فرحي و فرحتي

الثالث والثلاثون

#فرحي و فرحتي

البارت الثالث و الثلاثون

ل ورد العامري

فرح:زياد الغرفه شصاير بيها وبدلتها

زياد: ها شنو يعني شصاير بيها

فرح: ليش بدلتها

زياد: موكتلج معجبتني

فرح: بس لان ما عجبتك موعله شي ثاني

زياد: شي ثاني

فرح: اي

الوووو

زياد: وياج

فرح :مجاوبتني بس لان معجبتك ماكو شي ثاني جان سبب بتبديلها

زياد: فرح اني مو بقصدي هيه اني يعني ماعرف شلون اكولج بس اني

فرح: انت شنو هااا مفلش الغرفه كولها بكل بساطه فلشت غرفه النوم الي اني وانتي اشتريناها وفوك هذا اكذب عليج اكولج معجبتني مااكول اني ممبقي بيها قطعه سليمه

هاا صح لو غلط

الوووو

زياد وينك

زياد: احم احم وياج بس

فرح: بس شنو شبيك

زياد: بس لحضه لحضه ضلي ويايه

ثواني بس ثواني وجنت راح احجي كلشي

ثواني وحياتي جانت راح تدمر كدام عيني

ثواني واخسرج باايدي

كعدت بالكاع جريت بطل المي شربت وغسلت وجهي

احساس الخوف ميجي من احد يهجم عليك او تنضرب او تسوي حادث

احساس الخوف يجيك بحاله الموت

ومرات الموت يصير عله هيئه انسان بعده عنك يعني الموت

الو

فرح: شبيك وين رحت

زياد: وياج

فرح: راح اضل الو ووياج وبس متجاوبني

زياد: منو كلج

فرح: يعني صدك الغرفه مضال بيها لا مرايا ولاكنتور سالم

زياد: منو كلج

فرح: الي يهمك منو كلي هسه وبس ميهمك الي مسويه ليش زياد هاا ليش وفوكاها تكذب

زياد: مواكذب ماردت ازعلج

فرح: يعني تعرف راح ازعل زين معنه هذا انك تعرف انها غرفه عرسنا الي اختاريناها اني وانت يعني مو ملك الك وحدك حته تكسرها وليش كسرتها اله اذا جنت بالفعل ده تحس روحك تورطت

زياد: جري. نفس شويه جري نفس فرح انتي عندج عقل ماشاءالله يوزن بلد بس مرات يشمر خارجي

شبيج بابا شنو تورطت

فرح: شنو معناها لعد تكسر الغرفه

زياد: اتعصبت ومحسيت بروحي