لكنه لي❤️

16

الحلقة السادسة عشر 💙
الحزء التاني 💙
لكنه لي💙
انس:هادا عرس غيس
امير :رفع حاجبة (بمعنى انت ع شني ناوي )
ليان:اها
عاهد : حتا هوا امشت اعليه ان في عرس غيس
عاهد :انشاء الله توا انكرروه العرس او نعزومو سامي او خالدههههه
الكل :ههههه
روحو للحوش او جهزو شنطهم على انهم امروحين غضوا الصبح
ساعة 8:00ص
عاهد :نيرين نوضي الطيارة بتوفوتنا نوضي
ليان :5دقايق
امير :يا نيرين كلنا جاهزين نوضي
ليان :5دقايق
امير :نيريييييين
ليان ناضت واقفة
ليان:اللطف خيرك
امير :تي ساعة او احني انوضو فيك
ليان :اولا نادي ليان مش نيرين
امير:نيرين او خالق الراس قاطعة
ليان :ههه به به
عاهد :هيا نرضي بذلي
ليان :حاضر
امشت او وتت روحها امشو للمطاو او ركبو لطايرةكان كل شي عادي
بعذ مانزلت السيار
امير :نيرين نيرين نوضي اوصلنا
عاهد :تي خيرها هادي متشبعش نوم
امير :نيرين نوضي مديريايش العار
ليان :ها ها خيرك
امير :نوضي اوصلنا
ليان :اها به
ناضت او ابدت تمشي لين وقفت ع الدرج الي ابتنزل منهم
او كأنة شي كان مفقود اعليها او ارجعلها
كأنة طفل كان غاب عن أمة سنين او شافها
كأنة مريض سرطان قد شفي من مرضه
ڪ ابڪم خرج صوته لأول مرة
ڪ اطرش اول صوت سمعه هوا صوت الادان
قداش الغربة واعرة
كأنة اول مرة انحس بالشعور اهوا
شعور حلو هلبا كل الناس زيني اهني يتكلمو زيني اهني عيلتي او ناسي
عاهد :نيرين ياعيني خيرك واقفة امشي
ابديت نمشي مع بابا اركبنا السيارة وتوجهنا للحوش  كانت اعيوني كلها ع الشوارع او الناس او للمحلات
كان الحوش اكبير هلبا اول مانزلت من السيارة.
جاني صداع غريب اول مرة ايجيني من كتر الوجع صكرت اعيوني او خطيت ايديا ع ودني  او جت صورة قدام عيني
نيرين:اهلا انس شن ماتبيش أتسلم
انس معرفش شن ايقول ارفع حاجبة:ولله الملامح مش غريبة بس ولله ماعرفتگ
نيرين:ضحكت ضحكة ادوخ تعال مش انت كنت اتقول انو اني اختگ الصغيرة
انس:مستحيل ماتقوليش نيرين
نيرين:ايه وعلاش لا
انس الي مزال مصدوم :أتغيرتي
نيرين:هه اتغيرت او اتغيرڪـ..
او اختفت  الصورة الي بين اعيونها فتحت اعيوني او القيتهم كلهم متجمعين اعليا بابا ع الليمين او امير ع الليسار انس كان نازل ع رجليه
امير :خيرك نيرين
عاهد :نيرين يابنتي خيرك
انس:نيرين ادوي نتكلمو امعاك
ليان :صداع صداع هلبا قوي
عاهد :به خشي خشي ارتاحي  ال داخل
خشيت الداخل طق امير ع الباب
لميس:مني
امير :افتحي
لميس:نيرين 😭
ليان :رغم انها مش مدكرة لميس الا انها ابدت تبكي امعاها او تحضن فيها مهما العقل نسى بس القلب ماينساش او القلب مشتاق
سارة:لميس خيـ.. نيرين يا بنتي او امشت حضنتها او هي تبكي او قعدو يبكو لتلاتة
رغم كل البكاء الا ان شعور العيلة حاوط نيرين حست انها هي موجودة في عيلة فعلا  في امان ناس ايحبوها او يعرفوها
انس فضل ان ايروح لحوشة لأن حس ان مكانة مش معاهم نهائي 
وصل لحوشة او استقبلاتة ام استقبال ماخلاش من الدموع طبعا او ميار كانت فرحانة لانهم روحو بنيرين
كانو فرحانين هلبا برجوع نيرين بس سارة حست ان نيرين تصرفاتها مش طبيعية
سارة :عاهد
عاهد :نعم
سارة بصوت واطي : خيرها نيرين مش منسجمة معانا بكل
عاهد :توا بعدين نحكيلكم
ليان :اا بصراحة ياعمي او مرات عمي اسفة هلبا بس وللهي تاعبه هلللبا او نبي ندل نرتاح بمكن عاذي ؟
سارة :شن ه الكلام اكيد بري اركبي ال دارك مازالت زي ماهيا ♥️
ليان:يمكن اتنوض امعاي لميس باش اتقولي اي غرفة
سارة  بصدمة  :كييف
عاهد :اي اي نوضي لميس وريلها غرفتها
لميس بإستغراب :اوكي تمام
ليان:(حسيت انهم مش عارفين اني فاقدك الداكرة الموضوع ابدا هلبا مزعج بالنسبالي )
سارة :شن صاير اتكلمو
عاهد :شن بنقولك يامرت خوي نيرين فاقدة الداكرة
سارة /شنووو
عاهد :وللهي هادا الي صار
سارة :ياحليلي ع بنتي ياحليلي ياربي او شن قال الدكتور
عاهد :قال عادي انها ترجع لأن نيرين عقلها منساش انها دكتورة او اشتغلت ك دكتورة طول المدة هادي او تتكلم بالاينجليزي
سارة :ووه ياحليلي ياربي ع بنتي
عاهد :اخلاص ياسارة بإدن الله حترجعلها الداكرة
سارة :انشاء الله ياربي
امير :خالتي سارة وين عمي رجب راقد شكلا؟
سارة قعدت ساكتة
امير او عاهد بحتو في بعض
عاهد :وين رجب يا سارة
سارة :اااه يا عاهد رجب ليه من امتى امشيتو في المستشفى
عاهد :شنننو
سارة :مش وصلكم للمطار
عاهد :اييه
سارة :لما كان امروح دار حادت في الطريق
عاهد :لاحول ولا قوة الا بلله
امير :او كيف حالة توا
سارة :في الاول خش في العناية 3ايام  بعدين ناض والحمد لله فيه شوية كسور في رجلة اليمين بس
او حتا اني لما اسمعت قعدت في المصحة او اغمى اعليا او لميس ماروحتش بكل لأمس  روحت او كلمتكم او اهوا غضوا بيديرولا خروج
عاهد :تي باهي اعلاش ماقلتوش
سارة :ماروحناش للحوش اقعدنا في المستشفى.
عاهد :اني بنطلع نمشيلة
امير :راجيني ابنمشي امعاك
طلعو ومشو للمستشفى
او سارة ع طول ركبت  ال دارها رغم ان في بالها 100سؤال لنيرين  بس فضلت انها ترتاح توا او تسئلها غضوا
ليان:كنت نشوف في عيون لميس هلبا أسئلة بس هيا قعدت ساكتة. لين خشيت لي داري او حتا هيا فتحتلي الباب او كانت حتطلع
ليان :لميس
لميس:نعم
ليان : خشي اقعدي معاي
لميس:يمكن اتكوني تبي ترتاحي
ليان :لا عادي خشي
لميس ابتسمت او خشت امعاها او صكرت ليان الباب
ليان :عارفك ان في بالك هلبا أسئلة بس قبل أي سؤال يا لميس أعرفي ان اني ليا سنتين او اني فاقدة الداكرة او منعرفش لا اهلي لا اي حد من عيلتي
لميس رفعت رلسها بصدمة :كيييف
ليان ابدت اعيونها تدمع سنتين او اني عايشة زي اليتيمة مقطوعة من شجرة انتو ماتعرفوش اني شن عانيت اني عانيت هلبا
عانيييت
لميس:بس احني اتوقعناكي متي يا نيرين
ليان :انتو كان يمكن تبحتو اعليا بس انتم كلكم اتخليتو ع فمرة اني عايشة
لميس قعدة اتهد في راسها او امشت حضنت ليان او قعدو يبكو هما الزوز  ممكن قعدو  شي ربع ساعة او اكتر هما ع نفس الوضع ناضت لميس او مسحت ادموعها او مسحت ادموع ليان
لميس:ح نعوضوك ع كل الي فات يا نيرين حترجعلك الداكرة او حنرجعو زي قبل  صدقيني
ليان :نتمنى او بعدو في احضان بعض لين اخداهم النوم
انس:انتي متأكدة يا ميار ان زهير مش متورط بأي شيء
ميار :ايه متأكدة
انس:معناها فيه قصة ورا الشيء اهوا
ميار :مشعارفة او انموت او نعرف
انس:موضوع الكاميرات خليهم اعليا
ميار. بفرحة :حقا 😍
انس:ايه انشاء الله غضوا الليل ايكونو امعاك الفيديوهات
ميار :انس معروفگ انت مستحيل ننساه
انس:معروف صار يافرخة
ميار :ههه ايه ابجذ معروف اكبير
او هادا كلا منغير فرحة عيلة غيس بمرواحا  كانت أما تبكي هلبا ع غيابة واليوم ابكت هلبا من فرحتها
ساعة 11:00ص
نضت من النوم او مشفتش لميس بحداي
كنت ح نوقف ونخش للحمام اندير دوش بس نفس الصداع امتع امس الي جاني صداع قوي هلبا في راسي ......
لميس:نيرين هيا نوضي مفيش وقت انت خاشة على امتحانات او لازم تقري نوضي
نيرين:لالا مش ماشية اني اليوم
لميس:نوضي هيا عاد انتي شهادة
نيرين:ميسو خلاص عاد قلت لا
لميس:انتي لازم نتعاملو معاگ بالقوه توا انقول لخوگ تفهمي
لميس:ياأمير اتعال نوض أختگ مابتش اتنوض
أمير بعصبية:نيرين نوضي
نيرين ناضت  او وقفت ع طول :باهي اهوا نضت خلاص
لميس بحتت فيها او ضحكت قالتلها يا خوافـ..
او ماعاد اسمعت ولا اي شيء ولا شفت اي شيء
لين طحت ع الارض وغابت ع الوعي