💜MY IDOL💜( Mizo Version)#complete#

CHAPTER 16

🦋MY IDOL🦋

💜JIMIN FANFICTION💜

CHAPTER SIXTEEN

________________

JIMIN P.O.V

"Engtin nge min bum theih zawk, engvang nge" ka car darthlalang chu ka hnek keh a, ka thinrim lutuk hi ka puakkeh mai dawn in ka hria, ka kut atang chuan thisen a rawn luang a, na pawh ka ti lo, hei ai chuan ka rilru a na daih zawk..ngawireng chuan ka kut chu ka en vawng vawng a..

"Ehe..Hyung engthil nge thleng a, ngati nge i kut hi, damdawiin ah kal vat ang" Jungkook in a rawn tih pawh chuan ka la chesawn peih chuang lo..tunah hi chuan tumah ka be peih lo, mahni chuahah awm rih ka duh..

"A ngai lo" ka tih pawh chuan min pawt lawp lawp a..

"Ti kha te chuan a hliam kha a pun mai ang, tiraw kal ang" a tih chuan

"A ngai lo ka tih chu, keimah in min awmtir rawh"  vin tak chuan ka ti a

"Hyung..hetiang hian awm suh, Hana pawh in hreawm a ti lutuk a sin..nangtal te chuan hrethiam ve ta che, engemaw chhan thatawk vangin dawt a sawi a ni ve thei tho a, hetiangah mahni in tihnat hian engmah a siam tha dawn lo a nia" damdiai chuan a ti a, kei erawh ka nui hak..

"A chhan maw..Jungkook mi tupawn dawtsawi chang chu kan nei vek, mahse a ni chu a chhungte, a thiante thlengin dawtsawi nan a hmang a sin, chutah kei ngei pawh min bum a, nitin hian engtianga tam nge dawt a lo sawi thin ang, ngati nge min hmuh chang te hian inthiam lohna pakhat te mah a neih ngai lo, engtin nge thil tisual ni awm lo takah a la nuih mai mai theih zawk, keini min bum hi nuam a ti viau a mi" Jungkook chu ka ankhum ta chiam chiam a, ngawireng chuan min ngaithla reng a, ka ziaawm phah deuhin ka hria..

"Hyung..i sawi chu a dik vek alawm..mahse tupawn kan thiltih chhan hi kan nei vek thin alawm..dawt a sawi a nih pawhin amah in lawm tuar dawn, nangin i lo tawrh daihna chhan tur a awm hleinem..hetiang hian nagmah in ti hreawm tawh lo hram teh" ngenngawl tak chuan a ti a..

"I hrethiam lo a ni Jungkook, ka rilru a ti na takzet, ka nunah a vawikhat nan Hmeichhia ka hruailut a, mahse a nih chuan inbumna hmangin min lo chhawn a..engtin nge tiangte chuan mi ka rin leh theih ang, ka damchhung zawng hian mi rinhelh na hlirin ka khat dawn a sin"

"Hyung..i rilru tur chu ka hriatthiampui che lawm..mahse vawikhat tihsual vang mai a, i nun zawng² chhe mai tur ang chuan sawi suh, Hana nen chuan tha deuhin sawi dun leh ula, i ngaidam theih a nih chuan chu tlukah hlu a awm lo, a ni pawn dawtsawina chhan tur a nei tawh kher nang.. chance i pe leh tur a ni" a tih chuan ka nui a, mahse ka thinlung takin ka nui lo, ka rilru na nuih ni berin ka hria..

"Chance a..Hah Jungkook, i ngaih ang em emin Hana hi a special lo..chance pek i tia mi kha.. chance pe tur pawhin a mah zawk in min kawp lo ang tih a hriat hleinem" ka tih chuan mak tih hmel tak chuan min en a

"Enge i sawi awmzia"

"Enta che..nimin lawkah a dawtsawi kan hrechhuak a..inthlahrung tur a nih laiin..pd nim fapa chanyeol nen nui dun hawr hawrin coffee an in saw, sawtiang hmeichhia, nikhat lek mipa tellova awm thei lo saw, engtikah mah ka ngaidam lo ange" tihpah chuan elevator lamah chuan ka luhsan daih a..ka kut tehrep lah chu a la thi duh phian a..engkim mai hian ka thin an tirim ngawih²..

HANA P.O.V

Ka pik lutuk hi awm ngaihna ka hre lo..khumah chuan ka inlet sek a, ngati nge vawiin berkher hi a lo ni le..tinge a hma khan ka lo hrilh vat loh le..ngati nge ka vanduai thei bik em em..

Mut pawh a nuam chuang lo, bakah mu hman ka ni lo, Jimin hmuh ka ngai..ka lakah a thinrim ropui si a..awm khawmuang hman ka ni lo, rangtak chuan ka insiam leh nghal sawk sawk a, a rem² chu ka ha mawl tawp a..kan in atang chuan chhuakin company lam chu ka pan a..