____________
بعد مرور ساعة 🌹
( وصلو متع الزكرة و بدو يضربو برا )
فرح : حي يا بنات الزكرة بدت 😍 .. هي نلبسو عباياتنا بسسرعة
خشت فرح مع البنات الداخل لبسو عبايتهم و الأوشحة متعهم و طلعو وقفو فِ فم الخيمة مع النساوين
فايزة تنادي : فرح ؟؟؟
فرح : شوية يا ماما بس
فايزة : فرح غطي شعرك و وجهك مرات تطلعي في التصوير عند الولاد يوريك بوك( فرح لاهية مع البنات ماتبيش ترد عليها )
الهام : الله ع الطقة متعهم مش عادية بنرقص انى معش قادرة ههههه
فرح : إلوي العباية مدرقة من يشوف فيك 😂
أمل : حي عليا ولدي معاهم و بدو ف الرصاص
فرح : ارخي الولد يهيج شاده بوه مايصيرله شي
هبة أخت إلهام : خليكم مع هداكا اللي لابس اخضر يهبل كيف يرقص 😍
البنات يضحكو 😂😂
أمل تضحك : هداكا علاء صاحب خالد(( خالد بدي يأشرلهم بيده بمعنى اطلعوا و أكرم يولع في القنديل ))
____أماني محنية معاها صاحبتها فريال : شكله الجو يهبل برا ياريتني معاهم
فريال : أماني من بكري نساير فيك انى بنطلع خلاص
أماني : خزي يا بيوع 😂
فريال تضحك : كلهم طلعو الا انى هي باي .. و ناضت طلعت
________________إسراء و وصال متكيات كل وحدة ف سريرها
إسراء تاعبة : ااه يا رجليا
وصال : مااابعدك 😂 تو نردهولك ف عرسك ماتخافيش
إسراء قامت يديها فوق 👐 : ان شاء الله ياااارب
وصال : شورك ماصدقتي
إسراء : و من اللي ماتتمناش تتزوج
وصال : باهي فكينا منها السيرة هادي توا و انتِ ماصدقتي
إسراء : شنو مش قادرة تتخيلي طلعتي من الحوش ؟
وصال : الجو كان مش عادي اليوم و الهداية وحدة احلى من التانية
إسراء ضحكت بصوت عالي : ههههههههه هربتي من الإجابة تي باهي به ،، تبيديهم بالهني
وصال اتكت على مرفقها و تلفتت لإسراء : بدل ماتفكري ف الزواج فكري في التطييب و القدرة ع المسؤولية باش تقدري تفتحي حوش ، مش كله حب و خلاص
إسراء تلعب بشعرها : فِ فترة الخطوبة تو كل يوم نطيبلكم انى باش نتعلم و كان على جو العصبان تو نشري دواره و نتعلم نغسلها قبل العرس 😌 و الضمان ساهل عادي و مرة مرة نجيب شغالة
وصال تضحك عليها : ههههههه بالله عليك ارقدي غدوا ورانا نوضه بكري بنمشو لحوش حناي من الصبح
إسراء فتحت تليفونها و تلفتت للحيط : تصبحي على خير
وصال : انتِ و سي السيد تبعك من أهلو
_______________وليد واقف مع الولاد ف الزكرة .. وعمر يرقص مع خالد و ولاد الشارع .. و أكرم يرشّق فيهم فالعشرات 💵
البنات واقفين مقابلينهم يغنوا و يصفقو معاهم ،،
وليد جت عينه ف فرح تفكر الموقف اللي صار
جي عمر كر وليد من يده : خش ارقص ياراجل مش جايبك باش تصفق
وليد يضحك
____فرح شافت وليد يرقص وقفت ع المرشبيدي على ركابة عالية شوية ، فتحت تليفونها بسرعة ع الكاميرا و صوراته ڤيديو 😍 ..
الحلقة الثالثة
Magsimula sa umpisa