💜MY IDOL💜( Mizo Version)#complete#

CHAPTER 19

🦋MY IDOL🦋

💜JIMIN FANFICTION💜

CHAPTER NINETEEN

______________

Hana nen kan boruak a that tawh tak si ah chuan ka hriat loh karin ka lo nui leh ver ver thin a, ka unaute ho pawn mak tih in min en fo thin, min lawmpui thu an sawi chamchi a, ka tan chuan ka unaute tlukah hlu hi an lo awm lo a ni..a bikin Jungkook leh Taehyung chungah hian ka lawm em em a, an ni pahnih thluak tha tak hmang hian thil tihdan tur ka hre zel thei a, an chungah hian ka lawm fal bik em em a ni..

Duh aiin dar lah hi a kal chak a..kan lam dawn chuah emaw tih laiin ban a lo hun leh ta der mai, rangtak chuan inthlak vatin Hana chu ka zawng nghal a..

Chanyeol nen ah an hnathawhna hmunah chuan ka va kal a..duh ai hian Chanyeol hian a hnaih thin mah mah..duh lo hle mahila, hana hnathawhna hmun a ni si a, a ban daih chuan ka hmu thei tawh dawn bawk silo..an in ah tlangnel takin ka lut thei bawk silo, ka tan chuan he hmun hi a pawimawh lutuk, mahse an awmdun hi ka duh bawk silo..ka va buai tak...

"Hana" ka tih chuan a rawn hawi phei vat a..

"Aw..i bang tawh mi" a tih chuan "aw" tih nan ka bu nghauh a..

"I la haw hman lo a mi" ka tih chuan a tum bur a...a cute takzet..Chanyeol zawkin "vawiin chu kan laklawh deuh a..kan tlai deuh ang" a tih chuan ka melhrum lutuk ringawt, chhan pawh ka chhang peih lo, Hana lam chu hawiin "reilo te lo kal lawk teh" ka ti a, pawnah min zui chhuakin, room pakhat ah chuan ka hruai lut a..

"Sawpa saw ka ngaina lo" ka ti nghal a, a ni erawh a nui hak thung..

"I ho em mai a..inpu fapa a nihsaw, tih vak ngaihna a awm hleinem"

"A ninawm..a ni chungchang sawi ka peih lo, hnaih tam lo la ni mai" ka tih chuan a bu nghauh² a..

"Haw vat rawh..keini pawh kan rei lo ang" a tih chuan thaw hakin ka kuah a

"In pahnih chuahin engtin nge ka awm tir ngam ang che u" ka tih chuan ka kawngah min rawn kuah let nghal a..

"A mak..thlahrang pawh a ni bik lo hi..a fel lutuk, ka chungah a tha bwk si"

"Tha ang chu..a nite chuan ihh..i hmeltha em a" ka ti daih a...hlim tih hriat zet hian a nui vur vur a..

"Thikthu kan ti chhe dawn a ni maw" tihpah chuan ka biang a rawn piai a..ka ner sawk thung

"Khatin naupang angin min fiam rere suh aw" thinrim hmel deuh chuan ka ti a..a ni erawh a nui vurvur thung

"Awle² nih ka tihpalh..kal tawh rawh a tlai tawh"

"Awle..nih haw tlai lutuk suh ang che..chuan sawpa saw inthlah tir hek suh ang che..i hria em" ka tih chuan

"Aw..ka hria e, kal tawh rawh" tihpah chuan min nem chhuak a

"Ka kal dawn alawm..mi ngaihna chang pawh i hre lo" phun bul bul chung chuan ka kal a..a ni erawh a nui sang thung, ka kal liam thlengin min bye² a..min hmuh theih lo chinah ka nui chhuak hawk, ka chetdan maimai chu tleirawl ngaihzawng nei te pawh ka ang alawm le..

Ni tak..kum 18 chuah lawm a la ni... teenager chuvang chu niang tleirawl deuhah ka chet ni..han ti ila ka upa vak bik chuang lo..aaaa ka ngaihtuah buai peih lo e a..

Ka apartment ka thlen chuan washroom ah lutin ka inbual nghal a..ka taksa rawl lutuk te pawh a dam sawng sawng in ka hria..

Kar kalta kha chuan lungngaihna in ka nunah hmun a khuar a..nitin in ka thinrim in, zu in ka ching a..engkim kha ka hne ngawih² thin..tunah erawh a inlet thawk thung..lawm loh ah nui an tih chu keimah ngei hi ka ni..ka hlim em avangin ka lo nui chhuak leh thin a..midang tan phei chuan a ngeiawm duh mai thei a ni..