لكنه لي❤️

17

الحلقة السابعة عشر♥️
الجزء التاني ♥️
لكنه لي♥️
أمير بعصبية:نيرين نوضي
نيرين ناضت  او وقفت ع طول :باهي اهوا نضت خلاص
لميس بحتت فيها او ضحكت قالتلها يا خوافـ..
او ماعاد اسمعت ولا اي شيء ولا شفت اي شيء
لين طحت ع الارض وغبت ع الوعي او ماعاد شفت شي فجأة ايجيني نور ابيض من بعيد گأني قاعدة نتفرج ع حاجة
نيرين:باهي خيرگ تصرخ اعليا اطلعت نشري كندرة او ماخديتش  تليفوني انسيتة شني يعني البني ادم ماينساش
انس:باهي اعلاش ماقلتيليش انك طالعة يا هانم
نيرين:او اعلاش انقولگ بلله فكني من جو صغار اخلاص ره  شن لما نطلع انقولك لما انروح انقولگ بلاهي اعليگ او اتعال شوفني او اني ننزل للأسواق او لما نقعد انقولگ ايوا انس اهوا اني ابنقعد ايوا اني اهوا اني بناكل ايوا انس اهوا اني ابنرقد شن ه الجو خلاص ره احني مش صغار او
انس ؛وللهي باهي انشاء الله اشريتي كندرة
نيرين:لا مشريتش  ابنرقد اني باي
بديت نفتح في عيوني بشوية بس كأنة فيه شيء ايقولي لا متنوضيش خليك ح تشوفي حاجة تانية اقعدي شوفي سكرت اعيوني  او وليت للحلم الي نحلم بيه  كأنة حد يبيني ندكر ابدت نفس الصورة ترجع  بس اوجه اجديدة كلهم اجداد
علاء:اني قلتلگ لو بوك خبر السرطة اتموتي ولا نيرين هزت راسها بإيه او قلبها مكسور او مش عارفة او يمكن عارفة مصيرها
علاء:انت هييه
الراجل: تحت أمرگ
علاء:امشي جيب الحبل بس بسرعة
نيرين كانت اتفكر بهلبا حاجات بس عارفة ان هادي هي النهاية
جاب الراجل  الحبل او امشى عند علاء او اعطاهولا
علاء اطلع فيا او قالي اتعالي امشيتلا او كنت هلبا عادية ابدا الراجل يربط في رجليا او اربط ايديا او لسقهم في بعض كويس  كنت نضراتي ع صحباتي كأني أنودع فيهم
هووب او ارموني في البحر في هاديق الحضة شديت انفاسي نستنا في حد ينقضني كل ضيق التنفس اطلعت فوق او قلت في نفسي الحمد لله على كل حال (وأشهد أن لا إلله إلا الله وأشهد أن محمد عبده ورسوله) ابدا ضيق التنفس ايزيد او ايزيد بديت. نبي نبي انحرك رجليا او انا نفرك ايدي او رجليا ببعض لين ماعاد اقدرت انصكر فمي افتحت فمي نبي ناخد اكسجين اخديت ميا ابديت نختنق او راسي ايدور او اتلاشت الصورة من قدام عيني افتحت اعيوني او كانت الدموع مليانة عيني لأن شفت الموت بعيني الغرق واعر هلبا خفت بهديك اللحضة ان ايولي كل شي خايفة ايجي جمال توا او ياخدني ابديت نبكي ابصوت عاالي لين خشو اعليا او دارولي مسكن او ارقدت اطلعت ع المرش بعيون تاعبة او شفتهم كلهم قدامي بس ياريت او لا دارولي المسكن اول ما وليت ارقدت
حنين :ليان ليان عنديك حالة روحي ابسرعة
ليان : في اي غرفة
حنين :هي موجودة في الطورايء
ليان :ماشي يلا
انس :جيبولها الذكتور بسرعة
ليان : ابعد لو سمحت حنين طلعيه من الطواريء
انس اقعد يطلع اعليا او ماطلعش
ليان بعصبية :حنين طلعيه
حنين :لو سمحت يا استاذ اطلاع الدكتورة ابتعرف شغلها او اختفت الصورة او ماعاد شفت الى الضلام قدام عيني
  او قدام غرفة نيرين
انس:به يا دكتور لأمتى ح تقعد ع الوضع اهوا
الدكتور :احني ال توا معرفناش سبب صراخها او سبب اغمائها بس يمكن هي محتاجة لدكتور نفسي يعني لو اتكررت الحالة كم مرة
عاهد :هي يادكتور حاليا فاقدة الداكرة
الدكتورة :اها فاقدة الداكرة اها اهني الموضوع يتغير
امير :يعني شنو
الدكتور :انفضل انكم اتجو لمكتبي باش نشرحلكم
عاهد :باهي هي اتفضل دلنا ع مكتبك
الدكتور :اوكي اتفضلو
خشو للمكتب او قعدو
الدكتور :حسب كلامكم ان المريضة فقدت الداكرة
عاهد :اي صح
الدكتور :باهي قبل ماتفقد الداكرة  مرت بضروف قاسية اى شي ايخًوف او موت انسان اتحبة او اي شيء من هكي
عاهد :هي كانت مخطوفة او ارموها في البحر كانت ح تموت من الغرق بس انقدوها في اخر لحضة بس ادى الى فقد داكرتها
الدكتور :اها يمكن هي معناها حاليا في الوضع اهوا داكرتها ابدت ترجع او ابدت اترجع في الدكريات السيئة ع خاطر هكي صارلها الصداع القوي هلبا حتى اغمى اعليها ف لما اتنوض توا تسئلوها هل هي ادكرت او لا او لو مدكرتش ردو بالكم اتقولولها اي شي يصدمها لأن لو دخلت في اي صدمة يمكن انها اتخشي في غيبوبة
عاهد :انشاء الله يارب اتكون ادكرت ياارب
الدكتور :انشاء الله يارب ايصير خير
عاهد :شكرا دكتور مقصرتش
الدكتور :ولو هدا واجبي
امير :دكتور به امتا اتنوض
الدكتور :مجرد ساعات قليلة
امير :تمام شكرا
طلعو من المكتب الدكتور او كانو خايفين من لما اتوض نيرين شن الي ح يصير
او سارة او لميس كانو قاعدين حتا هما او ينتضرو او لحد الان لميس متعرفش ان غيس مازال عايش. كانو ع اساس اليوم حتعرف او انشاء الله مش حيتغير شي مجرذ ما نيرين اتولي للحوش بس او ح تعرف
اما ميار ف فعلا انس وفى بوعدة او جابابلها  الفيديو كامل
كانت امقعمزة ع المكتب حطت لفلاش ع الكمبيوتر. بس الغريب ان كان فيه امرا هي الي حطة المخدرات في سبارت زهير بس المرا هادي اعلاش حطتهم في سيارتة ؟
او ولت للحوش المشكلة!
يعنيخشت ال داخل مهربتش
يمكن اتكون قريبتهم  الموضوع امشكشك هلبا لازم نمشي لعند زهير او نعرف المرا هادي منو
البست عبايتي او صورت البنت بتليفوني او اطلعت
ميار :نبي انشوف  موكلي زهير ال ..
الشرطي :  اوكي اتفضلي امعاي
خشيت لزيارة استنين هكي شي 5دقايق او خش زهير
زهير :اهلين ميار
زميار :اهلين شن حالك اليوم اكويس
زهير :اكويس مقلتيليش انك ح تجي اليوم
ميار :بصراحة اني اعرفت شي هلبا مهم
زهير :او شن هوا
ميار :زهير انت في المحكمة الجاية ح تطلع اوب ت الدموع تتمع في عيون ميار
زهير :ك ك كيف
ميار :انا امعاي الدليل انك مش انت الي حطيت المخدرات
زهير ؛باه منو منو حطهم
ميار :بصراحة يا زهير كانت مرا مش راجل  والعريب ان حطت المخدرات بسيارتك اوخشت ال داخل يمكن اتكون قريبتك او تبي اتورطك
زهير :كيف اعرفتي
ميار ابتسمت :عندي ڤيديو موجود فيها كيف المرا طلعت نت الحُوش حطت المخدرات في السيارة او ولت للحوش
فجأة زهير مسگ يد ميار بقوة رهيبة
ميار ؛ااااه
زهير :الڤيديو هادا ينحدف فاهمة ورب العزة لو منحدفش حيصير كلام تاني
ميار :خيرك اهبلت
ز هير :ايه اهبلت وكلامي واااضح
ميار :به به حول ايدك
زهير حول ايدا
زهير :الزيارة الجاية اتجيبيلي الڤيديو واضح
ميار :به
زهير :بري اقلبي وجهك توا
اطلعت او اني الدموع مليانة في عيوني بس انصدمت لما اطلعت
نفس المرا كانت خاشة للموديرية
الشرطي:اسمك
المراء: حياة ال..
الشرطي:شن تقربي للمتهم
حياة:مراتة
او ابدت كلمة امراتة تتكرر في راسي مراتة مراتة
لين غبت ع الوعي فقت او القيت روحي موجودة في مكتب او ايمن (خوي)واقف قدامي
حضنتة او اقعدت نبكي او نبكي لين راسي اوجعني من البكي
ايمن :اعرفتي توا اعلاش قتلك  معاد اتجي
اعرفتي؟
ميار :اعرفت او ياريتني ماعرفت ضعت او مستقبلي ع خاطرة ضيعت طمًوحي ع خاطرة ضيعت سنين عمري او اني انراجي فيه  ع خاطرة
ضيعت كل شي ع خاطرة
اتوقعتكم اتهمتوه حتا انتم بس طلع واحد كداب
ايمن: اخلاص ميار انتي متزوجة او براجلك حرزم حتا انك اتجي اهني باش اتزوريه انسيه او الهي في  حياتك راجلك او عيلتك
ميار :مستحيل يا ايمن مستحيل  هًا ضيعني هوا كدب اعليا ح  ننتقم منا
ايمن :مياااار فوتيهم
ميار :ايمن هادي خدمتي نوقف مع العدل او العدل ان مراتة اتخش للحبس
ايمن :نوضي خلي انروحو نوضي
نضت اوكنت نبكي من القهرة لأن فعلا قهرا لما يضحك اعليك انسان او انتي متوقعة ان الانسان هادا غالي اعليك
انسان اتوقعتيه كل حياتك او هوا انسان ارخيص او تافه
كدبتي اهلك عيلتك ع خاطرة
ضيعتي حياتك او كل طموحك ع خاطرة
انسان تافه
اوقفت ع رجلية او اطلعت اركبت مع ايمن السيارة
ايمن :ارتحتي توا
ميار :ايه            ايمن
ايمن :نعم
ميار :اعلاش ماقلتليش ان متزوج
ايمن :شن بنقولك
بنقولگ الراجل الي حبيتيه طول عمرگ طلع كداب
الراجل الي جا يخطب طلع راجل تافه
طلع فعلا تاجر مخدرات
اهلة فعلا اتخلو اعليه لان تاجر مخدرات
هكي تبي انقولك ها
اقعدت ساكته او معرفتش شن انرد اعليه🤚🏻🤷🏻‍♀️
لإن فعلا كلامة حقيقي او موجود
روحت للحوش درت دوش او ارقدت لأن ابجد اتلقيت صدمات هللللبا كبيرة ع راسي
كانت
الساعة 11ف الليل
بديت نغتح في عيوني او شفت اغدية في يدي او قاعدة ابروحي في الغرفة راجعت روحي او ادكرت كل شي داكرتي كلها
شوية او خشت اعليا ممرضة لاقتني فتيقة سألتني ع حالي او شن انحس او طلعت او خش وراها انس
انس:شن فاق الحلو الي امتعبنا في جرتة
ليان ابتسمت: صارلي صداع اقوي هلبا
انس:قال الدكتور ان جاك صداع قوي هلبا
ليان :اووو ماقلكش السبب
انس:قال  انگ مهملة روح او صارلك هبوط
ليان :اها(كنت فاهمة ان سبب اغمائي هوا  رجوع داكررتي)
انس/شن حا سة توا
ليان /كويس حالي توا  انس نبي نسألگ
انس:نعم
ليان :تدكر لما جيت لإيطاليا اول مرا لما جت امعاگ ابنية
انس:ايه ادكرت
ليان :من هيا لبنية الي كانت امعاگ
كنت ح نحكيلها كل شي كإنة او فرصة جت  ال عندي
بس ادكرت كلام الدكتور لما قال انها متتعرضش لأي صدمة
فقررت اني منقوللهاش
انس:اتكون مرات صاحبي امشيت اني او صاحبي لإيطاليا مع بعض هوا عندا اجتماع او مراتة خلاها في الحوش اخبطت اكتر من مرا مفتحش حد او كنت عارف انها في الحوش افتحت الحوش او القيتها دايخة او الباقي تعرفيه
ليان :اهل
بصراحة افرحت ان ممانش ليه علاقة في الموضوع
ليان :او وين بًوي او امير او باقي العيلة
انس؛روحو باش ايحطو سارة تو لميس في الحوش بس اهوا كلمتهم او امولين

يتبع