#فرحي و فرحتي
البارت الثلاثون
ل ورد العامري
زياد: شجابني هنا
لا انتي شجابج. هنا
كومي طلعي
طلعييييي برررررررره
طلعي
احو احو احو
طلعيييييييييي منا
احو احو
معاذ: زياد شبي
انتي شعندج هنا
-احو احو
معاذ: شبيك زياد
ام عادل: يمه شبي الولد
معاذ: مادري يتقيء. معاد اركض جيب مي
ام عادل: لك يمه حاجيني شبيك عيني
معاذ: شيحاجيج متشوفيه مكادر ايجر النفس
زياد كوم انزلك للحمام
ام عادل: يمه ازرك الولد الله لايوفقجن يابتول وشكريه راح ايروح الولد من ايدي لك يمه زياد
شجاني وسمعت كلامجن الله لايطيجن ولايرضيجن
معاذ: هسه تلطمين كمتي البارحه من حجيت تكوليلي مره ورجال لاتدخل معليك
كوم زياد شو كوم من الجربايه متلفلف بلحاف
زياد: طلعوو بره احو طلعوووووو
معاذ: طلعي يمه اخذ امي واطلع معاد
ام عادل: ولك وين اطلع عيني يمه ولك شبيك ازركيت واصفريت وذبيت معدتك كلها لك حاجيني
معاذ: دطلعي طلعي كل من وراج ووره خواتج طلعوو
زياد كووم حبيبي
لك شتأشر اطلع اني البسك كووم تستحي مني
معاد تعال ساعدني انزله
دير بالك لايوكع من الدرج لزمه زين
زياد شبيك حبيبي لك اووكف شبيك
معاد: شسوي
معاذ: احط راسه جوه بوري المي اركض جيب خاولي
زياد: اااااخ ااااخ شسويت لك شسويت اني
عاادل عادل
معاذ: زياد شبيك يمعود شو حاجيني لاتضرب عله راسك
زياد: عاااادل لك عادل
ام عادل: راح يتخبل الولد لحكولي ولكم تخبل ابني زياد يمه
معاذ: كله منج انتي السبب منج ومن ذيج الساقطه كتلها لاطبيله بعد زياد لك كومم
زياد: يابه ااخ يابه رباب
لج رربااااااااااااب
ام عادل: يبووو اركض ولك مااكدر اصعد ركض ولك زياد يمه دخيلك
