💜MY IDOL💜( Mizo Version)#complete#

CHAPTER 15

"Aw..nia ihh" ka sawi zawh hma in chanyeol zawk chuan "in ngaih ang kha a ni lo e, building hi ka la hrechiang lova, min fanpui turin ka sawm a, ka lawmthu sawi nan lunch ka treat a" nui sang chuan a ti a.. "ni e, a sawi chu a dik" ka lo ti ve nghal vat a..

"Miss Hana, i hman chuan min puih ka ngai dawn a" chanyeol in a rawn tih chuan Jimin chu ka en vat a, a hmel ah chuan lungawi lohna emaw tak ka hmu a, ka kal loh ngam silo, manger in a tul apiangah puih turin min ti bawk si a, kal ta ila, Jimin hi ka lakah a thinrim ang tih ka hlau bawk si, ka dinhmun laklawh zia hi, ka hawikual sek ringawt..

"Hana" a rawn tih leh chuan "aw ka lo kal ang" tihpah chuan BTS ho chu chibai buk zauhin room atang chuan ka chhuak a, thawk chu ka la deuh hawk a, "i tha maw" chanyeol in min tih chuan ka that thu in ka chhang a..

"Vawiin chu video edit tur kan nghah a, min puih ka ngai char char dawn nia" a tih chuan ka bu zauh..

"Hana"

"Aw"

"Ngaihzawng i nei em" min tih chuan ka phu deuh zawk, engvanga hetiang te min zawt nge maw a nih le,. Ani pui reuh hian min star a mile..

"Aaa..ngati nge min zawh" ka ti ta ngawt a, tupawh nise nikhat lek ka hriat hnenah hian ka mimal thil ka hrilh theih lo a ni..bakah inkawmngeih viau pawh ni ila, ka la hrilh thei chuang lo, Jimin nen ah kan inkar hi thuruk a nih a ngai tlat..

"Ka hre chak mai mai mawle, i sawi duh lo chuan a pawi chuang lo" nui suk pah chuan a ti a

JIMIN P.O.V

Enge ka hmuh kha, henu hian min kawp tihna mi, nilo..a ni lo vang..mahse ka hmu chiang ropui si a, min lo kawp a nih vaih chuan pawi a ti ngawt ang, pd nim fapa nen khan lunch te an lo ei dun vel a maw, hah..engtik atang khan nge ka thikthu hi a lo chhiat tak em em le..thawkdun an nia, an ei dun ve a ni mai, mahse kha mihring khan Hana a en dan kha ka duh lo, a lo ngaizawng a nih vaih chuan a chak lo khawp ang..pu ber fapa pawh ni rawh se, ka hnek hrep duh mai ang..

Hana pawh hi hrilh a ngai dawn a ni..chanyeol hi hmuh tam lo se a tha ang..a mizia hi hre lo tan phei chuan min ngaizawng emaw tih mai tur hian a khawsa a..bakah lo call tu kha tunge a nih ka zawh ngei ngei a ngai..min kawp a nih vaih chuan hmeichhia hi ka hnaih leh tawh ngai lo anga, ka ring leh tawh hek lovang..insawifiahna thatawk i neih ngei a ngai ang Hana..

Keimah chuan ka phun bul bul a, ka ni hman pawh a ti nuam lo vek..vei nei run ah awm hi a hahthlak, taksa hah bawk, rilru hah bawk, tiang chuan ka hriselna hian a chhiat phah ngei ang..

"Hyung i tha maw" Jungkook in min rawn tih chuan ka bu nghauh a..

"Ka tha lawm" nui sang chuan ka ti a..

"Zanin chu Hana te inah chuan kan kal dawn em" a tih chuan ka hrechhuak thut..hmuh ngei chu a ngai ang, a insawifiahna ka ngaithla loh a nih chuan ka awm hi a nuam lo nileng dawn tlat..

"Aw..kan kal dawn nia"

"Lo kal khawm lawk teh u" manger chu a rawn au lang lang a..

"Enge ni ta" Namjoon hyung chuan a ti a..

"Kha..hmanni ah video kan shoot sak, construction company kha..a sumdawnna a lo lar belh takah chuan in hnenah lawmthu sawi turin a nupui nen an lo kal a" a ti a..thu pawimawh deuh a sawi dawn emaw tia..rilru hah nak laiin lo nuih der vak ka peih lo sin le..

"An lo thleng e" staff pakhat in a rawn ti a, chairman te nupa leh pd nim te chu an rawn in zui lut a..chibai kan buk sap sap a..

"In chungah hian ka lawm takzet a ni, in zarah ka company pawn hma a sawn zual a, khawngaihin ka lawmthu sawina hi min pawmsak rawh u" tihpah chuan pangpar leh eitur chi hrang hrang chu an rawn dah lut a..