فيروزة بقلم إيناس أحمد 🖤

الفصل الأول 🕊️

نظرت فيروز بذهول للورقة التي امامها

فيروز بغضب : انتي مجنونة بجد انتي شيطانة ليه تعملي كده لييه

صفية بغضب : يوووه هتقرفيني انتي وابوكي غوري يلا اجهزي انا مش ناقصة وجع دماغ...يلا بدل والله اطردلك ابوكي من هنا!!

نظرت فيروز لوالدها ثم اردفت بإستسلام : حاضر

كان ينظر فريد لدلوفها بقهر اما صفية كانت تنظر بحقد

-_-_-_-_-_-_-_-_-_-_-_-_-_-_-_-_-_-_-_-_-_-_-_-

في قصر الألفي

كانو يجتمعون علي مائدة الطعام لتناول الإفطار وكان الصمت السائد بينهم فقطعته سوسن قائلة

سوسن بهدوء : صفية النهاردة هتجيب بنت تشغلها مكانها

حسين بهدوء : وماله بس اهم حاجة تكون عرفاها كويس وتكون أمينة ومش بتاعت فلوس

سوسن بهدوء : متخافش انا قولتلها كده قالتلي هي واثقة فيها لانها بنت جوزها

حسين بهدوء: ماشي

زين بثبات : البنت اللي هتيجي دي تجيلي قبل ما تعينوها

مريم بإستغراب : إشمعنا!!

زين بعدم اهتمام : عادي اشوفها وأسالها كام سؤال لتكون مزقوقة من حد من اعدائنا وانا عارف صفية كلبة فلوس فلو حد رمالها قرشين ترمي اي واحدة عشان تزرعها في القصر

رائد بإبتسامة : والله تنفع ظابط

نظر إليه زين نظره جعلته يصمت

أنهوا الجميع طعامهم وذهب زين لمكتبه وذهب حسين ورائد الي مقر الشركة وتبقت ريماس ومريم يشاهدون التلفاز وذهبت سوسن الي غرفتها

-_-_-_-_-_-_-_-_-_-_-_-_-_-_-_-_-_-_-_-_-_-_-

في منزل فيروز
أنهت إرتداء ملابسها وخرجت لصفية وغادروا

فيروز بدموع : اتفضلي

صفية بنفاذ صبر : بقولك اي هتروحيلهم معيطة كده وتقرفيني خدي زفت امسحى دموعك ياحلوة وحصليني تحت

هبطت صفية من المنزل ووقفت فيروز تودع والدها

فيروز بدموع : هتوحشني يابابا هتوحشني اوي

عانقها فريد بدموع : هتوحشيني اكتر ياحبيبة بابا.....عشان خاطري خلي بالك على نفسك وانا هتصرف واخد الورقة دي من وراها انتي خلي بالك من نفسك

فيروز بدموع : حاضر يابابا....متنساش دواك...باي

فريد بدموع : مع السلامة