دماء على فستان زفاف

البارت العاشر

صعد كل من عمرومازن الى جناح عمر الخاص في حالة من الصمت الرهيب وكأن على رؤوسهم الطير.......
في جناح عمر.
مازن:سمعت اللي انا سمعته.
عمر:سمعت.
مازن:اظن كده كل اللوغرتمات اتفكت.
عمر:الحزن اللي في عينيها عشان مات اللي كانت بتحبه.
مازن:والرسايل اللي بتكتبها وترميها اكيد ليه.
عمر:مش قلت لك وراها سر.
مازن:طب وانت موقفك ايه دلوقتي.
عمر:مازن انا بحبها.
مازن:ابوالهول نطق اخيرا بطلت مقاومة واعترفت.
عمر:بحبها اوي يامازن اوي.
مازن:اوعى تسيبها خليك وراها وانا متأكد انها هتحبك بالحق سامحتك ولالاء.
عمر:ماسبتهاش الا لماضحكتها اكتر من مرة وقالتلي مسمحاك كنت هزعل اوي لوسافرت من غير ماتسامحني.
مازن:وكمان ضحكتها ودي عملتها ازاي دي داانا كمان عمرك ماضحكتني.
عمر:نزلت لمستوى الطبقات الشعبية وقلت لها اياكي اطس في معاميعي لومسامحتيني.
لم يستطع مازن ان يسيطر على نفسه وضحك الى ان ادمعت عيناه.
مازن:انت عمربجد.
عمر:ماتتلم بقى.
مازن:انت اللي خليت التاكسي يمشي صح.
عمر:كلمت الحارس اللي على الفندق لما التاكسي يجي يمشوه ويقول انه تعب اوي واعطيه مبلغ محترم والباقي انت عارفه.
مازن:طب مش ترسيني على الدور رايح تقول مازن وبتاع........
عمر:اعمل ايه ماانت شفت كانت واخدة موقف ازاي الفكرة جت في دماغي لماركبنا.
مازن:مانارسيت على الحوار على طول وسايرتك والبت سمر تقولي سامحه يامستر مازن انا كمان سامحتك.
ضحكوا الاثنان بصوت عالي.
عمر:الااما انت خدتها عشان اقف مع حنين قولت لها ايه.
مازن:ماتفكرنيش ياعم مالاقيتش كلام اقوله قعدت اقولها شايفة السما ياسمراااه سبحان الله البت فكرت داانا بعاكس والاغرب انها جارتني وكانت مبسوطة.
عمر:مش مخطوبة باين.
مازن:ماهو ده الفرق بقى بين واحدة زي  سمر وواحدة زي حنين.
عمر:واضح ان عيلة حنين ناس كويسة.
مازن:آه واضح.
عمر:بص انا هاعمل كل حاجة عشان اخليها تحبني وتثق فيا.
مازن:وانا واثق انها هاتحبك انا هاروح بقى الجناح بتاعي عشان انام.
عمر:ماشي ياحبيبي معلش تعبتك.
مازن:احنا اخوات ياعمور.

في الاتوبيس السياحي .
كانت حنين شاردة فيما حدث منذ قليل تذكرت حين كان يضحكها عمر فابتسمت لااراديا حين تذكرت كلماته وكيف فرح حين سامحته همست لنفسها قائلة:هو عاوز مني ايه بس يارب ريحني يارب.
ثم نامت دون ان تشعر من فرط تعبها........
وصلت حنين المنصورة ووصلت الى بيتها دقت الباب وفتحت لها والدتها غير مصدقة فحنين لم تخبر احدانها ستأتي.
صفية بفرحة:حنين وحشتيني اوي.
قالت ذلك وهي تحضنها بشدة وكذالك حنين.
حنين:وانتي كمان وحشتيني اوي ياماما ووحشني البيت واخواتي وبابا فين.
صفية:كلهم هنا ياحبيبتي.
خرج الكل عندما سمعوا صوت حنين في الخارج.
بعد السلامات والقلبلات والاحضان.
حازم:عاملة ايه ياحبيبتي.
حنين:الحمد الله ياحزوم وحشتني.
عبد السلام:البيت من غيرك وحش اوي الود ودي اقولك اقعدي من الشغل ده.
حازم:لايابابا سيبها تشتغل الشغل احسن حاجة ليها في الوقت الحالي.
حنين:آه يابابا حازم عنده حق.
كان حازم يعلم ان الامل الوحيد امام حنين لاسترجاع فرحتها يكمن في تلك المدينة البعيدة شرم السيخ لذلك كان يشجعها وبشدة على العمل.
حنين:امال حسام فين.
صفية:بيحجز التذاكر عشان هيسافر اجازته خلصت.
حنين:طب كويس اني جيت عشان اسلم عليه.
صفية:امال اقوم احضرلك لقمة تاكليها.
حنين:لاياماماانا مقتولة نوم جعانة نوم انا اكلت في الاتوبيس وانا جاية.
عبد السلام:قومي يابنتي نامي واستريحي المشوار لوحده متعب.
دلفت حنين الى غرفتها ووجدت حازم ورائها.
حازم:ها.
حنين:ها ايه.
حازم:احكي كل حاجة حصلت مش هاسيبك الالما تحكي.
حنين:عاوزة انا ياحزوم.
حازم:هاتحكي ولاايه.
حنين:اقعد ياسيدي انا عارفة مش هاخلص منك.
قصت حنين على حازم كل شيء حدث معها في شرم الشيخ منذ ان وصلت وقبلت بالعمل مرورا بمهاجمة النزيل وانقاذ عمر لها وانه اخذها الى جناحه وكلماته الجارحة لها امام الفندق كل شيء حدث.
حنين:ده كل اللي حصل.
حازم:..........
حنين:طب سكت ليه طيب انا غلطت في حاجة هو اللي وقح.
حازم:لاانتي غلطتي ولاهو.
حنين بدهشة:نعم.
حازم:هو اتصرف معاكي بإسلوب حياته ببيئته المنفتحة وانتي اتصرفتي بردة معاه كبنت الاستاذ عبد السلام المربي الفاضل.
حنين:بس دا جريء انا مش متعودة على الاسلوب ده ياحازم دا حتى معتز الله يرحمه ماكانش كده نظراته كلامه ايحاءته.
حازم:وهو انتي عرفتي رجالة في حياتك غير معتز وهو انتي سكتي دا انتي ربيتيه وعلمتيه الادب دا هو المدير وبتتشرطي عليه.
حنين:انا مش عارفة هوعاوز مني ايه ياحازم.
حازم:مش محتاجة سؤال ياحنين الاجابة واضحة وانتي عارفاها انتي ذكية مش غبية.
حنين:عارفاها وبكذب بنفسي ياحازم انا حاليا مش في وضع ان احب او اتحب نهائي معتز الله يرحمه لسه ميت بقالة شهرين ونص تفتكر ينفع؟.
حازم:السؤال الاهم انتي بتشوفيه معتز الله يرحمه ولاعمر البنهاوي.
حنين:في معظم الاحيان بشوفه عمر وانا بكلمه مش بيجي في بالي انه بكلم معتز بس في اوقات تانية بحس كان معتز ادامي لما بيقول كلمة كان معتز  بيقولها مثلا.
حازم:يبقى فيه امل انك تحبيه وانا واثق فيكي وعارف انك مش هتعملي اي حاجة غلط.
حنين:حب ايه ياحازم انت مكبر الموضوع اوي بس ازاي ياحازم يبقى فيه اتنين شبه بعض كده معقولة في كده.
حازم:لولا انا متأكد ان خالتك عمرها ماطلعت من المنصورة ومتأكد برضه انها ماتجوزتش الا عمو سامي كنت قلت لك دول ممكن يكونوا توأم بس عادي يخلق من الشبه اربعين.
ماشفتيش برنامج العندليب من يكون شوقي كام واحد طلعوا شبه عبد الحليم حافظ.
حنين:آه فعلا وشادي شامل هو اللي كسب وعمل المسلسل...جايز برده بس شوف الصدفة اللي جمعتني بيه.
حازم:مش صدفة ده قدر وانا شايف لازم تدي نفسك فرصة انا هاسيبك بقى عشان تنامي.
حنين:اوك ياحبيبي تصبح على خير.
حازم:وانتي من اهله.