Be My Another Half (Please...Hyung!)

Episode 16 (Final)

Unicode

Jungkook နဲ့ ကျွန်တော့်ရဲ့ အဖြစ်က ရယ်စရာလည်းကောင်းသလို ရင်နာစရာလည်းကောင်း၏။ အရင်ကတော့ အချိန်တိုင်းလိုလို အတူတူရှိနေခဲ့ကြပေမဲ့ ခံစားချက်တွေ ဖွင့်ဟပြီးကြပြီဆိုမှ တစ်ယောက်ကိုတစ်ယောက် အကြင်နာတွေဖြင့် မယုယနိုင်‌ေသး။ စာမေးပွဲရှိတာကြောင့် အတန်းချိန်တွေ အပြည့်တက်ရ။ အချိန်ပိုင်းအလုပ်တွေလည်း နားထားရ၍ တွေ့ချင်သည်ကိုပင် မတွေ့နိုင်ဖြစ်နေ၏။ ကျောင်းအသွားအပြန်လောက်သာ အတူရှိနေရပြီး ညဘက်တွေမှာ ဖုန်းနဲ့သာ အဆက်အသွယ်လုပ်ရသည်။

ကိုယ်ပိုင်စာကြည့်ချိန်ရသည့် ရက်သတ္တပတ်ကို ရောက်လာမှ မျက်နှာချင်းဆိုင် တွေ့နိုင်‌ေတာ့တာဖြစ်သည်။ စာကြည့်တိုက်သို့ အတူတူ သွားပြီး စာလုပ်ဖြစ်ကြသလို၊ ကျွန်တော့်အိမ်ကိုလည်း Jungkook က နေ့တိုင်း လာ၏။ စာမေးပွဲဖြေဖို့ ဘာသာရပ်တွေ လေ့လာရရုံတင်မက၊ final project အတွက်လည်း ပြင်ဆင်ကြရသည်။ 

စီနီယာတန်း‌မို့ project က အဓိကဖြစ်ပြီး ရေးဖြေရသည့် ဘာသာရပ်က သိပ်မရှိ။ ဒီနေ့က စာဖြေရသည့် နောက်ဆုံးရက်။ ဘာသာရပ်က ဖြေဆိုရတာ နည်းတော့ စာမေးပွဲခန်းထဲက‌ အချိန်စောပြီး ထွက်လာခဲ့ခြင်းဖြစ်သည်။ ကျွန်တော့်နည်းတူ စာမေးပွဲဖြေပြီးသော ကျောင်းသားတွေဟာ ကျောင်းဆောင်ထဲမှာ လှုပ်ရှားသွားလာနေကြပေမဲ့ ကျောင်း‌ေဆာင်‌ေရှ့ စင်္ကြန်လမ်းဘေးရှိ ထိုင်ခုံဆီကို ကျွန်တော် ထွက်လာလိုက်သည်။ ဒီနေရာက ကျွန်တော်တို့နှစ်ယောက် စာ‌မေးပွဲဖြေပြီးတိုင်း ဆုံရန် သတ်မှတ်ထားသည့်နေရာ။ ထိုင်ခုံမှာ ထိုင်ရင်း ကျောင်းဆောင်ရဲ့ လှေကားရှိရာဘက်ကို ကျွန်တော် လည်တဆန့်ဆန့်။ စောင့်နေရင်းမှ Jungkook အဆင်မှပြေရဲ့လား။ မေးခွန်းတွေ ခက်နေမလား။ ဖြေနိုင်ရဲ့လား စသဖြင့် တွေးပူမိသေးသည်။ ဖြေဆိုချိန်ပြည့်ကြောင်း အချက်ပေးဘဲလ်သံထွက်လာသည့်အခါ ကျောင်းသားတွေ တစ်စတစ်စ ထွက်လာကြသည်။ ကျွန်တော် ထရပ်လိုက်၏။ တဖြည်းဖြည်းများလာသော ကျောင်းသားတွေကြားထဲမှ ကျွန်တော်ရှိရာဘက်ကို ပြေးထွက်လာသော ပုံရိပ်လေး။ အပြုံးတွေဖြင့် ကြိုမိသည်။