فرحي و فرحتي

الحادي عشر

#فرحي و فرحتي

البارت الحادي عشر

ل وردالعامري

زياد: انذبيت سجن بنفس اللواء يمكن جنت محتاج هل سجن

محتاج اكعد وحدي

بكعدتي وحدي استسلمت لنفسي لدرجه اني بجيت

بجيت واني اذكر ابويه

بجيت واني اذكر روحي

بجيت واني اذكر شكد فضلتهم ع روحي

بجيت لان حسيت اني مكسور اقرب الناس الي

واحبهم ع قلبي ميردون كلبي يفرح بالي اختاره

بجيت واني مطمن محد يشوفني غير روحي

بجيت حته ارتاح بس شفت روحي بحيره اكبر

حيره اسمها ليش

شنو المصيبه الكارثه الي سويتها

حبيت اي حبيت

ردت انسانه تكون شريكه حياتي

شنو الغلط

زين الغلط من وين مني

مني لان ماريد احد يشاركني حياتي يكون مقرر الي مواني مختاره

زين الرفض سبب شنو بنيه حبابه مؤدبه من عائله خوش ناس محترمين ميدورون مضاهر

الرفض موسببه شخصيه فرح ولا اهل فرح

السبب هوه فرض

الحكم الحكم كلام امي لازم ينفذ والا اكون ضال ولد عاق

عدت ساعات واني وحدي والي ابالي ليش هيج يصير ويايه ووين الجريمه الي سويتها حته يصير كل هذا

مهدي: هاا زيود

زياد: هاا

مهدي: لااضوج هسه يطلع الامر نطلعك

زياد: سمعت شي جديد

مهدي: اوووف عمي ميقبل يحجي ويه اماني

زياد: امااااني ليش

مهدي: يكولها من عرفتي ام الولد متريد اختج جان لازم تكوليلي
تنبهيني

زياد: لبنيه متدري

مهدي: اوووف كايله ل امها مادري بس اتكول ابوها ممحاجيها

خابرت عمتي تكول ممتحمل حجايه من احد وضارب فرح

زياد: شششنووو

جنت كاعد واحاجي من كال ضارب فرح ركضت للباب صرت كدامه بينه الباب

مهدي: والله تكول ضاربها ودازها لبيت واحد من عمامها ع اساس كايل ميريدها بعد ومن هل حجي تعرف العصبيه كلشي واحد يحجي

زياد: زين ليش ضاربها

مهدي: موامك كايله ام التلفونات ماكله عقل ابني 24ساعه الو هيه وياه لزمو بتكم وضبوها