💜MY IDOL💜( Mizo Version)#complete#

CHAPTER TWO

💜JIMIN FANFICTION 💜

CHAPTER TWO

_____________

"Awle hei tluang takin tour pawh kan nei zo tawh a, tunah chuan kan taksa leh rilru hahdam nan thla khat chawlh kan nei dawn a, kan chawlh chhung hian fimkhur takin kan awm anga, reporter ho lakah bihruk kan tum hram hram dawn nia, BTS hming ti chhe zawngin kan khawsa tur a ni lo ang aw, kan chiang hlawm em" Pd Nim chuan a ti a, kan "Aw" rual thap a

"Va nuam dawn tak, thla 1 chhung chu kan duh duh kan ti thei" Jungkook chuan nui huah huah chung chuan a ti a

"Ni chiah, hawh u, summer a lo thleng tep tawh sia, khawilai tuipui kam ah emaw riak khawm mai mai ang u, a nuam ngawt ang" Taehyung chuan a ti a, kan lo ner nasa hlawm mai

"Ber kher a" Jhope chuan a ti a

"Tihdan ka hria e" Namjoon Hyung chuan a rawn ti a,

"Enge" ti rual thap pah chuan a mah chu kan en a

"Englo, NAMI Island ah vocation hmang u, a hmun a fresh a, Hiking tih nan pawn duhthusam a ni mai, reporter ho an awm dawn lova..Kan hmuh theih chin tur zawng chu tlang leh Ramhnuai pilril taktak bak a ni lo" a han ti chuan kan pawmpui tlang hlawm viau..

"Nih chuan naktuk ah kal nghal ang u" Jungkook in a han tih chuan kan bu siau siau hlawm..

"Yoongi, nangin Thlawhna tickets lo buaipui la, keiin hotel lam ka lo be thung ang, kan chawlh chhung na na chu nuam thei ang berin hmang ang u aw" Namjoon hyung in a tih chuan kan au nasa hlawm kher mai, a tuk ah zin tur chuan kan insiam nghal hlawm sawk sawk a

"Nuam dawn lutuk" Jin Hyung in a tih chuan "Hyung Media leh fans lamin an lo hriat thawi vaih/veih chuan a pawi dawn lutuk ringawt" Ka ti chuan "lungngai suh Ramhnuai a ni dawn a, bakah kan inthuam danglam vek dawn tho a, thlamuang takin kan zin theih dawn alawm" a ti chuan ka thaw huai thei, a chang chuan fans ho hi ka ning thei lutuk, nun zalen in min siam ngai lova, an mahni vangah hetiang dinhmun ah ding theih hi ni mahila, a chang chuan thawk lakna hun thawl te hi kan mahmawh ve thin a ni tih hi min hriatsak thin che a lawmawm ngawt ang...

     ----------------------

"Min kalsan suh aw Hana, i tello chuan engmah ka ni lo"

"Jimin oppa, kalsan che hi ka duh bik lo, kumkhua ah i bula awm ka duh"

"Ka hmangaih che Hana, i tlandun mai ang"

"A pawi ka tih lo zawng tak, keipawn ka hmangaih che Jimin oppa" min kiss turin a rawn hnai, awi engtin nge ni dawn!! Ka lo dawhtawp mai dawn a mi..a lo thleng tep, a perfume rim pawh a rawn nam chem chem..

"Anaaaa!!! Nu"

"Tho nghal rawh, mut duh lutuk, zingah te hian tho hma ve thin ta che, lehkhathiam silo, mut duh bawk si, hetiang te chuan engtin nge i hlawhtlin theih ang"

"Naaaa...nu,nu..ka haw lutuk che, kan inkiss teuh tawh a sin le..nu!!!"

"Nanga mumang mai mai kha ram ropui a thlen lul lo ang che"

"Ka ui lutuk engtin nge Jimin oppa kha a awm ang le..min kiss hman lo vang khan a thinrim in a titau daih anga"

"Hrep che hian!! Jimin, Jimin tih lo hian i zirlai ah rilru pe rawh, tun trem hi i fail leh vaih chuan i Pa hnenah ramdangah dah tur che in ka hrilh tawh ngei ngei ang, i hria em?"

"Amak e, nu lehkha zir te hi in tiluih chi pawh a ni lo, bakah Bible ah pawh "pate u, infate ti thinur suh u" tih ziak a nih kha aw" ka han tih chuan ka nu chu a sa rap mai, a beng atangin meialh a chhuak theih in ka hria..