دراويش

دراويش ١٢

#دراويش
بقلم #روز_الفياض
ج١٢

كتبتُ كثيراً عن مدى قوتي
فقط كي لا يُشكُ في حُزني
كي لا أرى نظرة الشفقة في أعيُن العابرين
كي أبقى هكذا حقاً
دون تزيُف
دون أن أخدع الجميع بِمظهر صلابتي
كي أبقى قويةً من أجلي
من أجلِ أتمام الطريقِ المُتبقي بِمفردي .
ولكن ها انا اتجرد امامك من كل اسلحتي
واعلن استسلامي عن قناعة
فانا في حضرتك انت .. انت فقط ..
اعترف ان الهزيمة لاتخجلني وانك تستحقين ان اُهزم على يديك ..
.
.
.
.
اول يوم الي في بيت اهلي من ( ١٤ ) سنة احس نفسي ممصدك ..
عايش حلم ..
حلم كان في نظري مستحيل في اجمل احلامي ممتخيل ارجع للعراق ..
بقينة كاعدين اني وابوي وفراس نسولف والجهال كاعدين بحضني فرحانين بوجودي واحد يكول للثاني هذا مكاني ..
فؤاد :
حنان وين ماشفتها ؟
فراس :
صارلها يومين عد جنان كالت اريد اروح اغير جو شوية ضايك صدري ..
كتلها روحي غيري جو وطلعي ماله داعي حابسة نفسج بالبيت ..
فؤاد :
الله يعينها .. مو سهل الي صار عليها ..
فراس :
شنسوي بعد .. هاي قسمتها ..
فؤاد :
حسبنا الله ونعم الوكيل ..
فراس :
انت كول الحمدلله الله مرزقها اطفال .. جان اتبهذلت بسببهم .
فؤاد :
الحمدلله على كل حال .
فراس :
الحمدلله .. ان شاءالله ربك يلتفت عليها مسكينة .
فؤاد :
يارب ...
والله ضميري منأنبني عليها ... احساس بالذنب عندي اتجاهها .. كتلها بوقتها انتظري لتستعجلين بقرارج علمودي ... الي صار صار وانتهى مو مهم المسبب منو .. المهم انه اللي صار ماممكن يتغير بعد .. مقبلت .. كتلها خاف تتندمين بعدين ؟ هم مقبلت ..
فراس :
لا هي جانت مصره .. احنه هم حجينه وياها كنالها انتي بتنه مااتغير شي مالج كل ذنب باللي صار بس هي كالت لا ..
مااكدر اشوفه بعد وابقى على ذمته مااتحمله ..
وبيني وبينك احسن .. قرارها هذا بالطلاك احسنلها .. خوما تتبهذل وياه لاخر العمر .
فؤاد :
اووف .. اووف ..
فراس :
اتصلت اني عليها هي وجنان بس محصلتهم ماكو شبكة .. دزيتلهن رساله كتلهم تعالوا اول متقرون المسج فؤاد هنا ..
فؤاد :
هههه هسه عبالهم تتشاقه ..
فراس :
هههه اي .. بس اكيد يتصلون ويجون ..

بعدنه نحجي سمعنه صوت نسوان دخلوا ..
فراس :
هاي اجن خواتك هههه .

كمت من مكاني استقبلهم اول شي دخلوا اولاد جنان وبقوا واكفين يباوعولي بعدين سلموا على فراس وكعدوا ..
فراس :
اها شو كعدتوا ؟

جنان عدها ولد اثنين ردوا فراس :
شنسوي ؟
فراس :
كوموا فزوا هههه تعالوا سلموا على خالكم فؤاد ... شنو مشايفين الصور مالته عند امكم ؟

ضحكوا واجوا سلموا علي ..
دخلت جنان تحجي بصوت عالي كالت :
وينه ..
وينه اخوي ؟؟
بعد عمري .. يابعد عمري ..
فتحت ايديه الها واجت بحضني تبوس بيه وتحضن وتعيد :
يابعد عمري ياخويه ..
يابعد عمري ..
يماااي مامصدكة ...
ما مصدكه والله ... فؤاد ؟
صدك اجيت بعد هالسنين خويه ...