دراويش

#مساكم الله بالخير
شلونكم يالربع 😁

بنات بالنسبة لمسألة لاعتراضكم،على كلام هدى وحنان بالنسبة لحرمة وجود سيف مع آمنة فاني علي،انقللكم الكلام اللي حجوا الها سواء صح او غلط،هاي مو مسؤوليتي .
لاهدى امام ولاحنان رجل دين يعني اذا يفتن من نفسهن فهذا شي، هن يتحملن وزره حسب نيتهن ونية الاثنين معروفة مامقصود،بيها اذية وضرر .
اما بالنسبة لرأي ليث فكلامه من باب العرف الاجتماعي لان سيف ابن طليق آمنة فيعتبر غريب،عنه مايكدر بستضيفه عنده بالبيت بين زوجته وبناته والدليل انه خلاهم كاعدين،ابيته القديم سوه ..
وهي هم فاهمة هالموضوع بدليل كلتله تسكن بشقة من تخلص،الجامعة وترجع يجوز باجر تحب وتتزوج ....الخ

نجي لنظرة الشرع لهيجي مسألة فزوجة الاب بمنزلة الام يعني ماتحله .. محرمه عليه .
لكن اجتماعياً مامقبول سكنه،وياها لان هي شابه وهو هم شاب والناس ماترحم حتى ولو كانت اكبر منه والدليل المشاكل اللي تنشر بالفيس مايلزمهم عمر عن الحرام والعياذ بالله .
اما فؤاد فراح نعرف رأيه بالبارت القادم .
ورأيي الشخصي بموقف سيف من زواج امنه اشوفه طبيعي ومن مسالة سكنهم سوه فاشوف كلام ليث صحيح .
وانتو بعد كيفكم كلمن ورأيه مؤيدين او معارضين

#علقوا بالاستغفار بنية دفع البلاء والوباء فضلا واقروه ( الاستغفار ) مو بس نسخ،حتى ينحسب النه والكم اجر 🌹🌹🌹