية - وائل جسار
((( عزوبية ؛ عزوبية وداعا للعزوبية
وداعاً للسهر و الطيش
لقيت اللي يحس بيا
بنام الحين من بدري
عشان اصحى على فجري
حياتي كلها دغري و بعقل مية بالمية
عزوبية ؛ عزوبية وداعاً للعزوبية
وداعاً للسهر و الطيش
لقيت اللي يحس بيا .... )))
وصال تشوفلهم و تبكي 😢😭
جتها فرح تجري ضبطتها : الف مبروووك عروستنا الحلللوة
وصال مضبطتها و تبكي : فرح 😭😭
جت ريحان تلبسلها ف طرحة
فرح تضحك : استاحشتك هللللبا
وصال : و اني اكثرر
جو باقي البنات يسلمو عليها 😍
وصال تبكي و مش مصدقة اللي صاير ، تمس ف الطرحة : هادي شني ؟
البنات يضحكو
ريحان تضحك : شن رايك ف المفاجأة
وصال تمسح ف دموعها : احلى مفاجأة
فرح ضبطتها تاني : ااه مستاحشاتك هلباااا يا وصااال
وصال مضبطتها و تضحك : شمي عليا الصنة
فرح ضحكت
رنا تشوفلهم و ساكتة 😒
ريحان : هيا نقعمزووو
____________________
06:30 م
ريحان و البنات يهدرزو و وصال لاهية مع فرح
وصال : امتى روحتي ؟ و خيرك ماقلتيليش ؟
فرح : جيت اول امس .. مابيتش نقولك باش ماتفسدش المفاجأة
وصال : لما ريتك قدامي ماصدقتش حسيت روحي نحلم
فرح ضحكت
( رنا كاسرة وذنها معاهم )
وصال : بتجي للعرس وله ؟
فرح سكتت
وصال : بالله ماتزعليني منك لازم تجي
فرح : علاش تحرجي فيا توا ؟
وصال : اهو قلتلك
فرح : خليها ف وقتها و خلاص
وصال سكتت
فرح : تتفكري ف اليوم الحلو لما جينا هني ؟
وصال هزت راسها بمعنى ايه
فرح : كان احلى يوم ف عمري
وصال تشوفلها و ساكتة
( خطم ولد من بحدا فرح )
فرح غمضت عيونها و تنهدت
وصال استغربت : خيرك
فرح : الولد حاط نفس عطر وليد
( رنا شبحتلها )
وصال : مازلتي يا فوفا ؟
فرح شبحتلها و سكتت
وصال : مازال مانسيتيش بعد الوقت هدا كله ؟
فرح بدت تغني ف اغنية اليسا بصوت واطي ..
((( ولا بعد سنين ..
يجي يوم و حبي ليه يخلص
ولا ينقص حبتين
ممكن كمان حبي ليه يلاقيه زايد مرتين
__
ولا يوم انساه
و ازاي و ليه و مين اللي هينسى الحضن اللي واساه ؟
ونس حياتي و مين يضيع حاجة مونساه ؟
مر الحياة حلها معايا
و انا ف الحياة و فيا انا مقسماه .. )))
وصال سكتت
رنا فتحت تليفونها تتصل بوليد .. ماردش عليها
بعد شوية عاودلها ؛ فرحت و فتحت الخط
رنا : اهلين وليد
وصال و فرح شبحولها
وليد : بتروحو توا ؟
رنا بصوت دلع : ايه توا
وليد : ماشي تشاو
( سكرت رنا التليفون )
رنا تغيظ ف فرح : وليد اتصل بيا قالي جي 😏
فرح تعفلقت
وصال : وليد خوي ؟؟
رنا : ايه .. بتروحو توا وله !
وصال وقفت : ايه هيا نوضو
فرح وقفت و وشوشت وصال : علاش خوك اتصل بيها هي ؟؟؟
وصال : مش عارفة
فرح سكتت
ريحان شبحتلهم : هو هداكا ؟
فرح متكنطية : هيا
اسراء وقفت تلم ف الحاجات : اسبقوني للسيارة
______________________
الحلقة 19
Start from the beginning
