فرحي و فرحتي

الثامن و العشرون

#فرحي و فرحتي

البارت الثامن و العشرون

ل ورد العامري

زياد: احبج ومستعد احرك الاخضر واليابس

فرح: زياد يعني انت مكايل هل حجي لوالدتك

زياد: فرحي وروح ابويه مستحيل احجي هيج شي اني روحي بيج

فرح: زياد لاتزعل مني اني موقصدي يعني اقلل من اوووف بصراحه زياد وبله زعل زوجه عمو اسماعيل

مالها مصلحه تكذب وهمه يعني انت تعرفهم مومن نوع الي يكذبون

اني موقصدي بهل كلام اساءه لوالدتك بس زياد امك بعدها متريدني صح

زياد: حبيبتي

فرح: والدتك متريدني وجيتها جانت تلبيه لطلبك لكن بعدها ان متريد غريبه صح

زياد: حبي اسمعيني ان رادتج امي اولا انتي راح تكونين زوجتي الي

اني الي اريدج واتمناج مومهم احد ثاني

فرح: حبي بس يعني حنعيش ببيت واحد

زياد: لااا لا اريد هل كلام يضل بينه وميطلع نهائي حته ل اماني

حبيبتي مااكدر اكولج من ليله عرسنه نعزل اني فكرت

وقررت هل شي احنه مانطول شهر ببيت اهلي وبعدها نعزل لراحتج وراحتي يكون هل شي افضل

فرح: يعني قصدك ماانعيش ويه اهلك

زياد: اي هسه مااكدر يعني حاط احساب الزواج وتكاليف بس واريد اعرض السياره للبيع هسه ماكدر وره زواجنه ان شاءالله اعرضها لان هسه تفيدنه بروحه بجيه

المهم ان شاءالله منطول شهر وبهل شهر باالتحاقي ترحين يم اهلج وبنزولي تجين

فرح: يعني بالفعل ممرغوب بيه

زياد: فرح فرح حبيبتي اني اريدج واريد راحتنه واستقرارنه اني وياج بيت وحدنه افضل النه

فرح: ماعرف شكولك

زياد: كوليلي انج تحبني وانج راح تكونين ويايه لومها صار

فرح: هههه هذا الشي اكيد

زياد: ادري تحملتي هواي وصبرتي هواي ان شاءالله مضل شي وتكونين ابيتي وراح اعوضج عن كل دقيقه تحملتي وصبرتي بيها

ومستحيل افكر مجرد تفكير اني ازعلج

فرح: الله يخليك الي

زياد: احبج

فرح: واني اكثر

زياد: سديته من فرح غمضت عيوني لدقايق بهل دقايق حسدت الميت

رددت بداخلي هنيال الي ايموت يخلص ويرتاح

ايام صارت تمر عليه يوم اصعب من يوم