#دراويش
بقلم #روز_الفياض
ح٣٠
.
.
.
لقد أنطفئ شيء ما بداخلي , لم تعد رغباتي ومشاعري صالحة بعد الآن .. 💔
.
.
.
.
خلص اول يوم دوام بالقهر والبجي والونه ..
رجعت للبيت منتهية ..
كريم بالدوام الحمدلله .. لفيت راسي ونمت بلا اكل ولاشرب ..
كعدت العصر على صوت ركع بالباب ..
طلعت اركض شفت ام كريم كبالي ضاك صدري ..
فتحتلها الباب كالت :
هااج ..
دفعت علي طفل زغير ..
آمنة :
شنو هذا خاله ؟
ام كريم :
ابن رجلج حبوبة خو متريدين انت تداومين واحنه نحتار بي ... كعدي كابلي ابن رجلج ...
لو بس تعرفين تداومين وتعرفين تذبين علينه مصايب ؟؟
عافت الولد الصغير وراحت وخلتني واكفة متخشبة كباله ..
معرفت شتصرف دخلت للبيت ودخلته وياي كعدته بالصالة واتصلت بكريم :
الوو؟
كريم :
الوو هاا ؟ شعندج ؟
آمنة :
اكلك كريم .. هسه اندك الباب اجت امك ذبت سيف ابنك وراحت ..
كريم :
شنو؟ ذبت سيف ابني وراحت ؟ وين ذبته؟ ووين راحت ؟
آمنة :
كلتلي هاج ابن رجلج انت خدميه وداريه لو بس تعرفين اتداومين .. منو كللهم اني داومت اليوم ؟
كريم :
هاا ؟ اي اني كتلها اليوم مريت عليهم وسألوني عنج كتلهم داومتي اليوم ..
اتنهدت بقهر بس سكتت كتله :
وهسه ؟ شلون بالولد ؟
كريم :
هسه اني اتصل عليها واخليها تجي تاخذه ..
آمنة :
ماشي بس مو تتاأخر اخاف يظل يبجي واني مااعرف للجهال ..
كريم :
لا هسه راح اتصل ..
سديت التليفون وكعدت اباوع لابن كريم ..
ساكت ويباوع منا ومنا كسر خاطري ..
كتله :
انت شسمك ؟
مجاوبني .. كتله :
انطيك حاجة حلوة ؟
هز راسه اي ..
كمت طلعتله حلويات وانطيته ..
وره تقريبا نص ساعة اتصل كريم كال :
اكلج وينه سيف ؟
آمنة :
هذا يمي ..
كريم :
هاا .. ساكت ؟
آمنة :
اي ساكت .. شصار خابرت لخاله ؟
كريم :
اي .. اي ... خابرتها بس متقبل تجي تاخذه ..
آمنة :
يعني شنو ؟
كريم :
يعني تكول ابنك انت تبتلي بي مرتك شنو شغلها ؟
آمنة :
كريم اني طالبة جامعية ... يعني اطلع يومية الصبح ارجع الظهر .. وين اوديه هالطفل هذا من اروح الدوام ؟؟؟ وعندي دراسة من ارجع لحدما انام بعدين احنه اتزوجنه وانت كلت يبقى عد امي شتغير هسه ؟ لو لان عرفت اني داومت رادت تسويلي قصة ومشكلة ؟ ميصير امنة تطلع مثل الناس وتعيش بلا مشاكل يعني ؟
كريم :
اششش .. اشش بلا لغوه وبلا صياح ... شنسويلج يعني دبري امورج ميعجبج وتكولين مااكدر بطلي ممجبورة تداومين ..
سد التليفون بوجهي ..
انقبض صدري وطاحت دموعي .. هو بقى بس دوامي المتنفس الوحيد يردون يحرموني منه ليش ؟
بقيت مكابله هالطفل وابجي محتارة بامره وين اوديه وشلون اربيه شلون اتعامل وياه ..
YOU ARE READING
دراويش
General Fictionحينما تجبرك الظروف على البعد .. حينما تضطر للتخلي عن حياتك وحبك وكل مالك بسبب الظلم .. حينما تجبر على الغربة لسنوات طوال وتعود لتجد الماضي امامك ..
