فرحي و فرحتي

الواحد والعشرون

#فرحي و فرحتي

البارت الواحد والعشرون

ل ورد العامري

زياد: الوو ها حبي

فرح: هلو زياد شلونك

زياد: بسماع صوتج بخير اني

فرح: وين انت

زياد: باللواء حبيبتي شبي صوتج

فرح: هاا ااااا اجاك مهدي

زياد: مهدي كالو الولد طب للامر رايحله هسه صاير شي

شبيج فرح شبي صوتج

فرح: حبيبي

زياد: هاحبي كولي شبيج عيني انتي

فرح: حبيبي اني اعرف بيك قوي ومايهزك اي شي

ولاراح يغيرك شي راح تبقه كد الحمل ادري بيك مؤمن

وتعرف ان الله اذا ابتلى عبد لان يحبه

زياد: هوه شصاير شبيج

فرح: حبيبي كل شي بيد ربك وكل الي يصير هوه مقدر ومكتوب

علينه انشوفه بس لازم الواحد يصبر ويتحمل

خصوصا انت لازم تبقه بهل قوه لان انت النقطه الاساسيه الي راح تتحمل الكل رغم قوه حزنك

زياد: فرح شصاير قلقتيني بيج شي اهلي بيهم شي

الووو وينج
فرح: وياك حبي روح. لمهدي عنده شي يكوله الك

زياد: شنو هذا الشي احجي

فرح: حبي مهدي يكولك اني بس اريدك تكون قوي وتصبر

زياد: ع شنوووو

فرح: خلي مهدي يكولك

زياد: لااحجي شكو شصاير

فرح: باي حبيبي ديربالك ع نفسك

زياد: لا تعالي فهميني شكو

فرح: حبيبي بداعتي مهدي جاي يبلغك روحله ولاتخلي بالي عليك

زياد: سدته شنو قوي شنو اصبر شكوو صوتها تبجي شصاير

حطيت التلفون بجيبي وطفيت جكارتي ودخلت الممر كال غرفه الامر

طلع مهدي

هااا مهدي

مهدي: ها زياد زين شفتك هنا لم غراضك اخذتلك اجازه

زياد: شبيك انت

مهدي: مابيه حبيبي يله امشي

زياد: لااوكف لا اجر بيه فهمني انت شكلك ماعرف شلونه و فرح تكولي كون قوي واصبر

شصاير لاتكولي امي بيها شي

مهدي: لا بس امشي

زياد: لك ماامشي فهمني امي احجي