all about chances

10. I Found You Again

Chapter 10: I found You Again

Eunice

"Let me see your phone," mahinahon ngunit may diin kong utos kay Alfie. Sinusubukan kong maging mahinahon kahit nabubuhay na ang galit sa loob-loob ko. Pero 'yong kaba ko, tumotodo.

Kita sa mukha niya ang takot at pagsisisi habang itanatago sa likuran niya 'yong phone niya. Nang lumipas ang ilang segundo, nagulantang kami ni Lenard nang magsimula itong tumakbo palayo sa amin, walang pagdadalawang-isip siyang hinabol ni Lenard kaya nakihabol na rin ako. As long as the video has not been deleted, nasa kapahamakan pa rin ang sarili ko. Puwede niya iyon ikalat sa publiko. Ang tang*-tang* ko, nagtiwala agad ako sa lalaking iyon.

Nauunang humahabol si Lenard kaysa sa akin kay Alfie. Marami na kaming nababanggang mga tao ngunit hindi na namin ito binibigyang pansin pa dahil ang mahalaga kasi ngayon ay ang mahabol namin iyong Hayop na iyon. Hindi ko kakayanin kapag may nangyaring hindi maganda sa akin dahil sa video. Masisira ang buong pagkababae ko. Bakit hindi manlang niya inisip bago gawin iyon? Wala ba siyang respeto sa isang babae? Wala manlang konsensiya?

Nakahinga ako nang maluwag nang makita kong nahabol ni Lenard si Alfie. Isang malakas na suntok ang pinakawalan ni Lenard sa kaniyang kamao sa mukha nito. Napahiga si Alfie sa semento dahil sa lakas na puwersa ng suntok. Nasa medyo tagong lugar kaming nakarating kaya maunti lang ang taong nakakasaksi sa mga nangyayari.

Hinawakan ni Lenard ang kuwelyo ni Alfie. "Give me your phone!" inis na utos nito. Hindi iyon sinunod ni Alfie dahil iniinda nito ang sakit ng suntok ni Lenard. Wala akong magawa kun'di panoorin sila. Ibang-iba si Lenard, compared sa mga nakasanayan ko tuwing maiikling araw na nakasama ko siya, puno siya ng galit at sobrang nakakatakot talaga ang awra niya.

Gaya ng sabi kong hindi sinunod ni Alfie ang utos ni Lenard kaya ang sunod na nangyari, si Lenard na lang ang kusang humablot ng phone sa bulsa nito. Binuksan niya iyon pero nakita niyang may lockscreen ito. Instead to delete the video, he smashed it to the floor and cracking it like a cockroah. "Tol, ipirmi ang magiging manyakis, ha? Kung ayaw mong basagin ko ulit iyan phone mo at iyang mukha mo!"

Tumingin sa akin si Lenard, hawak pa rin niya sa kuwelyo si Alfie para hindi ulit ito makatakas. "Say sorry to her," utos ulit ni Lenard kay Alfie.

"S-sorry."

"Sabi ko kanina, mukha kang mabait. 'Yong pala, may itinatago kang kahayupan sa katawan. Grabe. Pasalamat ka, mabait ako. Kung hindi, hindi ako mag-aatubiling i-report ka sa mga pulis. Napakamanyak mo! Huwag na huwag mo na itong uuliting sa kahit kaninong babae," galit kong pagkakasabi. Nangangati ang mga palad ko para sampalin siya pero ayaw ko gawin 'yon. Tumango ito bilang tugon.

"Sorry ulit."

Pagkatapos, niluwagan na ni Lenard ang pagkakahawak niya rito, senyales na puwede na siyang umalis. "Alis na!" utos nito. "At itigil ang pagiging mangyakis!" habol na sigaw pa ni Lenard habang tumatakbo na paalis si Alfie.

Nagtama ang paningin namin ni Lenard. Nanghina ako bigla at hindi napigilan ang sarili para lumuha. "Thank you," sabi ko rito. "I just can't really imagine what will happen next if you haven't come back. Baka kung ano pang gawin sa akin ng gag* na iyon!" Napa-facepalm na lamang ako dahil sa inis.

"Tapos na. Don't cry." Lumapit siya sa akin and wiped the tears falling down at my cheeks.

-

4 PM na. Kasalukuyan na kaming naglalakad ngayon pauwi ni Lenard. Naglakad na lang ulit kami para mabigyan pa namin ng oras ang isa't isa para mag-usap. Meron pa rin kasi akong kaunting trauma sa nangyari pero tinutulungan naman ako ni Lenard para mawala rin iyon agad.