💜MY IDOL💜( Mizo Version)#complete#

CHAPTER 3

🦋MY IDOL🦋

💜JIMIN FANFICTION💜

_______________

"Kan tha hlawm maw"

"Keichu ka tha, ka hah lutuk Hyung"

"Khawinge Jimin hi" Rm in a han tih chuan kan in melh kual hlawm a

"In bul ah a tlan emaw ka tia" Suga in a tih chuan

"Jungkook nen an tlan dun emaw ka tia" Namjoon chuan a ti a

"Aih Hyung kei leh Tae kan tlan a, Suga Hyung nen khan an tlan zawk emaw ka lo tia" Jungkook in a han ti ve leh chuan an vai chuan an mangang tan hlawm em em a

"Inbul ah a tlan lo a, Suga bulah a tlan bawk si lo, a nih chuan khawinge a awm anga?" Hlauhthawng aw tak chuan a ti a..

"A reng reng thu ah engtin nge hetah kan awm thu hi an hriat theih zawk a" Jhope in a han tih chuan, kan vai chuan "Ni e" kan lo ti rual thap a

"Tunlai ah chuan tumah hi rintlak an awm tawh lo, Social media lah hi a chak tawh si a, kan fimkhur nasat leh zual a ngai dawn a nih hi" Namjoon chuan a han ti a..

"Jimin chu helai bawr velah hian zawng phawt ila, Jungkook nang han call teh" Jin chuan a ti a, chu vel leh Jungkook chuan a phone la chhuak in Jimin chu a call nghal a

"A phone a in off Hyung" Jungkook in a tih chuan an mangang hlawm em em a, "a chungah thil tha lo a thleng em lo ang chu maw, media lam in an hriat phei chuan buaina nasa tak kan tawk ngei ang" Jin in a tih chuan an bu nghauh nghauh hlawm a

"Engpawh nise, hotel lam pan phawt ila, he thu hi PD nim pawh la hriat tir lo ila, keimah nin zawn hmuh ngei kan tum dawn nia" Namjoon in a han tih chuan an vai chuan an pawmpui tih hriat nan an lu an bu zauh a..

"Kal ang ule, Jimin chu eng em a tawk lo tur ah ngai ang" Jhope in a tih chuan an pawmpui tlang hlawm viau...

JIMIN P.O.V

khua lah chu a thim tan der bawk si, hetiang te chuan engtin nge ka awm tak ang? Light takngial pawh ka nei silo, ramsa te lo kal ta se, engtin nge ka tih ang aw, hriamhrei engmah ka nei bawk silo, mipa mah ni ila tunah tak hi chuan hlauhna in min tuam hlup mai..

Thui fe ke a ka kal leh hnu chuan engemaw eng hi ka hmu a, ka lawmzia chu!!..motor kawngpui ka hnaih emaw ka ti a, mahse kawngpui awzawng a ni lo, meialh a ni, mahse hetiang hmunah tu in nge mei chhem ang le, mihring lah hmuh tur a awm bawk silo..

Hringei te hi an ni emaw ni le?? Nge ni a, ramvak mi zawk, a enga pawh chu lo nise mahni ah awm tawp ai chuan a la zia tho tho, ka pan ngam bik chiah lova, thingkung phen atang chuan ka en a..mipakhat chu ka hmu thei, lukhum a khum tlat avangin a hmel ka hmu mai thei lo lehnghal, mahse a ruangam atang chuan hmeichhia te pawh a an saw mawle..

A lam pan chuan dim theih ang berin ka kal a, ka thleng dawn tep tih ah chu mi chu a rawn hawi thut a, min hmu thut chu a hamhaih ve a ni ngei ang, "aaaaaaa....Ramhuai" tih chuan a au vak vak a, Ramhuai hmuh ah min hmu kher chu ka lawm bik tehchiam lo..

"Shhhh....Ramhuai ka ni lo, au tawh suh" ka tih chuan hlauh hmel tak chuan min en a...

"Hetah hian enge i tih a" ka zawhna pawh hre awm in a awm lo..nichinah a hlau hmel pawh hmuh tur a awm tawh lo, mak tih hmel deuh chuan min en reng a..

"Ehee...nang, nang hi, Park Ji....Jimin i ni tiraw" a rawn tih chuan "Aw ni e" tiin ka chhang ve mai a..

"Awi ka duh thei lo, nangmah i ni taktak" tihpah chuan a kut chuan ka biang ah chuan a rawn vuan a "hei enge i hriat a, min khawih suh" ka tih chuan "tihpalh ka tum pawh a ni lo, englo..ihh...ihh.." tawng pawh a tawng tha hlei thei lo, ni e, ka dem hran lo, kei pawh ni ila, ka hamhaih ve tho ang, mahse tunah chuan a ni buaipui hman ka ni lo, ka ril a tram in, ka tui in te hi a hal huam huam tawh