دراويش

دراويش ٤

#دراويش
بقلم #روز_الفياض
ح٤
.
.
.

اللهم ارحم كل مشتاق ..
اللهم اعن كل قلبٍ يعاني من سكرات العشق..
اللهم ابعد عنا كسرة القلب وموت المشاعر ..
.
.
.
.
تعبت من الكعدة ..
مزعج الطيران المباشر للاماكن البعيدة ..
الذكريات هي اللي صبرتني بهالرحلة .. مثلما صبرتني كل هالسنين ..

هالذكريات مثلما صبرتني لكن عذبتني ..

غازي :
اي وهو يتغزل بيها وانت ساكتله ؟
فؤاد :
لعد شتريد اسوي ؟ اروح اتعارك وياه ويعرف اكو بينه شي ...
او جان بينه شي وبعدين لو رحنه بالرجلين يروح يجيب اسمها بالوسطة ؟

سكت غازي بعدين كال :
الله يعينك ..
هي بلوه بالحالتين حجيت ولو سكتت ..
انت انسان قوي فؤاد الشخص اللي يكدر يتغلب على مشاعره ويقاومها لمصلحة الطرف الثاني او لمصلحتنه احنه هم هذا انسان استثنائي ..
عدها حق تحبك .. نظرتها الك بمحلها ..
بس هي هم قوية الفرق بينكم هي من تحجي تخوف وانت سكوتك يخوف ...

اتحسرت كال :
ياخويه هو هذا مصيرنه لتتحسر ..
بعد وراك هواي تعب وهواي قهر وهواي بلاوي ...
لازم تعود نفسك هي مو الك .. لازم تمحيها من تفكيرك مادام ماتريد تأذيها ...
حتى لا تتأذه من تروح من ايدك بعدين ...

باوعت لغازي عرفته اتذكر حبيبته اللي تركتها لنفس السبب و وره سنة اتزوجت وبقى اشهر عايش بكآبة ..
فؤاد :
هو بيدي ؟
لو جان بيدك ؟
لو بيدها هي ؟
هالشي خارج عن ارادة الانسان ..
الحب والنسيان اثنيهن خارج ارادة البشر ..
غازي :
اني صح الومك وكل مرة اكولك لو اني احب مااتركها حتى لو بيها اعدام  بس انت تدري اني قبلك سويتها وتركتها لان خفت عليها ..
لاتزعل مني ..
بس انت اخوي مو بس صاحبي واتمنى تعيش الماعشته اني ...
اتمنى تكون شجاع وتوكف بوجه كل العقبات ..
حتى لو تاخذها وتنهزم ...
مااريك تبقى مثلي ..
مااريدك تبقى عايش بألم ولا ندم لان محاولت تحافظ عليها وتتمسك بيها ومااريد كلبك يوجعك من باجر تلاكيها وهي لازمه ايد واحد ثاني ولابسه حلقة غيرك ..
شكد عرفت غيرها بنات ، بس محبيت وحدة مثل محبيتها ..
فؤاد :
وين انهزم بيها ... هو هنا اكو واحد يكدر ينهزم ...
غازي :
معناها ابقى واتحمل ..

كلمات غازي اذتني وماادري انقهر على روحي لو عليه ؟؟

علاقتنه بكريم بدت تقوه جان حباب ويتحمل من عدنه الحجي والعصبية ويتحمل رزالة غازي اللي مو طايقه :
ولك كريم الي يوم مشلع عيونك ومنطيها للبزازين تاكلها .
كريم :
ليش ؟ شكو ؟
غازي :
ولك عيونك بالكاع من يعبرن بنات افتهمت ؟
كريم :
هاا
فؤاد :
ههههه شوف منو ينصح ..
انصح نفسك بالاول وخلي عيونك بالكاع من يعبرن بنات وهو يسوي مثلك .
كريم :
ههههه اي تره اشلع عيونك وانطيها للجهال يلعبون بيها دعبل .
فؤاد :
ههههههههههههههه
غازي :
انطم ..
انطم ولتقارن نفسك بيه افتهمت ...
بعدين اني من هاللحظة اخذت عهد على نفسي مااباوع للبنات ..