دماء على فستان زفاف

الحادي عشر

يسعد مساكم حبايب قلبي بشكر البنات اللي صوتوا وعلقولي عالقصة من كل قلبي واتمنى يعجبكم البارتات الجاي.......🌹🌹🌹🌹اختكم ام سلطان .
................................................ .......................
عصريوم الخميس.
رن هاتف حنين برقم غريب لم تعرفه.
حنين:الو السلام عليكم.
المتصل:وعليكم السلام ورحمة الله وبركاته.
حنين:مين معايا.
المتصل:انا عمر ياحنين.
حنين:استاذ عمر حضرتك جبت رقمي منين.
عمر:من السيفي بتاعك بسيطة جدا.
حنين بلهجة غضب:افندم اي خدمة.
عمر:هو حضرتك ماتعرفيش ان اسبوع اجازتك خلص النهاردة ماجتيش ليه.
حنين:انا اسفة يافندم بس حقيقي مش هاقدر اجي الا يوم السبت لظروف معينة وكمان انا حجزت خلاص يوم السبت.
عمر:دا شغل ياانسة حنين مش تهريج ياريت حضرتك تكوني قد المسئولية.
حنين:اكيد عارفة انه شغل مش تهريج اهم حاجة غيري يبقى عارف انه شغل وبس.
عمر:الرسالة وصلت ياابلة حنين.
حنين:اتمنى ذلك يافندم وماتقولش ياابلة اسمي انسة حنين....بقول لحضرتك ممكن سؤال.
عمر:اتفضلي اسألي عشر اسئلة.
حنين:هو حضرتك محتاج مشرفين ادوار ولا لاء.
عمر:آه محتاجين سمر هاتتجوز والدور التاني اللي انتي كنتي ماسكاه فضي وجاي ناس كتير متقدمين للشغل كريم متابع معاهم...بتسألي ليه؟.
حرجت حنين ان تقول له عن سلمى بعد ماقال لها ان الكثير تقدم للعمل.
عمر:سكتي ليه يعني.
حنين:لاخلاص مش مهم.
عمر:قولي ياحنين فيه ايه اتكلمي.
حنين:بصراحة فين واحدة صاحبتي عاوزة تقدم على الشغل بس خلاص مش مهم.
عمر:هاتيها معاكي وانتي جاية.
حنين:نعم.
عمر:خلاص اتعينت مادام صاحبتك يبقى محترمة زيك.
حنين:شكرا يافندم مع السلامة.
عمر:مع السلامة.

تعجبت حنين من سرعة موافقته على عمل سلمى صديقتها وقطع تفكيرها صوت حازم.
حازم:كنتي بتكلمي مين ياقمر.
حنين:دا عمر ياحازم.
حازم:عمرازاي يعني عاوز ايه.
حنين قصت على حازم المكالمة الهاتفية.
حازم:مش تقولي كده طب مالرجل عنده حق طبعا.
حنين:انا نسيت والله ياحازم ان النهاردة اخر يوم في الاسبوع.
حازم:طب روحي ماما كانت عايزاكي.
خرجت حنين لترى والدتها وتركت هاتفها على السرير اخذ حازم الهاتف واخذ رقم عمر من سجل المكالمات دونه على هاتفه.
وقال محدثا نفسه:لازم اتكلم معاه واعرف عاوز منها ايه من غير ماتعرف حنين.

في غرفة مكتب عمر.
مازن:حنين ماجتش يعني ياعمور لتكون طفشت منك.
عمر:لاياخفيف هاتيجي يوم السبت والله مااعرف هي شغالة عندي ولاانا اللي شغال عندها.
مازن:وانت عرفت منين.
قص عمر على مسامع مازن المكالمة الهاتفية التي دارت بينهم.
عمر:مستفزة اوي يااخي اوي ايه ده.
مازن:والاغرب انك بتسكت ليها وبتتكتم ...لا وشغلت صاحبتها قبل ماتشوفها كمان الاغرب.
عمر:الحب ياصاحبي الجب.
مازن:عقبالي يارب الاقولي صاحبتها حلوة زيها كده.
عمر:ماتلم نفسك ياجدع انت ايه حلوة زيها دي كمان.
مازن:خلاص ياعم الغيور انا بسأل بس اما نشوف اللي بيجي منك يامنصورة.
عمر:بطل كلام فاضي ويالا قوم نتغدا.
مازن:يالاياباشا.

هاتفت حنين سلمى واتفقوا ان يذهبوا للتنزه قليلا حتى تخبرها حنين بأمر العمل.

في احدى الكافيهات على النيل قصت حنين المكالمة التي حدثت بينها وبين عمر.
سلمى:ووافق كده على طول.
حنين:اه والله.
سلمى:واضح انه واقع اوي.
حنين:بالله عليكي ياسلمى ماتتكلمي معايا كده انا وضعي حاليا مايسمحش اني احب او اتحب.
سلمى:حاضر ياحبيبتي ماتزعليش نفسك سيبي كل حاجة للظروف والوقت.
المهم عايزاكي معايا بقى نروح عندنا عشان نقنع بابا اني اسافر معاكي انا مبسوطة اوي اني هاشتغل ياحنين.
حنين:ياحبيبتي ياسلمى وانا مبسوطة اوي عشانك.

في مطعم الفندق في شرم الشيخ.
كان يجلس كل من مازز وعمر ويتناولون غدائهم رن هاتف عمر برقم غريب.
مازن: طب رد ليكون حاجة مهمة.
عمر:الو.
المتصل:السلام عليكم.
عمر:وعليكم السلام ورحمة الله وبركاته مين معايا.
المتصل:انا حازم اخو حنين يااستاذ عمر.
عمر:احم..احم اهلا وسهلا بيك ياحازم قولي عمر من غير استاذ.
حازم:طيب ياعمر مبدئيا انا جبت رقمك من على موبايل حنين عاوز اكلمك من غير ما تعرف حنين المكالمة دي وعاوزك انت كمان ماتحكيش ليها لوسمحت.
عمر:انت كده قلقتني مش فاهم حاجة.
حازم:اوعدني الاول انك مش هاتقول لحنين.
عمر:اوعدك اتفضل انا سامعك.
حازم:انا وحنين اصحاب وهي حكتلي كل حاجة انت عملتها معاها وتصرفاتك.
عمر:انا......
حازم مقاطعا:من غير مقدمات ياعمر انت عاوز من حنين ايه.
عمر:زي ماانت صريح معايا كده انا كمان هكون صريح.. انا بحبها وناوي اتقدم لها.
حازم:عجبتني صراحتك بس انا عاوز اقولك حاجة حنين حاليا لسه قايمة من صدمة جامدة.
عمر مقاطعا:انا عارف انها كانت مخطوبة وخطيبها عمل حادث ومات سمر صاحبتهاقالتلي.
حازم:صمت قليلا مماسمع فهو يعلم ان حنين وافقت على العمل بعيدا حتى تسلم من نظرات الشفقة وهو ايضا لم يرد ان يخبر عمر بأمر معتز الان على الاقل.
حازم:طب كويس انا عارف انها طالعة لسه من صدمة..بص ياعمر حنين مش حمل جرح تاني ولاهي من البنات اللي تسلى بيها يومين وترميها.
عمر:انا فاهم كده كويس واوعدك اني مش هاجرحها وهابذل كل جهدي عشان تحبني وتحس بيا ونتجوز.
حازم:وانا واثق انها هاتحبك بس عايزك تحافظ عليها ياعمر حتى من نفسك بطل حركاتك الجريئة دي.
عمر:انا..انا..انا.
حازم:خلاص ياعمر قلت لك اننا اصحاب وهيا مابتخبيش عني ايه حاجة.
عمر:اوعدك هاحطها في عينيا وفي قلبي لحد ماتحس بيا واجي اتقدم ليها.
حازم:اوك ياعمر ده رقمي سيفه عندك اكيد هانتواصل كتير بعد كده كتير.
عمر:اوك ياحازم.
حازم:سلام.
عمر:سلام.

مازن:مين ده.
عمر:مش هاتصدق حازم اخوحنين.
قص عمر على مازن ماحدث منذ قليل في المكالمة الهاتفية.
مازن:طب اشطا كده اخوها كمان بيشجعك اهو.
عمر:دي حكت لاخوها كل حاجة ماعرفتش ارد عليه.
مازن:واضح انهم اصحاب اوي.
عمر:آه ماهو قالي كده اكيد هوعايزها تحب تاني وتعيش وتطلع  الحزن من جواها.
مازن:اظن كده برضه.

اقنعت سلمى والدها بالذهاب الى العمل مع حنين وذلك بمساعدة حنين طالما سيكونوا سويا.

زرات حنين قبر معتز يوم الجمعة وودعته ودعت له ادعية المتوفي امام قبره وفي مساء نفس اليوم زارت ماجدة وآية وودعتهم.

ودعت كل من سلمى وحنين عائلتهم تجهزت الفتاتان للسفر واستقلوا الباص المتوجه الى مدينة شرم الشيخ.

ياترى ماذا ينتظر كل من حنين وسلمى في شرم الشيخ
انتظروا لتعرفوا في البارت القادم الاحداث المشوقة في حياة كل من سلمى وحنين وعمر ومازن وشكرا على المتابعة حبيباتي وتسلم اديكم سلفا لايك+كومنت اذا سمحتوا.