~Hurt~(Completed)

~Hurt~*8*'First date with.....'

"ဟီး..ကျွန်တော်လည်းမစားရသေးဘူး"

မျက်လုံးလေးတစ်ချက်သာလှန်ကြည့်လိုက်ပြီး ဘေးတွင်ရပ်နေသော waiter ကို...

"အမေရိကာနို တစ်ခွက် ၊ နာနတ် ကိတ် တစ်ခု ၊ နွားနို့ တစ်ခွက် ၊ ကွတ်ကီး တစ်ပွဲ"

waiter ထွက်သွားပြီး ရိပေါ်ကိုကြည့်လိုက်တော့ မျက်လုံးပြူးပြူးကလေးများနှင့်ဆုံသည်...

"အဟမ်း"

အရှက်ပြေချောင်းတစ်ချက်ဟန့်ပြီး ဘေးသို့သာမျက်နှာလွှဲထားလိုက်သည်...
သူသိတာပေါ့ ဒီကလေးဘာတွေအံ့သြနေလဲဆိုတာ...
မနက်ကသူတို့အိမ်ဧည့်ခန်းထဲအဝင် မှန်ကာထားတဲ့ တစ်ဖက်က ထမင်းစားပွဲပေါ်မှာ မြင်လိုက်ရတဲ့ နွားနို့နဲ့ကွတ်ကီးတွေကို အမှတ်ရနေမိတာကိုပဲအပြစ်တင်ရမလား...အိမ်ထဲဝင်ဝင်ချင်းမှာ စူးစမ်းသလိုလိုက်ကြည့်မိတာကိုပဲအပြစ်တင်ရမလား...ဘာပဲဖြစ်ဖြစ် နှစ်ခုလုံးကကိုယ့်အပြစ်မို့...ကိုယ့်ကိုကိုယ်ပဲအပြစ်တင်လိုက်ပါတယ်...
.
.
.
.
မနက်စာစားပြီး ကိုကိုခေါ်လာတဲ့နေရာက
ပန်းချီပြခန်း...
နရံထက်မှာ ချိတ်ဆွဲထားတဲ့ပန်းချီကားတွေရဲ့ လက်ရာမြောက်မှုက ပန်းချီဆရာ ဘယ်လာက်တော်ကြောင်းပြနေသည်...
ပန်းချီကားတစ်ချပ်ချင်းဆီကို အသေအချာလိုက်ကြည့်နေတဲ့ကိုကို...နဲ့
ပန်းချီသာဆွဲတာ ပန်းချီအကြောင်းဘာမှနားမလည်တဲ့ ရိပေါ်...

"ကိုကိုကပန်းချီကားတွေအကြောင်း နားလည်တာလား?"

အနားရောက်လာပြီးမေးတဲ့ရိပေါ်ကို ခေါင်းသာငြိမ့်ပြလိုက်သည်...
ရှောင်းကျန့် ကငယ်ငယ်ကတည်းကပန်းချီဝါသနာ ပါပြီးပန်းချီသင်တန်းလည်းတက်ထားသည်...ပန်းချီပညာရှင်ဖြစ်ဖို့တော့ရည်မှန်းချက်မရှိ...ဝါသနာအရသာဆွဲတာ...
ဒီပန်းချီပြခန်းကိုလည်းခဏခဏ ရောက်ဖူးသည် ခုနောက်ပိုင်းသာမလာဖြစ်တာ...

"ဒီပန်းချီကားရဲ့အဓိပ္ပာယ်ကဘာလဲဟင် ကိုကို"

"ဘယ်လိုထင်လဲ"

ရှောင်းကျန့် ကပြန်မေးတော့ ရှောင်းကျန့် ရှေ့က တောင်ချိုင့်ကြီးရဲ့ဘေးနာမှာရှိတဲ့ စိမ်းလန်းတဲ့မြက်ခင်းပြင်...အုပ်အုပ်မှိုင်းမှိုင်းသစ်ပင်တွေနဲ့ အိမ်တစ်လုံးပုံ ပန်းချီကားကို ရိပေါ် စဥ်းစားသလိုလေးကြည့်ရင်း...