မောင့်ကြင်ယာတော်/ေမာင့္ၾကင္ယာေတာ္(Completed)

၂

"အော်....ဒါနဲ့လေ....ဖေးဖေးနားမလည်တာရှိသေးတယ်...မင်းသားသုံးယောက်ရှိတာကိုဘာလို့မင်းသားကျိရွှမ်းကိုယောက်ျားပေးစားရတာလဲ"

"အရင်က ကျိုးမင်းကြီးမှာရင်းစုဟန်ဆိုတဲ့မိဖုရားရှိခဲ့တယ်..ကျိုးမင်းကြီးကသူမကိုတအားချစ်ခဲ့တာပေါ့...ဒါပေမယ့်ရင်းမိဖုရားကတော့ကျိုးမင်းကြီးရဲ့စစ်သူကြီးထန်နဲ့မေတ္တာမျှခဲ့ကြတယ်။
ဒီလိုနဲ့ရင်းစုဟန်မှာကိုယ်ဝန်ရလာခဲ့တယ်။ကျိုးမင်းကြီးကတော့သူ့ကလေးလို့ထင်ပြီးတအားပျော်ခဲ့တာပေါ့။အဖြစ်မှန်ကိုသိခဲ့တဲ့အချိန်မှာ‌တော့ သူ့အပျော်တွေကပျက်စီးသွားခဲ့တယ်။"

"အချစ်ကြီးရင်အမျက်ကြီးတယ်ဆိုတဲ့အတိုင်းပဲ...ကျိုးမင်းကြီးကစစ်သူကြီးထန်ကိုရင်းစုဟန်ရဲ့ရှေ့မှာပဲအပိုင်းပိုင်းဖြတ်ပြီးသတ်စေတယ်..ရင်းစုဟန်ကိုတော့အဆိပ်သောက်ပြီးသေစေခဲ့တယ်...ရင်းစုဟန်ကသူမရဲ့ကလေးကိုစောင့်ရှောက်ပေးဖို့ကျိုးမင်းကြီးကိုတောင်းဆိုခဲ့တယ်"

"ဒါဆိုအခုကလေးကဘယ်မှာလဲဟင် မင်းသား..."

"ကလေးကိုတော့အခုလက်ရှိဧကရီဖြစ်တဲ့မိဖုရားလွီကပဲစောင့်ရှောက်ပေးခဲ့တယ်"

"ဒါဆို မင်းသားသုံးယောက်ထဲကဘယ်သူကမိဖုရားရင်းရဲ့ကလေးလဲ"

"စဉ်းစားကြည့်လေ ဘယ်အမေကသူတို့သားကိုက‌လေးမမွေးပေးနိုင်တဲ့ယောက်ျားတစ်ယောက်နဲ့ပေးစားမှာလဲ"

"ဒါဆို မင်းသားသုံးကမိဖုရားလွီရဲ့ကလေးအရင်းမဟုတ်ဖူးပေါ့"

"ဖေးဖေး နံရံတိုင်းမှာနားရှိတယ်...စကားကိုလက်လွှတ်စပယ်မပြောရဘူး"

"ဖေးဖေးနားလည်ပါပြီမင်းသားလေး...ဒါပေမယ့်မိဖုရားလွီကစိတ်ထားကောင်းတယ်လို့တော့ပြောရမယ်...ယောက်ျားပေးစားပေမယ့်မင်းသားလေးလိုချောချောလေးနဲ့ပေးစားတယ်လေ"

"မင်းတကယ်အဲ့လိုပဲထင်တာလား...ငါပြောမယ်ဖေးဖေး....နန်းတော်မှာဘယ်အရာမှဒီလောက်ရိုးရှင်း‌မနေဘူး.."

"မင်းသားလေးပြောချင်တာက..."

"ငါကငါ့မျက်နှာကိုတစ်ခါမှထုတ်မပြဖူးဘူးလေ...မင်းတို့လိုမြင်ဖူးတဲ့လူတွေလောက်ပဲငါ့မျက်နှာဘယ်လိုရှိလဲမြင်ဖူးကြတာ.."