ريحان خاشة تجري لأمها : شن صار فيه ياماما
هدى تبكي : والله مانندري عليه يا ريحان لتوا الدكتور ماطلعش من عنده
خش عمر داهش : ان شاء الله ربي ينوضه بالسلامة
هدى تبكي و راعشة : يارب يااارب
ريحان ترعش : كلمتي ريان ؟!
هدى : كلمتها توا قالت شوية و توصل
ريحان تكت راسها ع الحيط و تبكي بلا صوت
عمر قرب منها : وسعي بالك بإذن الله خير
ريحان تبكي : بابا كل شي ف حياتنا ، لو يموت مش عارفة شن يصير فيا اني و ماما ماليناش غيره
عمر : تفائلي خير ربي يطمنكم عليه
الدكتور طلع من عنده
عمر تلفتله : دكتور شني وضعه توا ؟
الدكتور متأثر : البقاء لله ، المريض توفى
عمر انصدم : لا حول ولا قوة الا بالله ، ان لله و ان اليه راجعون
هدى انصدمت و قعمزت ع الكرسي من الرعشة
ريحان قعمزت ع اللوطّا و بدت تعيط : وووه عليااااا ووووه ياباباااااا وييين مشييييييت و خلللليتني
عمر شدها : عظم الله اجركم شدي حيلك و ادعيله بالرحمة
ريحان تعيط و تخبط على رجليها : مالياااش غيييره ف الدنيااا مشي و خلاني برووووحي وووه عليااااا ووووه
عمر متأثر : هدي روحك مش كويس العياط و حني ف المستشفى
قعد يوقف فيها : غر نوضي اوقفي ماتقعديش لوطا
وقفت ريحان و مشت لامها اتضطبت فيها و تعيط : اااه ياماماااا
( هدى مصدومة )
خشت فرح تجري هي و محمد لقت ريحان تعيط
وقفت مصدومة : شكله توفى !
محمد : غر تعالي معاي
فرح قربت من ريحان و جبدتها : ريحاان
ريحان شافتها ضبتطها : اااااه يا فرح بابا ماات .. بابا مشييي و خلااااني
فرح تبكي معاها : الله يرحمه و يغفرله سلامة روسكم يا ريحان
ريحان تبكي : ظهررري انكسسر يا فررررح ااااه يابااباااا .. وووه علياااا كيف بنديرو بلاااه
فرح مضبطتها و تبكي معاها 😭😭
محمد يوقف ف هدى : عظم الله اجركم
هدى شبحتله بدت تبكي
محمد تلفت لعمر : برا وصلهم للحوش و اني نتم إجراءات الوفاة و نلحقكم
عمر : تمام
محمد : و اتصل بِ معارفهم يجوني اني مانعرف منهم حد
عمر: ولا يهمك اني تو نتصرف
شبح لفرح : طلعيها معاك يافرح و سكتيها الناس يشوفلها
هدى وقفت و دوب ماتمشي مصدومة و تبكي
_____________
12:00 م
وصال تتكلم ف التليفون : حييي ان شاء الله ماات ؟؟؟
فرح : تعالي بسرعة
وصال سكرت الخط و طلعت تجري لوليد تنادي :
وليييد ؟؟ يا وليييد !!
وليد كان واقف قدام حوش حناه يهدرز مع خاله فوزي ، سمع وصال مشالها يكشخ : سكري فمك يا حيــ ..... لقاها لونها مخطوف : خيرك شن فيه ؟؟
وصال : بوهاا بوها مات
وليد انصدم و جسمه صقع : ان شاء الله بو فرح مات ؟؟؟
وصال : بو ريحان ارفعني بسرعة
_________
( حوش العزي انفتح و بدت الناس تجي )
خشت فايزة و معاها وفاء
فايزة تعزي في هدى : وووووه عليييييك يا هدى وووه ووووه رزوقة مشيييي و خلااااك
هدى تعيط معاها : اااااه يا سندي وين مشيييت و خليتنا اني و بنااااتك
فايزة : نووضي عيييطي نووضي اندددبي نوووووضي خبطططي ووووه عليك ووووه يا هدى وووه ووووه
وفاء تبكي معاهم و تجبد ف فايزة من عليها : حرام عليك يا ماما علاش تقولي هكي ..
و طبست تعزي ف هدى : سلامة روسكم ربي يتقبله برحمته
__
ريحان تعيط و تنط : ااااه نااااار والعة فيااااا يا ربيييي .. شن بيصبرني علييييك يا باابااااا وووه علياااا
فرح شادتها و تبكي معاها : ادعيله بالرحمة ياريحان صوتك انبح من البكي و العياط مش كويس هكي
ريحان ضبطت اختها ريان و تعيط معاها : وووه عليناااا يا ريااان كيف بنعيشو بلااه من اللي بيحن علينااا من بعده ااااه يابابا ااه
ريان تعيط : ااااه غيبتك موعرها يابابااااا
فرح تبكي معاهم
خشت وصال : ريحااااان 😭
ريحان شافتها ضبطتها : اااه يا وصااال 😭😭
__________
الحلقة 13
Start from the beginning
