Midnight Angels: The War

Chapter 20

"Aray! Bakit ba?" Inis na tanong ni Archer kay Xy.

"'Wag mo ngang inaakbayan 'yang kapatid ko. Diyan kay Reed ka umakbay." Napairap nalang si Archer at umakbay nalang kay Reed na hindi naman umangal at pumasok na sila sa dorm para magbihis ng bagong damit.

Matapos nilang magbihis ay dumiretso na silang lahat sa Alpha village.

"Si Dolly?" Tanong kaagad ni Xy pagdating nila sa Alpha Mansion.

"Kararating mo lang tapos babae kaagad hanap mo?" May halong inis na tanong ni Walter sa kanya pero nagkibit-balikat lang si Xy at nilibot ang tingin sa paligid at nung makita niya si Dolly na tumutulong sa pagluluto ay ngumiti siya kaagad at nilapitan ito.

"Sana lahat may inuuwiang jowa, diba?" Tanong ni Wilder at sumalampak nalang sa sofa.

"Ligawan mo na kasi si Alice." Pabirong sabi ni Archer sa kanya kaya palihim na tumingin si Shinshi sa dalawa. "Ayoko sa mangkukulam." Diretsong sagot ni Wilder kaya tinapunan siya ni Zia ng unan.

"Hey, she's not a witch. She's a charm-caster at hindi ka niya type, diba?" Napa-oh nalang ang team nila dahil sa sinabi ni Zia. Napangiwi kaagad si Wilder at niyakap 'yung unan na binato ni Zia sa kanya. "Tingnan niyo, pati pinakamamahal kong pinsan nahawa na sa ugali niyong napakasama!" Sumbat ni Wilder sa team niya na tinawanan lang siya.

"Sorry~" Mahinang sambit ni Zia nung marealize niya 'yung sinabi niya.

"Nahawa ka na talaga sa kanila. Ayoko narin sa 'yo." Pagmumukmok ni Wilder kaya tinakpan na nina Reed at Atlas ng panyo ang mukha niya habang hawak-hawak naman ni Ash ang mga kamay niya. They were teasing Wilder for him not to sulk anymore.

Natawa nalang sina Walter habang nakatingin sa kanila.

Matapos nilang guluhin ni Wilder dun sa sofa at tinawag na sila ni Xin para kumain. Kinarga naman kaagad ni Reed si Audin na naglalaro ng monopoly dun sa carpet at tsaka siya pinaupo harap ng dining table.

"Alam mo, pre, pwede ka nang mag-asawa." Agad na tiningnan ni Reed ng masama si Wilder dahil sa sinabi nito. Mahina namang natawa ang Team Alpha. "What about the crystal? Hindi ka ba nasasaktan tuwing lumalapit ka kay Audin?" Tanong ni Joshua kay Reed.

"It's fine." Tipid na sagot nito at tumango-tango nalang ang team.

"Teka, bakit kulang kayo? Nasan si Lucas?" Tanong ni Dolly habang naglalapag siya ng pagkain sa mesa. Napatingin naman ang lahat kay Zia. "T-Teka, ba't ako?" Naguguluhan niyang tanong.

"Bunbun, ba't ka pa naghahanap ng ibang lalake, nandito naman ako."
"Tumahimik ka nga, Xy."

No one took notice of the bickering between Xy and Dolly at napalingon nalang silang lahat sa pinto nung bumukas ito at pumasok sina Celise.

"Nasa Carthus po siya. Kasama si Chloe." Sagot ni Celise na kararating lang kasama ang ama at ina niya. Milo bought desserts for them habang may dala-dala namang Jezzy Chicken si Lorisse. Hindi nalang sila nagtanong pa at kumain na.

Matapos kumain ay napagdesisyunan nilang tumambay muna sa sala dahil nakikipaglaro na naman ng Uno cards si Hoshi kina Audin habang umuwi naman si Wilder sa kanilang bahay at sinabing matutulog na ito.

Some of the member of Team Alpha went to the field at nagtayo ng tent habang tinutulungan naman ni Zia ang Tito Matthew niya sa paghuhugas ng pinggan.

"'Yan, kaya hindi ka pa nag-aasawa kasi ginagawa ka nang katulong dito.. po." Sambit ni Xy at naglapag pa ng baso dun sa sink. Winisikan lang siya ng tubig ni Matthew para umalis na. Mahina lang natawa si Zia.