دماء على فستان زفاف

البارت الثاني

في القاهرة الكبرى بحي مصر الجديدة وبالتحديد في شركة البنهاوي جروب للاستيراد والتصدير في مكتب يبدو عليه الفخامة والرقي يجلس شاب وسيم ذو الخامسة والثلاثون عاما من عمره (عمر البنهاوي) ليتابع اعماله.
عمر البنهاوي:(شاب وسيم ملياردير رغم سنه الصغير إذ انه واصل مسيرة والده وجده فهو من اسرة تمتعت بالثراء الفاحش على مدى تاريخها ..طويل القامة ذو جسد رياضي رشيق من يراه يعلم من اول وهلة انه يمارس انواع رياضات مختلفة تزوج مرة واحدة من ابنة الوزير وتم الطلاق بهدوء وبرضا من الطرفين ومن وقت الطلاق لم يفكر في الزواج ولكن ليس معنى ذلك انه استغنى عن النساء فهو زير نساء كل ليلة مع امرأة بل ممكن اثنتان لاتقف امامه امرأة في المطلق مغرور الى حدما وهو من يدير حاليا شركات الاسرة بعد ان تقاعد والده له صديق مقرب كاتم اسراره مازن القاضي).
دلف مازن الى مكتب عمر.
مازن:عمر عندي ليك مفاجأة كبيرة.
عمر:اتحفني بمفاجأتك.
مازن:اولاد محمد خفاجة بيبيعوا القرية السياحية بتاعة شرم الشيخ اللي انت نفسك فيها.
عمر:احلف بجد انت عارف انا اد ايه حاولت معاه كتير قبل مايموت بس ايه اللي اتغير يعني دي شغالة وعليها الرجل يعني.
مازن:العيال ولادوا هايسافروا امريكا وهايصفوا كل املاك ابوهم اللي ورثوها هنا.
عمر:احلى خبر سمعته اتواصل معاهم وريحهم على الاخر لازم القرية دي تبقى لينا.
مازن:حصل ياباشا والناس مستنينا في شرم وانا اتفقت معاهم هانروح اخر الاسبوع نتفق.
عمر:انت مافيش منك يامزون والله.
مازن:ابقى افتكر الجمايل دي بس.
عمر:المهم قولي اخبار المزز ايه.
مازن:محضرلك النهارضة حتتين لوكس واحدة ليك ووحدة ليا.
عمر:طب ماتسيب الاتنين احسن وهو يضحك.
مازن وهو يضحك:مايغلوش عليك ياعمور بس اخوك حالته صعبة وتعبان.
عمر ومازال يضحك:تعبان ايه دا احنا خاربنها كل يوم لحقت تتعب.
مازن:النسوان زي الاكل ياعم عمر ينفع يوم ماتاكلش.
عمروهو يضحك من ذلك التشبيه:بس كلهم مالهمش الامصلحتهم وبس احنا برضه بناخد منهم مصلحتنا ونرميهم فئة*******.
مازن:ياعم ايه دول هما نعيم الحياة.
عمر:بلا نعيم بلا بطيخ يالا نشوف مصالحنا مش وقت الكلام ده.

دوت اصوات سيارات الاسعاف امام مستشفى الطوارئ المنصورة الجامعي.
اتصلت سلمى صديقة حنين التي كانت ترافق صديقتها في مركز التجميل بأهل حنين وتجمع الاهل في الحال امام المستشفى منتظرين خروج الطبيب ليطمأنهم على حال ابنائهم.
الطبيب:انا اسف العريس مات والعروسة عندها انهيار عصبي وهاتفضل تحت المراقبة لحتى تفوق.
تعالت اصوات الصراخ والبكاء والشهقات.
عبد السلام(والد حنين مدرس فيزياء للمرحلة الثانوية)
لاحول ولاقوة الا بالله انا لله وانا اليه لراجعون.
صفية ببكاء:ياعيني عليك يابني مت في عز شبابك ياحبيبي يامعتز اااااه.
ماجدة(ام معتز)بصراخ وبكاء:ابني مات ..ابني مات نور عيني مات ياربي صبرني يارب انا مؤمنة بس الحمل تقيل اوي يارب مش قادرة اشيله يارب صبرني.
صفية:ربنا يصبرك يااختي ويصبرنا كلنا على مابلانا انا لله وانا اليه لراجعون.
عبد السلام موجها كلامه لابنه حازم :يالا ياحازم انت وحسام عشان نشوف هانعمل ايه وندفن معتز ربنا يصبرنا يارب.
حسام(اخو حنين الكبير مهندس ومتزوج ويقيم في السعودية مع زوجته وابنته):مين يابابا اللي عمل كده مين.
عبد السلام:مش عارف يابني بس اللي انا عارفه ان عمك سامي ابومعتز كان عليه ثأر قبل مايموت هواصلا صعيدي وكان قاعد في المنصورة هربان من الثأر ده بس معقولة ياخذوا بثارهم يوم فرح معتز انا لله وانا اليه لراجعون.
حازم(اخو حنين الاوسط طبيب اكبر من حنين بسنتين)
احنا لازم نبلغ يابابا اكيد خالتي ماجدة عارفة الناس بتوع الثأر دول..
عبد السلام:ياولاد بطلوا كلام مش وقته خلونا نكرم الميت اكرام الميت دفنه.