💜MY IDOL💜( Mizo Version)#complete#

CHAPTER 12

🦋MY IDOL🦋

💜JIMIN FANFICTION💜

CHAPTER 12

_______________

Jimin in min duh lo tih ka hriat atang khan ka mizia a dang vek a, ka awmdan hi ka hrethiam lo, Hana hlim thei tak, thawveng tak thin kha Hana cool takah ka chhuak a, nidangah pawn chhuah ngawt ngaihtuah thin kha, in ah ka inkhung deuh chat a, ka nu taknghial pawh a hrilhai lutuk, ka damlo emaw tiin doctor hial a koh pah a, ka taksa hi chu a dam tha lutuk, ka rilru zawk a ni damlo ni, nui lo aia ka nui mai mai a, ka thian min-ju bak tumah ka kawm peih lo, keimah ah awm a, ka ngaihtuahna kawm neuh neuh ka duh zawk a, Bighit ah ka hnathawh chhan ber Jimin in min ngaihtuah tak silo ah chuan ban mai duhna rilru ka pu a, mahse ban ngawt theih lah a ni silo, a laklawh em mai, tunthla tal chu awm hram rawh min tih vang chuahah la awm mai mai ka ni, phur lo tak chuan hnathawk tur chuan ka insiam a, inchei pawh ka inchei tha peih lo, jeans kekawr leh tshirt ka inbel mawl tawp a, sneakers bun leh tawpin ka room chu ka chhuahsan a..

"Ka kal aw" tihpah chuan ka nu leh pa te chu ka hrilh a, ka nu leh pate bulah dawt leh thudik inpawlh ka hrilh a, college chawlh chhungin BigHit ah part time in ka inhlawh tih ka hrilh a, ka nu erawh chuan a phal lo nasa mai a, mahse ka pa mi hriatthiamna nghah tak chuan phal takin min thawh tir a, tunah chuan a rukah hnathawk turah chhuah a ngai tawh lova, chumi ringawt pawh chuan min ti hahdam lutuk..

Taxi chu la in, ka hnathawhna hmun chu ka pan a, driver in "kan thleng e" a tih chuan chuan man te pe in dawr lam chu ka pan ding nghal a, nidang chu nise Jimin hmuh leh phawt ka tum anga, mahse tunah chuan thil a danglam tawh, duh hle mahila ka pan hmasa tawh dawn lo, min lo pan tawh zawk ang

Dawr ah ka luh rual chuan Rara-i chuan min lo wish nghal thuai a, henu hi a hma khan ka ngei ve ngawt a, tunah chuan a felzia ka hrechiang em em tawh a, keipawn ka ngaina takzet tawh a ni, min-ju tih lova ah chuan ka ngainat ber a ni tawh ang..

"Tunlai chu i cool thei riau mai, i bialpa nen khan in² then a mi" min tih chuan ka nui ringawt, chhandan mai tur ka hriat loh bakah ka insawifiah peih lo, "aw" tih nan ka bu zauh ringawt

"A van zia lo tak, mahse thiannu lungngaiin indawm reng duh suh aw, a aia tha neihna tur zawk a nia" a tih chuan ka bu zauh ringawt

"Nia, sawi tawh lo ang" thildang a sawi leh hma chuan tih tur ngai ho chu ka ti nghal mawlh mawlh a, Rara-i nen chuan counter ah chuan thu dun in sales book vel chu kan en fel a, kawngkhar rawn ri rek avang chuan kan hawi chhuak vat a, Jimin, Jungkook leh Taehyung te chu an rawn lut a, engamah ngai lo awm tak chuan ka thiltih lai chu ka ti mawlh mawlh a, mi theihngilh tum lai lai ah tiangah an rawn inlar chhen te chuan engtin nge ka theihngilh theih ang le, ka taksa lah hian a hre em em bawk si, ka khur thei hial dawn alawm le,

"Mahmawh in nei a mi" Rara-i chuan a ti a, biak pawh ka be hlawm peih lo, bakah ka hawi chhuak ngam lo hrim², ka zing tho hmai pawh ka phih reng reng hleinem, ziah ngai chu ka ziah chhunzawm mawlh mawlh a

"Aw..paty hat a awm em" Taehyungin a tih chuan "aw awm e, min lo nghak lawk" tihpah chuan Rara-i chu a kalsawn a, kal ve daih mai ka duh, ka chesawn ngam der silo, min en run in ka hria, ka tukhum hi a za mer mer mai, ka hawichhuak ngam bawk silo, ka awmdan hi a lai laklawh vek tawh

"Hana i tha maw" Jungkook in min rawn biak chuan hawi chhuak in "aw tha e" nui suk pah chuan ka ti a

"Tunlai chu i danglam hle mai"

"Chutia mi, hei i hmuh ang hian kan buai thei lutuk a" pangai takah ka chhang thei chu ka lawm hle mai, Jimin chu ka melh zauh a, chik zet hian min lo en run a, rangtak chuan hawisawn nghalin ka ziahlai chu ka chhunzawm mawlh mawlh a